#spanak

[sezahrana]

Посен ориз со спанаќ и лимон

Состојки:

200 гр ориз

250 гр свеж спанаќ

1 главица ситносечкан кромид

2 чешниња ситно сечкан лук

1/2 лажичка куркума

1 лимон (само сокот)

по потреба топла вода

по потреба маслиново масло, мешан сув зачин, црн пипер

Подготовка:

Во тава на оган ставете маслиново масло да се загрее. Додајте го сечканиот кромид и лук и пржете додека омекнат. 

Потоа додајте го оризот и пржете 3-4 минути.Во тавата додајте го спанаќот исечкан на мали парчиња и пропржете го 1 минута, па налејте 3 црпалки топла вода, зачинете со куркума, мешан сув зачин и црн пипер.

Промешајте и во текот на готвењето постепено додавајте по потреба топла вода. При крај додајте го сокот од исцедениот лимон. Послужете го топло.

Автор: Катерина Милошевска Глигороска

Авторски текст, не смее да се користи за комерцијални цели или/и реемитување

[sezahrana]

Посни макарони со спанаќ

Во време на пост и на ваше барање, пробајте го овој фантастичен рецепт за макарони со спанаќ!

Состојки:

300 гр макарони

300 гр замрзнат спанаќ (може и свеж)

200 мл павлака за готвење од соја

1/2 главица кромид

4-5 лажици маслиново масло

1 лажица маргарин

1 лажиче мешан сув зачин

1/2 лажиче мајоран

малку рендано морско оревче

по вкус сол и бибер

1 чаша вода.

Подготовка:

Спанаќот, ако е свеж исчистете го и исечкајте го или најпрво одмрзнете го.

Кромидот ситно исечкајте го и малку пропржете го во тава со маслиновото масло и маргарин.

Додајте го спанаќот, измешајте и уште малку пржете ги. 

Додајте ги зачините и водата, па оставете ги да се вари додека течноста испари.

Во меѓувреме сварете ги макароните во зовриена посолена вода и исцедете ги.

Кога водата од спанаќот е испарена додајте ги макароните, павлаката за готвење и убаво измешајте.

Послужете ги топли со салата по желба.

Автор: Невена Ѓероска

Авторски текст, не смее да се користи за комерцијални цели или/и реемитување

[sezahrana]

Мазник

  Состојки:

700 грама брашно

1/8 квасец

50 мл масло

1 мала лажичка сол

200 мл газирана минерална вода

млака вода по потреба

фил по желба (спанаќ, сирење, мелено месо, кисела зелка)

  Подготовка:

Квасецот го разматуваме со млака вода во длабок сад. 

Брашното го сееме во длабокиот сад и го додаваме маслото, солта и минералната вода.

Тестото го месиме и додаваме вода по потреба, се додека не се добие меко тесто. 

Од тестото формираме 4 кори (со дијаметар од 15 см) кои ги притиснуваме со рацете, а потоа нив ги мачкаме со масло. Ги оставаме корите да киснат 20 минути.   

Над чаршав секоја од корите ја тегнеме, се додека не се добие тенка кора. Краевите од кората ги отстрануваме. Над кората попрскуваме со масло и нанесуваме од подготвениот фил. Со помош на чаршав, кората ја виткаме во вид на ролна. 

Ролните ја виткаме во форма на круг и ги ставаме во тава за печење. 

Мазникот го печеме на температура од 250 степени.

  Автор: М-р Марија Кочовска

Дознајте повеќе за авторот

  Авторски текст, не смее да се користи за комерцијални цели или/и реемитување