#sisihan

[iskoliwa]

Magsisihan

Hindi na maitatatwa

Banta ng paghihiwalay

Kulang na kulang sa tawa

Ang pagsasamang matamlay

Ang ugnayang nabubutas

Parang barkong lumulubog

Pilit na inililigtas

Sa alon ay binubugbog

Matatalim na daliri

Ang nakaamba sa mukha

Nagbabatuhan ng sisi

Sino nga ba ang may sala?

Litung-lito na ang puso

Pagod na ang kaluluwa

Isipan ay gulung-gulo

Ubos na ang mga luha

‘Di pa rin natitigatig

Ang yabang ng bawat isa

Parehong ‘di padadaig

Sa hirap at pagdurusa

[smashingcrehion]

2400Php ang bill namen ngayon sa kuryente.

AT AKO NA NAMAN ANG SINISISI. OKAY. Lagi naman eh. ako lagi bida kapag mataas ang kuryente namin. Bidang bida rin kasi ang PC sa bahay. Hindi lang naman ako ang gumagamit ng kuryente samin. Hindi ba kami nag-iilaw? hindi ba kami nageelectric fan!? Hindi ba kami nag t-TV?!. Nakakaloka. lahat na sinisi sakin. Kesyo lagi akong nasa computer. Tarages na life.

Kaya heto, dito ako ngayon sa shop. Nakakabadtrip lang na ako ang sinisisi sa lahat eh hindi lang naman ako ang malakas magkunsomo ng kuryente. 

/sinisisi ko rin tatay ko. >:))