RINOPLASTIKA (RIMODELIMI ESTETIK DHE FUNKSIONAL I HUNDËS)
Rimodelimi i hundës, Rinoplastika ose rimodelimi estetik i hundës siç e njohim tashmë të gjithë, është operacioni i hundës me kirurgji që ndryshon formën si dhe madhësinë e hundës.
Në Klinikën DaVINCI rimodelimi estetik i hundës kryhet nga kirurgu italian ORL (Otorinolaringolog) i cili garanton rezultate estetike në harmoni me tiparet e tjera të fytyrës si edhe përmirësim të frymëmarrjes përgjithmonë.
Falë eksperiencës së kirurgëve italianë otorinolaringologë, Klinika DaVINCI numëron me qindra ndërhyrje të suksesshme të kryera te pacientët e saj për:
Rimodelimi estetik i hundës (Rinoplastika);
Devijimin e septumit (Septoplastika);
Trajtimin e mukozave të enjtura të rrugëve të frymëmarrjes (Turbinektomia);
Trajtimin e tonsilitit (bajamet e infektuara)
Operacioni i rimodelimit të hundës mund të kryhet për të korigjuar një dëmtim të hundës, një difekt të saj që nga lindja, kur personi ka probleme me frymëmarrjen, por më shpesh bëhet për arsye estetike. Rinoplastika apo Rinoseptoplastika është një nga ato operacione estetike që mund të ndryshojë plotësisht pamjen e fytyrës tuaj pasi behet rimodelimi estetik i hundës.
Operacioni i hundës ose rimodelimi i hundës mund të realizohet në dy teknika ”e hapur” ose “ e mbyllur”. Mjekët tanë kanë gjithë përvojën e nevojshme për të dyja teknikat. Paraprakisht kryhet një konsultë me kirurgun ORL për të përcaktuar se cila teknikë është më e përshtatshmë në varësi të kompleksitetit të ndërhyrjes.
Gjatë operacionit të rimodelimit të hundës kirurgu do të trajtojë njëri pas tjetrit çdo element të hundës, ku përfshihet kurrizi, mishi i huaj në hundë, çdo ngritje apo gungë, gjerësinë e hundës dhe flegrat e saj, rimodelim i majës së hundës, drejtim i strukturës kockore dhe kërcore si dhe përmirësim të rrugëve të frymëmarrjes.
Operacioni i hundës për rimodelimin estetik dhe funksional kryhet në anestezi totale pra, pacienti është në gjumë gjatë gjithë kohëzgjatjes së operacionit. Në varësi të kompleksitetit të ndërhyrjes, operacioni zgjat 60 deri në 90 min.
Një pacient që kryen operacionin për rimodelimin estetik të hundës apo për zgjidhjen e problemeve me frymëmarrjen mund të kryejë njëkohësisht edhe ndërhyrje të tjera si liposucion i gushës, rimodelimi i mjekrës apo rimodelimi i veshëve.
Ditën që kryeni konsultën me kirurgun duhet të informoni mjekun kirurg nëse jeni alergjik ndaj ndonjë medikamenti si dhe ti referoni mjekut nëse jeni duke marrë ndonjë medikament për arsye shëndetësore të cilat mund të influencojnë kryerjen e ndërhyrjes kirurgjikale;
Disa ditë përpara operacionit do të kryeni një sërë ekzaminimesh pre-operatore të cilat informojnë stafin mjekësor mbi gjendjen tuaj shëndetësore përpara kryerjes së operacionit;
Të pakën 2-javë përpara operacionit duhet të ndërprisni marrjen e barnave me përmbajtje Acid Acetilsalicilik (si për shembull Aspirina, Vivin C, Kardiospir, Cemerit, Ascriptin, etj.) si dhe të ndërprisni marrjen e antikoagulantëve oralë. Ndërprerja e ndonjë terapie për arsye të operacionit duhet konsultuar paraprakisht me mjekun tuaj që ju ka përshkruar terapinë;
Duhani duhet të ndërpritet të paktën 2 javë përpara ndërhyrjes;
Pacienti duhet të ketë bërë dush, të heqë produktet xhel apo manikyr të thonjve ditën para operacionit si dhe të mos konsumojë ushqime apo lëngje të paktën 8 orë përpara ndërhyrjes;
Rekomandojmë që pacientët ditën e ndërhyrjes të paraqiten me veshje komode me kopsa ose me zinxhir.
Pas ndërhyrjes kirurgjikale pacientët qëndrojnë një natë të shtruar në spital nën kujdesin e stafit mjekësor dhe kthehen në shtëpi ditën e nesërme, pra duke qëndruar në spital të paktën 24 orë pas operacionit. Periudha e shërimit pas operacionit (rimodelimi i hundës)zgjat 10 – 12 ditë, në varësi të enjtjeve dhe kompleksitetit të operacionit. Pas operacionit sipër hundës vendoset një suport gipsi (dikur njihej me termin “allci”) e cila ndihmon në ruajtjen e strukturës së hundës nga prekjet apo lëndimet që mund të krijohen nga faktorët e jashtëm. Pas 7 – 10 ditëve gipsi hiqet nga mjekët e Klinikës DaVINCI dhe zëvendësohet me një çerotë të hollë e cila mbahet për 1 – 2 ditë. Pas operacionit (rimodelimi i hundës)pacienti do të ketë edema (enjtje) dhe nxirje në zonën përreth hundës dhe syve, të cilat zgjasin nga 6 deri në 14 ditë, kjo në varësi të fizionomisë së individit. Mund të themi se 10 ditë pas operacionit pamja e hundës është normalizuar dhe ju mund të shikoni rezultatin paraprak si dhe të merrni frymë lirshëm. Gjithsesi procesi i plotë i rekuperimit konsiderohet i përfunduar vetëm pas 6 – 12 muaj.
Lexo më shumë: https://www.davinci.al/fytyra/rimodelimi-i-hundes/
