今日講呢啲

[dailyjuicynews]

【今日講呢啲】飲得到嘅Pantone

外國藝術家一向鍾意用Pantone做挑戰主題，呢個叫「Pantone Smoothies」嘅blog，就用女生最愛嘅smoothie做實驗。挑機者叫 Hedvig Astrom Kushner，有日整緊水果奶昔果陣忽發奇想，於是決定同攝影師Michael Kushner一齊合作，睇下可以整到多幾款Pantone色嘅水果奶昔。佢哋至今製作過士多啤梨、香蕉、芒果等口味，去個網度mouse on張圖，仲會見到每款飲品用嘅材料同埋所屬嘅Pantone色卡添，夏天想自家製一杯健康又涼透心嘅嘢飲，其實唔難。

[dailyjuicynews]

【今日講呢啲】季已換揮手區

仲未到7、8月，天氣已經熱到咁樣樣係咩玩法？？不過身邊D絲打就表示巧興奮，仲將衣櫃入面嘅背心仔、短裙仔、TEE、涼鞋、泳衣等等摷晒出嚟，話要提早轉summer look喎~~~啡唇網店ASOS，一向有喺tumblr po D名人衣著，最近忽然轉型，出咗一系列以夏季item掛帥嘅動態圖，青春又有動感，連哥睇完都好想提早暑假投奔初夏呀！！

[dailyjuicynews]

【今日講呢啲】人生如壽司

人生如迴轉壽司，想食果款永遠等唔到，但唔想要嘅就老是常出現......其實做人又唔使咁灰嘅，只要有創作力量同幻想，就算係一嚿最平凡嘅蝦壽司，都可以變出無限可能架！好似意大利男藝術家Diego Cusano，就諗到將食物key落自家出品嘅插畫度，有唔少都用咗賣飛佛嘅壽司嚟做主角，例如三文魚壽司變咗做降落傘罩、蝦壽司變成潛水gear等等，出到嚟效果堅夾呀！  

[dailyjuicynews]

【今日講呢啲】那些年的毒男占room

80、90年代果陣未有咁多網上娛樂，有乜好得過柄埋係房通宵打機？雖然8 bit 畫面低質到起晒格，但一樣滿足！智利男 Hector Alvarez （eto86）大概對呢個年代特別有情意結，所以專攻pixel art。見到圖入面間房，佈滿第一代電視遊戲機嘅Super Mario、Game Boy同舊式電腦等等，舊屎回憶又湧晒出嚟喇！如果可以坐時光機返去，哥一定會照dup呢間房出嚟呀~~

[dailyjuicynews]

【今日講呢啲】占美很忙

要數社交媒體上面嘅狗明星，白色鬥牛梗Jimmy The Bull一定有份！風光背後，其實佢同主人Rafael Mantesso都坎坷過。當Rafael三十歲果陣，老婆決定離開佢，仲將屋企所有嘢帶走，只係剩返占美同一間白色空屋。有日兩仔爺邊玩邊影相，占美因為太累伏咗喺白色牆身前面，主人靈機一觸用筆沿住狗狗身體畫畫+ 影相，自此愈影愈多。因為作品窩心又打耳，po上網即刻瘋傳，除咗同真. Jimmy Chao交叉之外，仲出埋書添。雖然出咗名，但占美一D都無怠慢粉絲，日日都忙住同主人研究擺乜pose好，最近又出咗巧多萌爆新相，鍾意狗狗一定要科盧！

[dailyjuicynews]

【今日講呢啲】我要小鮮肉Oppa ♥♥♥

除咗睇過太陽的後裔之外，對其他泡菜劇近乎零接觸，不過聽身邊劇駁劇嘅中女同事講，重點唔喺劇情度，而係每套劇都有好多小鮮肉Oppa，唔會好似大台咁嚟嚟去去都係果幾個，所以煲極都唔厭喎~~住係格魯吉亞嘅插畫師 Sali 255 都係一名韓劇迷，仲幫佢最愛嘅Oppa例如T.O.P.嘅崔勝鉉、李秀赫等等整咗動態插圖添，另外亦都有k-pop男團等等，畫風清新舒服，完全將Oppa嘅氣質表現晒出嚟~~~留名等睇宋男神嘅gif圖呀！

[dailyjuicynews]

