#vncdn

[bochacha]

Alaala Buhok mong itim na nakalugay Ang tumatak sa aking paglalakbay Sa kung ano ang mayroon tayo noon Ang sarap lang bumalik sa kahapon Mga halakhakang walang katulad ‘pag kasama ka’y ayaw ko ng umusad Sinusulit bawat minutong lumilipas Magkasama tayo’y tila ang bagal ng oras Titigan man kita ng ilang araw Kahit antok ma’y hindi dadalaw Ikaw ang paborito kong tinatanglaw Mananatiling ikaw paglubog ng araw Naghahabulan na parang walang bukas Sa aking bisig hindi ka makakatakas Sasabayan ng pag higa sa damuhan Mag aasaran at doon magkukwentuhan Ilan lamang yan sa mga alaala Na laging nakatago sa’king memorya Pilit ko mang kalimutan ka na Hindi malaman saan mag uumpisa Buhok mong itim na nakalugay Ang tumatak sa aking paglalakbay Hiling ng puso’y makita ka muli Kahit sulyap lang sandali - VncDn

[bochacha]

FALL Tawagin man akong sira ang tuktok Pa ulit-ulit pa rin akong kakatok Sa puso mong ubod ng tigas Hahanap at hahanap ako ng butas Mababaliw ulit ako ng ganito Ngunit hindi na sa’yo Ilang ulit mo man akong paasahin Mas maraming ulit kitang tatanggapin Sabihin man nilang ako’y iyong pinaaasa Hindi ako titigil sa ating dalawa Magpapaka tanga ulit ako ng ganito Ngunit hindi na sa’yo Tatanggapin ko lahat ng pait Kapalit man nito’y luha at pasakit Yayakapin lahat ng pagdurusa Maging dulo nito’y ako na lang mag-isa Masasaktan ulit ako ng ganito Ngunit hindi na sa’yo Nakita kitang may kasamang iba Ang tamis ng ngitian ninyong dalawa Ang sarap namnamin ng ating kahapon Sa iba ka na pala sumasaya ngayon Magbubulag-bulagan ulit ako ng ganito Ngunit hindi na sa’yo Saan man mag punta ikaw ang nakikita Sa umaga’y ikaw ang hanap pagdilat ng mata Mga ngiti mong walang kasing tamis Sa tabi mo’y ayaw ko ng umalis Mahuhulog ulit ako ng ganito Ngunit hindi na sa’yo ‘di ko na hahayaang ako’y saktan mo ‘di na ako naniniwala sa sinasabi mo Matatamis at mabulaklak na bitaw Buo na ang pasya kong umayaw Magmamahal ulit ako Ngunit hindi na ang kagaya mo -VncDn

[bochacha]

BITUIN Sa kalawakang puno ng bituin Sayo lang ako laging nakatingin Ningning mo’y maliwanag pa sa Alpha Naiwan ang Beta sa taglay mong ganda Buhok mong humahalimuyak sa bango Hindi na lumaban sayo si Virgo Malayo ka pa lang ako’y naging pieces Biningwit mo sa tubig na parang Pisces Ako’y mangha sa katapangan mo Nakakatakot ka na parang Leo Huwag ka lamang lolokohin Magalit ka’y parang toro man din May kakambal na tuwa at kilig Kapag ikaw ang tinitingnang hilig Mga mata mo’y kay busilak Tila Aquarius sa tubig ako’y itinulak Hindi ko maipaliwanag kung paano Sagittarius ang gumamit ng palaso Walang liko sagad hanggang buto Puso kong matigas napalambot mo Kailangan ko pa ba ng timbangan? ‘di ko na masukat ang hangganan Ni hindi ko kayang bilangin Parang nalaglag na lang sa buhangin Ang kilig na biglang nadama Parang nabuong Cancer sa paa ‘di mo malaman paano maalis Kasing bigat ng nakawalang Aries Kamandag mo’y Scorpio ang wangis Isang utos mo lang at ako’y aalis Ngunit huwag mo namang tuluyan Sistema kong ikaw na ang nakasanayan Alam kong paborito mo ang popcorn Bibili ako’t ipadadala sa Capricorn Sa munting handog kong ito Ikaw sana ay napasaya ko -VncDn