#pufflet

[don-dake]

Guess who has no self-control and ultimately bought Bingo? (No thanks in part to seeing her like this too!)

And now I'm thinking I really should get Bluey as well…seems kind of odd to just have Bingo but not her sis and the titular character of the show?

Who I really like besides Bingo is actually Muffin, but Muffin doesn't seem to be available here (yet?) Hopefully some time down the road soon?

[don-dake]

前幾日同屋企人出去食🥢頓飯🍚。雖然喺呢度已成立有一排嘞，但試下呢間餐廳啲菜，我哋總算係第一次。之前聽講呢間餐廳嘅招牌菜就係燒鴨🦆。所以嚟到呢度就一定要嗌一碟燒鴨嚟試下。果然有啲水準喎！燒鴨烤到皮外香脆，肉滑汁流，同埋幾腍添！正呀！🈵

可惜嗰碟炒芥蘭硬過頭，唔好講老人家嘞，連我哋呢啲比較後生嘅都咬到幾辛苦！呢方面就要扣分啦！(笑) 但除咗嗰碟之外，其他幾道菜都好唔錯。甚至連芥蘭其實都好好味，只可惜…

當然，主角始終係燒鴨啦！除咗頭先講咗鴨肉嘅特出點之外，呢間餐廳燒鴨嘅另外一個特徵就係同鴨配嘅醬汁嘞。我哋嗌緊鴨嘅時候，伙記話畀我哋知，有兩種醬汁可以選擇，「當歸」 定 「十全」。我哋就是但揀咗當歸。

雖然好滿意用當歸烤出嘅燒鴨，而燒鴨的確有個濃厚嘅當歸味，唔知 「十全」 係用咩藥材混合嘅呢？我哋唔記得問，菜譜又冇詳細解釋。如果再有機會嚟呢度食，就一定要記得嗌一個 「十全」 燒鴨嚟試啦！

↑ 四菜一湯。平時晏晝飯唔會食到咁豐富嘅…嗰日例外。所以就拍幾張相做個記錄/紀念！

↑ 三條 「化骨龍」 都有口福！嗰日 「同我哋一齊試咗燒鴨」！(笑)

另外，從喺表姐嗰度收到一啲貓牌子嘅朱古力🍫。再次答謝表姐嘅美意！感激！( ꈍᴗꈍ) 但希望佢下次唔會再破費啦！我知呢牌子嘅朱古力一啲都唔平！(唔敢查價錢…知道咗可能會嚇死！⊙﹏⊙ 笑)

↑ 貓仔Bastet而家好巴閉嘅宣布緊呢間朱古力店係佢開嘅！睇佢坐喺搖椅上䟴䟴腳，擺出一副滿意樣！原原本本嘅 「貓樣」！(笑)

改寫：從→喺

多得 kingkongcantonese @ Instagram 嘅指點！

[don-dake]

「戰鬥碗」 ～ Battle Bowl…does this mean I'll be fortified drinking from this bowl, or does it mean the bowl will fight me each time I try to drink from it? 🤣

↑尋晚嘅晚飯。飯就麻麻地嘞，但杯鴛鴦就幾正！而嗰個經典款嘅公雞湯匙都幾得意嘅。兩條 「化骨龍」 都有同感！

尋日食完晚飯出去行街一下，喺百貨公司發現咗好嘢！竟然有賣知步里嘅多美卡車仔呀！

其實前幾日已經喺網上所知，多美卡喺日本終於再次製作咗粉絲多年所期望嘅多美卡同知步里合作車仔消息嘞，亦都知呢啲車仔好暢銷，一喺網上出現就即刻賣晒。想買都買唔到！

估唔到本地竟然有入貨！真係意料之外呀！本來以為冇咩希望可以買得到，但睇嚟尋日係我嘅幸運之日喎…(笑) 雖然貴係貴咗啲，但早知係知步里牌，就估到會一定同一般嘅多美卡車仔比較貴嘅。