【今日講呢啲】跟住Van仔去旅行

去公路旅行，揸住架Volkswagen旅行van是常識吧！揸住佢除咗沿途上自我感覺良好，po上網呃like都易D嘛~~~現居倫敦嘅瑞士籍攝影師Kim Leuenberger，7年前收到父母送嘅迷你福士van擺設，有一日kim將架車擺係花園影相，再喺社交媒體些牙出去，典知反應出奇地好，所以發展成一個長影長有嘅系列。呢5年嚟，無論Kim喺瑞士定其他歐洲國家旅行，都會帶住一堆迷你旅行van同其他復古系車仔上山下海，D車仔去過嘅地方，應該多過我廿年嚟（！）嘅總和，超葡萄呀！ 

[dailyjuicynews]

【今日講呢啲】被魔法選中嘅細路

我諗每個人細個果陣，身邊都有幾個勁迷哈利波波嘅FD子，除咗成日妙麗上身唸咒語，就係ff自己入霍格華茲果陣會被分類帽揀去邊個學院......溫提一下，分類帽係會根據學生嘅性格分派學院，例如三個主角讀嘅Gryffindor係心口掛個勇字；Hufflepuff屬於忠厚老實底；Ravenclaw最聰明；佛地魔出身嘅Slytherin就最有野心同陰濕。插畫師nokeek近排就用呢點做主題，創作咗一連四款嘅畫作，無論係色tone定意境都跟足故仔設定，哈利波波迷一定會懂！不過老老竇竇，我最關心嘅其實係邊間嘅校服最靚囉，科科~~~

You might belong in Gryffindor, Where dwell the brave at heart, Their daring, nerve, and chivalry Set Gryffindors apart;

You might belong in Hufflepuff, Where they are just and loyal, Those patient Hufflepuffs are true And unafraid of toil;

Or yet in wise old Ravenclaw, if you’ve a ready mind, Where those of wit and learning, Will always find their kind;

Or perhaps in Slytherin You’ll make your real friends, Those cunning folks use any means To achieve their ends.

[dailyjuicynews]

【今日講呢啲】坎坷過後有彩虹

有無機會見彩虹，同見鬼一樣，都係講緣份嘅！雖然年年人工加得果幾舊水，去少咗幾次日本都係上唔到車，但見到插畫師Caro Martini (mywhisperedcolors) 近期發表嘅彩虹gif圖系列，都即刻覺得前路滿希望呀！巧似阿明咁講，坎坷過後有艇搭嘛~~死啦，呢排唔單止版已洗，就嚟個腦都畀阿明D金句洗埋，典算好呀呀呀呀？？？

[dailyjuicynews]

【今日講呢啲】情深咖啡日日飲

人類已經阻止唔到阿明瘋狂洗版！由個唱關公技巧，到最近viral到爆嘅網上咖啡廣告，都證明咗明蝠俠嘅轉數快過電單車~~~層次高啲嘅人係要飲返層次高啲嘅咖啡‬，所以禾都準備咗一個層次高嘅咖啡攝影集畀大家。呢個「365 Days of Coffee」由咖啡控Cindy Loughridge主理，唔理係咪空肚，佢朝朝都一定會啪番杯回魂啡，再用鏡頭紀錄落嚟。作品多數用菲林機拍攝，有時仲會動用CONTAX Aria、Hasselblad 500CM 呢D古董機，影出嚟有濃濃嘅復古味。除咗相機型號夠多變，每張相嘅背景、構圖、採光都巧唔同，睇落唔會張張一樣樣，唔怪得有咁多人reblog出去呃like啦~~~不過咁樣怒飲咖啡法，最後會唔會「如劉江」架？  

Nikon F100 | Kodak Portra 160 

after the rain. 

