#roneluds

[arongmann]

Lara Morena

Huwag ninyo na lang pansinin yung Lara sa title ko, talagang siningit ko lang yan sa title. haha

In my 21 years of my existence in this wonderful world, ngayon ko lang napagtanto na madali o mas attracted ako sa mga morena. Oo, nagkaka-crush din ako sa mga mapuputi but like I said, I got more attracted nga sa mga morena.

Ok, let’s have a throwback recap, noong nag-aaral pa kasi ako (kinder-college), halos karamihan sa mga nagiging crush ko is hindi naman kaputian at kaitiman, yung morena nga.

At hanggang ngayon, kapag may nakakasalubong o nakikita akong mga morena, hindi ko talaga maiwasan na mapatingin sa kanila. Kasi kapag napapatingin ako sa isang babae, kulay ng balat kaagad ang una kong napapansin.

Kasi dahil siguro yung mga morena symbolizes Filipina Beauty, iba pa rin kasi ang gandang Pinay talaga (hindi ko naman sinasabi na pangit ang ibang babae).

END.

[arongmann]

Criteria

Lahat tayo syempre pangarap ma-meet ang ating the only one, ang ating destiny. Syempre marami tayong iba’t-ibang criteria.

Ang sa akin lang, gusto ko yung simple lang na tao, simpleng manamit pero ok din naman para sa akin ang maporma (para maging maporma din ako.. haha). Yung may takot sa Diyos o relihiyoso, I came kasi from a religious family. Sa mother side ko, sagradong Katoliko sila, yung sa father side ko, active sa church. Born Again Christian kasi ako. Yung kaya akong ipagmalaki sa kahit kanino lalo sa family niya, ganun, hahaha.

Caring and concern person na parang lola (mother’s side) at mama ko, na kapag ginagabi ako ng uwi, nagte-text na sa akin, yung kinukumusta ako sa limang araw ko na wala ako sa tabi nila. Madiskarteng tao like my late father, yung father ko kasi is madiskarteng tao siya, at sobrang bilib ako sa mga ganung tao.

Yung jolly and kalog type (yung tipong mala-Maine Mendoza lang), kasi masaya ang ganun sa isang relationship, mas mae-enjoy niyo ang company ng isa’tisa. Ako kasi ay masayahing tao, madalang mo akong makikitang wala sa mood at kapag wala ako sa mood, saglitan lang tapos ok na.

At higit sa lahat, yung kaya akong tanggapin kung sino talaga ako at kung ano ang naging nakaraan ko, hindi naman ako naghahangad na tanggapin talaga ako ng todo, ang gusto ko ay yung maunawaan ako at tulungan ako na mabago kung ano man ang mga nangyari, nangyayari at mangyayari sa pagkatao ko. Hindi naman ako perpektong tao, lahat tayo may mga mali sa buhay na gusto nating itama.

Lahat naman tayo ay naghahangad ng forever, ng ating mr. o ms. right, ng destiny naten. Pero huwag tayong mainip, bagkus ay matuto lang tayong maghintay dahil ika nga ni Lola Nidora, ang lahat naman ay darating sa atin sa tamang panahon.

Hehehe

[arongmann]

PoPINOY: Pabebe

Ang pabebe ay nagsimula sa salitang pa-baby o pagpapa cute. Noon pa man ay marami nang pabebe, ngunit ngayon lang nauso yung term.

Sa ngayon nag labasan na ang iba’t-ibang mga pabebe:

Nauna na dyan si Mamon girl na nagpapabebe habang kumakain ng mamon sa isang mall, naging viral ito online at nagkaroon ng maraming parody:

Nandyan din ang babaeng naiinis naman kay mamon girl na naging viral din at pinangalan itong pabebe brown, paalala po sa mga batang makapanood po nito, rated SPG po siya dahil sa mga language na maririnig ninyo dito:

Syempre, hindi naman mawawala ang kakampi ng mga pabebe na tinaguriang Pabebe Warriors starring Babaeng Utal, Babaeng Multo at ang Babaeng Walang Kilay na sikat na sikat na ngayon, nagkaroon pa sila ng mga tv guestings at mga parody online. Kaya din kinagiliwan ito ay dahil sa babaeng walang kilay kung saan marami ang naloka. Sa ngayon ay may part 2 and 3 na sila:

At ang pinakabagong pabebe, hindi sa salita, kundi sa gawa naman. Ang sikat na sikat na Pabebe Wave ng ALDUB:

Syempre, marami ang natuwa sa pabebe ngunit hindi din mawawala ang mga nainis at nadismaya siguro dahil na din sa pananalita. Hindi talaga natin maiiwasan ang pagbabago ng panahon. Ngayon, may mga using term, bukas makalawa, makakalimutan na din yan ngunit hindi na ito mawawala sa kamalayan nating mga Pilipino na minsan ang Pabebe ay naging bahagi ng ating kultura.

