شيزوفرينيا وشوية مخدرات

شخص عادي جدا وممل جدا. متسالنيش عن لوني, ديني او جنسيتي لانها حاجات متهمنيش فيكم. ممكن تلاقي كلام 18+ خلي بالك.|| I Also Love Boobs

[vertigoillusions]

We are all variables in the matrix. Nothing is real....

08/11/2025 - 03:54 AM

[vertigoillusions]

يا الله، ارحمني من القلق اللي هيقتلني ده

25/07/2026 - 03:02 am

[vertigoillusions]

يا الله

21/07/2026 - 09:58 am

[vertigoillusions]

يالله انا عارف اني دايما مقصر في كل حاجه، وعارف اني يمكن اخر واحد يطلب حاجه، خصوصا اني دايما شايف انك لا شايفني ولا سامعني بس انا متعشم في الفرصه دي اوي انا معرفش ممكن اقول ايه تاني عشان اطلب اي حاجه منك، يمكن ايام القلق دي كلها تكون كفيله انها تشفع ليا

ياالله، ارجوك

21/07/2026 - 12:42 am

[vertigoillusions]

يا الله

اعتقد ان الفرصه دي من الفرص القليله اللي هتجيلي عشان تعمل تغيير جوهري في حياتي في الوقت الحالي

يا الله، ارجوك، انا. عارف اني اتعاملت مع كل حاجه بإستهتار حتي الفرصه دي نفسها، بس حقيقي مكانش عندي اي توقعات من اي نوع

انا هكمل، يمكن تكون شايفني وسامعني المره دي

16/07/2026 - 12:56 am

[vertigoillusions]

عدت سنة كمان

كل حاجه بتعدي بسرعه، إلا حزني

15/07/2026 - 01:14 am

[vertigoillusions]

just imagine if the GCC countries started pricing a large percentage of their oil in other currencies along with the dollar as a retaliation to the indecisiveness of the orange man to iran hitting the GCC, that alone single handedly will start a chain effect of a downfallen dollar and a US empire. now, just wake up, they'll never do it.

27/03/2026 - 07:06 pm

[vertigoillusions]

النهارده كان فيه فرصه ان اخرج بره البيت شوية حلوين ويكون فيه حد مع بابا طول الوقت ده من غير ما اكون قلقان او احاول اخلص وارجع بسرعه، وعشان بقالي فتره كبيره مخرجتش ولا شوفت حد، فقولت فرصه

كلمت وبعتت ل٦ من اصحابي كل واحد لوحده مش علي الجروب، ولا واحد منهم كان فاضي وكله كان عنده عذر او سبب انه ميجيش، وبرضه خرجت لوحدي

حقيقي مش قادر اعرف ايه السبب الحقيقي اللي وصلني لكل ده، هل طول الوقت ده انا كنت غلط للدرجة دي؟

حزين جدا حقيقي

14/03/2026 - 11:46 pm

[vertigoillusions]

امبارح اول مره بابا يحرك رجله علي الارض بنفسه، اه مكانش قادر يشيلها من علي الارض ويدوس بيها، و ولا حتى كانت خطوات كامله وكان يدوب بيجرها، بس كان بنفسه ويارب تكون البدايه

امبارح اول يوم احس بجد بالأمل ان بابا ممكن يرجع يمشي لوحده تاني

كان مهم عندي اوي اني اوثق الحدث ده

يا الله، انا عشمان فيك

03/03/2026 - 01:05 am

[vertigoillusions]

لحد قبل شهرين كل مره كنت بنزل فيها بره البيت بابا كان دايما يقولي متتأخرش، وكان عشان قلقه عليا واني مفضلش بره البيت فتره كبيره والكلام ده

الايام دي، نفس الكلمه بتتقال، بس معناها مختلف تماما، وبيقطع قلبي كل مره بتتقالي فيها

يارب يا حبيبي تقوم بالسلامه ومتحتاجش لحد

26/02/2026 - 08:34 pm

[vertigoillusions]

ياالله، انا تعبان وحاسس بضيق وخنقة

ساعدني وقويني

25/02/2026 - 06:24 pm

[vertigoillusions]

من اكتر الحاجات اللي وجعاني جدا واكتشفتها نتيجه لتعب بابا، هي الناس اللي كانت المفروض تكون جنبي في وقت زي ده