Gibraltar + Cappuccino

Contax Aria | Expired Fujifilm

Nikon F100 | Kodak Portra 160

[dailyjuicynews]

【今日講呢啲】究竟係似相嘅畫，定似畫嘅相？我巧亂呀！

以為係用PS將相變成畫嘅效果？其實呢輯作品喺藝術家Andrey Poletaev用原子筆慢慢畫出嚟架！Andrey靠自學成為畫家，平日最鍾意用黑色 / 藍色原子筆去描繪城市景觀例如建築、交通工具以至路人等等。想畫到好似佢咁靚，其實唔難，只要每幅用200、300個鐘，再畫足10至20層layer，就可以畫到真嘅咁樣樣喇~~

[dailyjuicynews]

【今日講呢啲】思緒是一種很玄的東西

做藝術家，情緒起伏是常識吧。根據禾平日觀察，十個話自己搞創作嘅，十個都有藝術家脾氣，不過就唔係個個都有料囉（逃）~~喺澳洲布里斯本讀動畫嘅大學生Anna Pan（annaxiin）就堅有料，先係廿歲出頭，但發表嘅插畫幅幅都有成幾千甚至過萬個notes，勁過好多前輩。佢最擅長喺日常生活場景滲入超現實元素，加上低彩度嘅色調同到位嘅光線設計，畫面睇落充滿情緒，就算隔住個mon都feel到果份平靜同沉思嘅氛圍呀！無咩事我都係番上床繼續思考人生喇~~

[dailyjuicynews]

【今日講呢啲】汪星人神複製！

想將狗狗嘅萌樣永久保存，除咗大路嘅相、畫之外，其實仲可以咁玩法！住喺英格蘭東部Suffolk嘅21歲女學生Emillie Ferris，專幫D主人度身訂造寵物刺繡，而繡得最多嘅就係汪星人，一針一線超精密，大至表情神態，小至一條毛髮，都同真身零分別，技術絕對係神奇，頂級，超卓！

[dailyjuicynews]

【今日講呢啲】神一般的對手

老老竇竇，宇宙已經有咁多邪魔外道等住班超級英雄對付，而家仲要安排佢哋內訌，你班___，畀佢哋抖下得唔得呀？不過鬧還鬧，戲都係要照睇嘅，重點係一張飛嘅錢可以睇咁多英雄，計落堅抵~~加拿大設計工作室 Baboon Creation，趁住呢兩個月連續有超級英雄片上畫，用動態線條創作咗一系列英雄logo，除咗美國隊長、Iron Man、黑寡婦，仲有毒男最鍾意嘅紅女巫添 ♥ ♥ 另外仲有DC陣營嘅蝙蝠俠、超人等等，角色太多未能盡錄，去佢哋個tumblr自己睇啦~~

[dailyjuicynews]

【今日講呢啲】節日乜乜乜

節日／世界XX日嘅嘢，無非都係諗住「平淡之中找一些特別日期」，幫大家搵個日子同理由，多DD去關心屋企人、另一半、社會議題又或者特定族群咁囉。台灣插畫家Tina（tinaillustration），最近就幫幾個特別日子整咗一系列gif圖，好似啱先過左嘅母親節、勞動節以至世界地球日、情人節等等~~老老竇竇，咁多款入面我就最鍾意Friday囉，如果有埋Holiday就玩眉喇~~~

[dailyjuicynews]

【今日講呢啲】媽咪節快樂！

今日社交網站瘋傳好幾條母親節短片，洋葱多到一個點，連禾睇完都忍唔住眼濕濕~~~不過年年買禮物畀阿媽，通常都會被佢話嘥錢咁咁樣一世都做廢青買唔到樓（下刪一千字），所以今年我就準備咗spaghetti-toes嘅作品~~呢個tumblr由身為人父嘅Martin Bruckner主理，佢當初諗住準備份母親節禮物氹老婆，於是將兩歲囡囡好傻好天真嘅金句變成插畫，典知愈畫愈受歡迎，仲出埋兒童書添~~佢嘅作品賣點係夠真，巧似今年新出嘅母親節賀卡咁，圖文都超有愛，媽咪收到一定笑晒呀！

[dailyjuicynews]

【今日講呢啲】真浪子是敢的

實驗證明，通常話自己係浪子果D，十個有廿個都係唔想負責任嘅___。住喺澳洲東部海邊城市 Port Macquarie嘅少年Chase O'Leary，先至係真浪子囉！睇佢個tumblr名 ichasemyself 可能大概估到，佢係一個專業衝浪手，就算對住滔天巨浪都一樣無畏無懼，反而追住D浪嚟怒影添~~~相入面D海浪，全部都勁有霸氣同質感，釋放出一份狂野+冒險嘅青春氣息，就連哥呢D少年之上中年未滿嘅人，都覺得心口有團火就黎要爆呀呀呀~~~

Lipage 

The Crest

Summer has begun.. 

LightShow

Oil