*រឿងចម្លែកដែលក្រុមយើងខ្ញុំជួបប្រទះនៅជ្រោះមរណ: (រឿងពិត) *ជ្រោះមរណ: (ចំងាយប្រហែល9គ.មពីរង្វង់មូលនាគព័ន្ធគិរីរម្យ)គឺជាចំនុចដែលក្រុមពួកខ្ញុំ បានដៅត្រូវទៅបោះជំរុំ។ជីវិតផ្សងព្រេងគ្មានអ្វីទៀងទាត់ដូចការព្រៀងទុកប៉ុន្មានឡើយ។ក្រោយពីជិះកង់កន្លះថ្ងៃហើយ ពួកយើងក៏ចាប់ផ្តើមរៀបចំបោះជំរុំ មេឃក៏ងងឹតស្លុប លាយឡំជាមួយសំនើមអ័ព្ទនិងទឹកភ្លៀងខ្លះៗមកជាមួយ ការបង្កាត់ភ្លើងពិតជាលំបាកខ្លាំង(វាជាបទពិសោធន៌មួយដែលមិនបានដាក់ហ្គាសcamping ទៅក្នុងខែភ្លៀង)។ទំរាំមានភ្លើងដើម្បីចម្អិនម្ហូបយប់ក៏ជ្រៅណាស់ហើយដែរ។ ម្នាក់ៗមើលទៅក៏ហាក់ដូចជាអស់កម្លាំងគួរសមដែរ។ អាកាសធាតុពិតជាត្រជាក់ខ្លាំងណាស់ ពួកយើងជៀសមិនផុតពីការប្រើជាតិអាកុលខ្លះដើម្បីកម្តៅសាច់ដុំ ទប់ទៅនិងធាតុត្រជាក់នៅតំបន់ព្រៃភ្នំនាពេលយប់ឡើយ។ក្តីស្រម៉ៃជប់លៀងក្រោមផ្កាយលាប់លានជាមួយនឹងភ្នក់ភ្លើង ត្រូវបានប្តូរមកវិញជាដំណក់ទឹកភ្លៀងរាប់សែនដំណក់ ញាំបាយបណ្តើររត់គេចពីទឹកភ្លៀងបណ្តើរ។ ប៉ុន្តែគ្មានអ្វីជាឧបសគ្គសម្រាប់អ្នកចូលចិត្តការផ្សងព្រេងឡើយ។ យប់កាន់តែជ្រៅ សមាជិកខ្លះក៏នៅបន្តការជប់លៀង ខ្លះក៏ទៅសម្រាកទៅ……។រឿងចម្លែកមួយបានកើតឡើង សមាជិកក្នុងក្រុមផ្សេងម្នាក់បានបាត់ខ្លួនដោយមិនដឹងដេកនៅទីណា ម៉ោងប្រហែលជា២ព្រឹកហើយ ក្រុមក៏បានតាមរកដែរតែរកមិនឃើញ មេឃក៏ងងឹត ភ្លៀងក៏ធ្លាក់ខ្លាំង។ ដោយសារតែភាពអស់កម្លាំងកាលពីថ្ងៃ រួមផ្សំនឹងការក្រេបជាតិអាកុលដើម្បីទប់ធាតុត្រជាក់អ្នកខ្លះក៏សន្លប់ដេកបាត់អស់ទៅ។ *តើសមាជិកបាត់ខ្លួនពេញមួយយប់បានបាត់ទៅណា? និយាយពីអ្នក បាត់ខ្លួនកាលពីយប់បានរ៉ាយរាប់ប្រាប់ថា: ក្រោយញាំបាយជប់លៀងកាលពីយប់ហើយ ខ្លួនលែងចាំអ្វីបានទាំងអស់ ដូចមនុស្សអត់មានវិញ្ញាណ ហើយបានដឹងត្រឹមដឹងថា ពេលភ្ញាក់ឡើងម៉ោងប្រហែល5ព្រឹក គឺបាត់គ្នាអស់រលីងហើយគ្មានឃើញតង់ជំរុំគ្នាខ្លួនឡើយ ឃើញមានតែព្រៃនិងដើមឈើនៅជុំវិញខ្លួន និងចាំមិនបានថាមកទីនេះដោយរបៀបណា។ ដោយសារមេឃមិនទាន់ភ្លឺរួមជាមួយអារម្មណ៌ភិតភ័យខ្លាំងផង គ្នាក៏សម្រេចចិត្តយកអាវបិតមុខហើយដេកផ្អែកសម្រាកនិងគល់ឈើដើម្បីបំបាត់ការភ័យខ្លាច។មេឃក៏ចាប់ផ្តើមភ្លឺ គ្នាក៏ចាប់ផ្តើមរកផ្លូវត្រឡប់មកជំរុំវិញ ដោយ មានទាំងឆ្លងកាត់ព្រៃ និងអូរតូចមួយដោយរយះចម្ងាយឆ្ងាយគួរសមដែរ ទើបបានមកដល់ជំរុំ ដែលមើលទៅ ដោយភាពស្លេកស្លាំងបំផុត…..។ *សំនួរពិចារណា - តើការបាត់ខ្លួនរបស់គ្នាដោយសារតែផឹកជាតិអាកុលជ្រុលដើម្បីទប់នឹងភាពត្រជាក់? ហើយវង្វេង? - ដោយសារការមមើល(ដើរ)? - តើគ្នាអាចដើរទៅទីនោះបានដោយរបៀបណា?ចុះជ្រលង ឡើងជ្រលង , ហើយងងឹតអត់មានសូម្បីតែពិលជាប់ខ្លួន ទូរស័ព្ទក៏ជ្រុះបាត់ ,អ្វីដែលសំខាន់ហេតុអី មិចបានជាដេកផ្អែកលើដើមឈើ? - រឺដោយសារអ្វីផ្សេងទៀត?ពិចារណាដោយខ្លួនអ្នកចុះ…#dancherngadventure #giantcambodia https://www.instagram.com/p/B1DmT30hoRK/?igshid=r1h9po1onmk4