#makata

[lihimlihamtinta]

Siguro nga'y hindi ko pa kayang lumisan

Hindi pa kayang abandunahin ang pinagsamahan

Kahit kapalit nito'y aking kalayaan

Sa lahat ng sakit na naidulot ng pagmamahal

.

Hayaan nawa muna ako ng langit

Yakapin ng mahigpit itong pag ibig

Kahit walang kasiguraduhan ang sasapitin

Habang katinuan ay nasa bingit

.

Dalangin ko pa rin ang muli kong pagbangon

Sa mundo ng pag ibig ako'y magiging buo

Kahit ang tayo ay hindi umabot sa dulo

Tatayo akong pinipili ang sarili ko

[likhangobranilana]

[wmab]

Saan ako huhugot sa'yo ng tula? Wala naman tayong ginawa kundi maglaro ng taguan, hanapan, at kung sino ang taya. Ilang beses ko nang inisip kung ilang beses ka na ring nadulas. Malay ko ba kung totoo ang mga laro ng dila mong di malaman kung sadya ba o sumabog na lang at naging pahimakas. Sa'n mo ko pupulutin kung palaging nakabitin ako sa kawalan? Anong aasahan mo sa aking tula? Saan ako kukupit ng mga bagay na salita para sa atin? Inaakala mo bang maglulumuhod ako sa'yo para umamin? Hindi. Sabay tayong manigas hanggang dulo, nang malaman natin kung sino ba talaga sa ating dalawa ang mas pakipot at s'yang dapat na sisihin.

.

.

.

.

–WMAB

[makatangalang]

Bago matapos ang lahat

Gusto ko muna sa'yo magpasalamat

Sa tamis at alat, sa sakit, sa lamat

At sa pag-iibigang naawat

.

Pinaalala mo sa akin

Kung gaano kasarap ang magmahal

Nagawa kang pangarapin

At naising sa iyo'y maikasal

.

Ngunit sa huling kabanata

Naging tama ang maling akala

Nahumaling sa natamasa

Umasa sa kasinungalingang pag-asa

.

Ngayon, kaluluwa'y pumanaw

Sa kasawia'y humalaw

Puso'y durog, sa kalungkuta'y tubog

Kasabay ng paglubog ng araw

.

Ninanamnam ko ang sakit

Dinadamdam ko ang pait

Inaasam kong pagbalik

Winasak sa isang saglit

.

Hangad mo'y tapos na produkto

Patawad kung hindi ako buo

'pagkat kasalukuyang nasa proseso

Maraming pagkukulang, hindi perpekto

.

Bagama't sayo'y hindi sapat

Ibinuhos ko naman ang lahat

Walang tinira, hindi nag-alinlangan

Walang iniba, hindi man kasintahan

.

Nanghihinayang na hindi ko nadama

Ang pag-ibig mong kinapos

Ngayo'y mananahmik na

Ito ang huling tugma, dito na magtatapos

[makatang-igorota]

Bahaghari

Isang malalim na buntong-hininga Kasabay ng pagmulat ng mga mata Tanong sa sarili'y "Kaya mo pa ba? Tsaka ngingisi at sa taas ay titingala

Ngunit ano nga ba ang 'yong hinahanap Isang milagrong pilit hinahagilap May lihim kayang ikinukubli ang mga ulap May hiwaga ba sa asul na alapaap?

Maya't-maya'y mga mata'y kikislap Marahang ngingiti at hahagakhak Isang makulay na bahaghari'y naging sapat Upang mapawi ang lumbay ng aliping tapat

Bahagharing pahiwatig ay pag-asa Para sa mga lingkod na hapung-hapo na S'yang may malakas na pananampalataya Aani ng hindi mabilang na biyaya

~ M.K. Sueño (04/2021)

[herescapeace]

#8

WHO ARE YOU

Who are you to make my heart rate rise

Who are you to make my day as sun rise

Who are you to be so kind and handsome

Who are you to make my life wholesome

Who are you to make me so foolish of you

Who are you?

Or should I ask, who am I? to fall for you.

Photo not mine CTTRO

[quehorror]

Ikaw ang guniguni sa panahon ng tag-init

Ang mga sinag na tagus-tagusan sa bintana tuwing umaga'y parang mga banayad mong paghaplos sa tuwing ako'y ginigising.

Ang unang dampi ng araw sa aking pisngi'y kaparis ng panatag na halik mula sa mahabagin mong mga labi. Sa tuwing lulusot ang maninipis na silahis ng araw sa singit-singit ng mga dahon, mga babahagya mong pagsilip sa akin ang gunita.

Sa tuwing babahain ng liwanag ang sala tuwing alas tres ng hapon, dinidilidili ang pagkalunod ko sa nag-uumapaw mong pagsuyo. Sa paglubog ng araw, ay nakikita kitang masayang namamaalam sa himapapawid. Ngunit hindi gaya ng araw, sa umaga'y hindi ka na magbabalik.

[churrostic]

Sa may balay

matapos ang lahat

nakita na ang balat

 .

napalalim

dumilim

makulimlim

nakalimlim

 .

umaraw

aalis na raw

ngunit walang kalabaw

bukas na lang daw

 .

sumapit ang bukang liwayway

iyong kamay

hihiwalay

sa aking kamay