[arongmann]

#Hugot: Walang Perfect

Alam mo yung kantang "Perfect" ng Simple Plan? Oo yun nga. Wala lang. Wala naman kasing perfect na tao sa mundo, lahat naman nagkakamali, lahat tayo nadadapa. (Oo, madalas na nating naririnig iyon at nakikita sa mga post sa iba't-ibang social networking sites.) Pero bawat pagkakamali ay pwedeng pang itama at kung nadapa ka ay pwede ka pa namang bumangon. Kasi sa bawat pagkakamali naten ay doon tayo natututo, kumbaga lesson learned. Na sa susunod ay alam na natin ang ating gagawin upang hindi na muling maulit ang iyong pagkakamali, at hindi ka na muling madapa. May mga nagsasabi nga sakin na bago mo gawin ang isang bagay, isipin mo muna ito 10 times o magbilang ng 10 seconds bago ito gawin, pero hindi ko naman to nagagawa, :P (Try nyo effective daw). Sa ganitong paraan ay naiiwasan natin ang ating pagkakamali. Wala naman sigurong tao ang gustong ulitin ang pagkakamali niya. Sorry sa term ko pero tanga na lang siguro ang uulitin ang pagkakamali nya, na alam na niyang mali na, uulitin at uulitin pa rin niya. Kailan ba tama ang mali? Mga tinitingala nga natin nagkakamali din e. Mapa-artista, atleta o pulitiko man. Kasi kapareho din naman natin silang tao, na hindi din sila perpekto. Pero nananatili pa rin silang matatag dahil nga sa sila nga ay ating mga tinitingala. Sa bawat pagkakamali, tayo ay natututo at sa bawat pagkadapa tayo ay natututong bumangon. Wala naman kasing perpektong tao sa mundo. Basta bago mo gawin ay inyo munang isipin.

[arongmann]

Ang tagal mag Friday. Haha

[arongmann]

Ampalaya

Kagabi nakita ko na to. Ngayon panibago na naman. Daawang beses na kong nakakita sa Facebook ng post ng ultrasound ng mga magiging anak nila. Hindi ko ba alam kung anoang pinararating nito sa akin. Senyales ba ito o sadyang bitter lang ako, hahaha dahil ba sa single ako, walang love life at walang sex life?? Ewan ko ba.

[arongmann]

365 of 365 2014

Matatapos na naman ang isang taon at papasok ulit sa panibagong taon. Maraming ala ala ang 2014 sa akin. May maganda at hindi maganda. Siguro ang pinakamaganda nang blessing na natanggap ko ay ang naka graduate ako at nagkaroon ng trabahong maayos. Taon din ng pagkain ang 2014 para sa akin. Ikaw b naman ang ilibre ng kaklase mo e. Tapos sa office din puro pagkain. Galaan?! Pasok din sa 2014 yan. Puro gala kame e. Nung estudyante pa hanggang sa ngayon. Andameng nangyare this 2014 sa akin. Ito na lang din ang nilagay kong highlights. Haha. Sana this 2015, mas maganda pa ang pasok at mas maraming blessings na matanggap. Happy New Year Kayo, kumusta ang 2014 nyo?

[arongmann]

Paskong Pinoy

Pilipinas na yata ang may pinakamahabang pagdiriwang ng Pasko sa buong mundo. Buwan pa lang ng Setyembre, magsisimula na ang pagbibilang. Tapos magsusulputan na ang mga nagtitinda ng masasarap na puto bungbong at bibingka na samahan pa ng masarap at mainit init na tsaa. Tapos nanjan na din ang iba't-ibang mga Paskong pang dekorasyon na kumukutitap sa ganda. Unti-unti na din nagsusulputan ang mga nagca-caroling at mga kabi-kabilang Christmas party at exchange gift. Sa araw naman ng Pasko, nariyan naman ang pagmamano sa mga ninong at ninang. Sadyang masaya ang Pasko ng Pilipino. Mahaba man ang preparasyon, masaya naman ang selebrasyon