حقيقي مكنتش متخيل حتي في يوم ان ممكن ناس كنت في وقت من الاوقات بنبات سوا بالأيام، وكنت موجود وحاضر في كل ازماتهم - حتي لو مكنتش بعمل اي حاجه غير اني بطمنهم ان فيه حد معاكم - ان ميكونش فيه منهم اي حد خالص كده، ولا حتي مكالمة تليفون كل اسبوع مره تشوف صاحبك يمكن محتاج حاجه ولا مزنوق ومش عارف يتصرف

انا عارف ان الدنيا لاهيه الكل، وكل بيت وكل واحد عنده اللي مكفيه، وان وقت ما كنت معاهم واحد واحد، كانت وقتها الدنيا احسن وابطأ من دلوقتي، لكن مش قادر اشوف ده مبرر

حاسس اني خسرت حاجات كتير اوي لما كنت بقول لنفسي بلاها الصحبه الكدابه، وهما كام واحد نطلع بيهم من كل الزحمه دي، بس شكلي كنت غلط، وغلط كبير جدا

انا حقيقي مش عايز حاجه ولا مستني حاجه من حد فيهم، يمكن كل اللي كنت مستنيه حد يعدي يقعد معايا قريب من البيت شوية او نتمشي حوالين البيت شوية، عشان مش هقدر اسيب البيت واقعد في مكان بعيد يمكن كنت محتاج ابقي مطمن وقلبي مرتاح اني لو اتصلت علي اي حد في اي وقت هلاقيه، بس انا دلوقتي مش هيخطر في بالي الاوبشن ده اساسا

الغريب في كل ده، الناس اللي عمري ما تخيلت ان حد منهم هيهتم لما يعرف حاجه زي تعب بابا، وكمية الاهتمام اللي لقيته منهم وسؤالهم كل فتره

كل ده مش فارقلي في حاجه، انا بابا بس هو اللي فارقلي واني اشوفه بيمشي تاني علي رجليه يارب، يمكن بس زعلان علي السنين اللي كنت فاكر اني بستثمرها في صحاب هيكملوا معانا باقي العمر واتصدمت فيهم مع اول ازمه كبيره في حياتي

يارب، انا مش طماع ولا عايز حاجه من حد، ولا حتي سؤال حد، انا بس مش عايز غير ان بابا يقوم تاني بالسلامه ويمشي تاني علي رجليه، ويرجع يضحك وحسه يملى البيت تاني يارب ارجوك

14/02/2026 - 08:22 pm

[vertigoillusions]

يا الله

انا محتار، معرفش اللي بيحصل ده خير ولا شر

يارب، ساعدني

10/02/2026 - 02:56 pm

[vertigoillusions]

اخدت بالي اني حاليا مبقاش عندي حد اتصل عليهم بشكل عشوائي عشان احكي او اتكلم، لازم يكون فيه سبب عشان المكالمه تحصل

انا معرفش شكل البني ادم اللي هكون عليه بعد ما الازمه دي تعدي وبابا يكون كويس، بس انا متأكد اني مش هكون نفس البني ادم تاني وفي الغالب هكون اسوأ

07/02/2026 - 08:15 pm

[vertigoillusions]

الدنيا فضيت، فضيت اوي للدرجة اللي كنت وانا قاعد لوحدي علي القهوه زمان كنت بفكر هو انا لو ضيقة واحتاجت حد معايا هيحصل ايه ولا هعمل ايه؟

بعدها الدنيا بقت زحمه لدرجة الصداع، بعدين الصداع قعد يخف لحد ما بقى صوت الهدوء اعلى صوت بسمعه

وانا دلوقتي قاعد على القهوه لوحدي في عز الضيقة قاعد مستني معاد الدكتور عشان بابا وقاعد بفكر هو انا لوحدي ليه دلوقتي؟ فين الزحمه؟ فين الناس اللي كنت دايما معاهم؟

31/01/2026 - 03:48 pm

[vertigoillusions]

يارب، انا ضعيف وقليل الحيله

31/01/2026 - 07:48 am

[vertigoillusions]

الدنيا دي طلعة غريبة بشكل عمري ما كنت اتخيله نهائيا

29/01/2026 - 01:22 am