機會咁難得，而鍾意多美卡車仔同知步里世界嘅我就忍唔住囉！尤其係有我最鍾意嘅貓巴士車仔！點忍啊？！(笑) 最後，亦都買咗兩架由 《千與千尋》 所嚟嘅 「海原電鐵」 火車（有兩架先可以連埋一齊，似完整嘅火車嘛！）

↑ 你哋到咗終站囉！該換牌啦！（笑）

↑ 貓巴士乖乖地 「泊」 咗自己。

↑ 唉呀！唔覺意嚇到 「斑」 同 「黑斑」 貓貓老師車仔佢哋！

↑ 三隻貓車仔忙緊盯住對方，連火車走過，Bast坐舟划過去都一無所知！(笑) Bast話：貓做交通工具？失禮死貓啦！你哋慢慢繼續鬥落去罷！懶得睬你哋呀！

[don-dake]

「冬甩」 (同佢嘅龍仔朋友) 終於可以試一啲真嘅冬甩囉！味道如何啊？（笑）有一排冇食到冬甩嘞，所以錄咗呢一刻做個紀念。呢個牌子嘅冬甩唔會好甜，麵包口感幾軟熟，唔會好硬，朱古力味道都啱啱好，最適合我呢啲 「老人家」 吃啦！（笑）

價錢仲幾合理添。四個三蚊，平均講就係七角半一個冬甩。而家呢個年代喺呢度好難搵到賣咁平嘅冬甩啦！好抵囉！食落肚都覺得開心啲！（笑）

另外一方面，「薯仔車」 便在食緊佢 「最後一餐」。對唔住喔…「薯仔仔」！但因為你嘅清理過程好麻煩 (邊個叫你係毛茸茸材料造成嘅呢…），所以無辦法，為咗可以保養你而家乾乾淨淨嘅形狀，你必須要返去盒入面。唔好喊啦！第時可以再出嚟玩嘅！（笑）

新詞：抵 (dai2), 平均 (ping4 gwan1)

[don-dake]

尋日去睇咗一場戲。自從新型冠狀病毒大流行開始時（如果上一次去咗睇歌劇唔算嘅話），呢次係我第一次捧場返戲院！值得講一下，做個記錄。

今次有咁大嘅吸引力可以吸引我返去戲院一趟嘅就係 《神探伽利略：沉默的遊行》 嘞。

我係幾鍾意東野圭吾小說嘅，小說有讀過一，兩本。而佢 「伽利略～湯川 學」 嘅角色我都好熟悉；以前有睇過所有 「伽利略」 嘅電視劇，電影翻拍片，包括幾受歡迎嘅 《嫌疑犯X的獻身》 。

同 《嫌疑犯X的獻身》 嚟比，《沉默的遊行》 係幾失望嘅。雖然主要演員都冇變（同樣係福山雅治，柴咲幸，北村一輝帶領），配角演員都係日本娛樂圈嘅老手，包括我欣賞嘅吉田羊同檀麗小姐，但係，可惜，故仔疑案唔夠奇妙，步測亦都太過慢，到揭穿兇手時已經對佢嘅動機都冇咩興趣囉…

影片雖然失望，但做得喺四年以來第一次去返一趟戲院，起碼可以慶祝呢方面！「三條化骨龍」 同佢哋嘅新狗狗朋友，暱稱 「波奇」 喺尋日玩到好開心嘛！（笑）不單止可以同我同表姐出去玩，仲可以同我哋分享食士多啤梨🍓疏乎厘班戟🥞添！

四隻嘢（忘咗影小龍嘅相，但佢嗰日都有份嘅！）尋日就巴閉囉！都未輪到我同表姐食，你哋卻有口福先！（笑）

講到食嘅，雖然諗過下一次出去我一定要去食燒肉飯，始終未食到。睇嚟我同燒肉飯嘅約會要再約嘞！（笑）

新詞：疏乎厘 (so1 fu4 lei4)