Untitled

[koffieengenade]

Ek begin 10 goed en eindig net 1. My gedagtes is oral. My koffie is altyd koud. My geduld… wel, laat ons dit net “getoets” noem.

Om mamma te wees is nie altyd maklik nie. En as jy ‘n brein het wat bietjie anders werk, is dit ekstra spicy.

Ek het probeer sterk wees. Ek het gedink ek móét alles self regkry. Sonder hulp. Sonder stil hou. Sonder breek. Want dis mos wat goeie mammas doen, né?

Maar die waarheid? Jy mág breek. Jy mág oorstimulated wees. Jy mág huil, lag, gil, en sê: “ek’s nie okay nie.”

En jy mág hulp vra — dit maak jou nie swakker nie, dit maak jou wys.

Ek’s dankbaar ek het uiteindelik kon sê: genoeg is genoeg. Ek’s ook net ‘n mens.

Koffie. Chaos. Genade. Dis my drie basisse.

En weet jy wat? Ek begin weer soos myself voel. Die weergawe van my wat kan asemhaal, lag, dink, onthou… en my kind geniet.

So vir elke mamma daar buite wat voel sy verloor haarself — jy’s nie alleen nie. Jy is genoeg. En jy hoef nie alles alleen te dra nie.

[koffieengenade]

Genade, en so het Moedersdag gekom en gegaan. Vir elkeen van julle — ek hoop dit was ’n dag vol liefde, omgee, drukkies, soentjies en warm liefies. ’n Eerlike romping van klein stemmetjies (of groot stemme) wat roep: "Ma! Mamma! Moeksie!"

Een ding is seker: elke dag lyk anders. Ek kan nie belowe ek’s elke dag hier vir ’n diep geselsie nie — want gister? Gister was net lekker.

Geen foon. Geen sosiale media. Net ek, my klein dude en sy pappa, ’n quadbike, en ’n grondpad op die plaas. Wind in die hare. Stof in die lug. En absolute vrede. Dís wat ek noem Moedersdag.

Maar ek weet ook: nie almal het die dag gevier nie.

So aan jou — mamma sonder kinders. Mamma wat een verloor het. Mamma wat nog hoop en wag. Mamma wat moeg is, of alleen voel. Ek sien jou.

Ek weet jou hart was dalk swaar gister. En ek wil net sê: jy’s nie minder nie. Jy’s nie onsigbaar nie. Jy’s waardevol. Jou liefde, jou storie, jou seer — dit maak jou meer, nie minder nie.

Soms moet mens net die tegnologie afsit, opklim op ’n quadbike, en die liefde voor jou geniet — net soos dit is.

Aan die honde-mammas, engel-baba mammas, hoopvolle mammas, moeg mammas en elke mamma daarbuite: jy’s magic. Jy’s ’n krag.

Real mom. Real talk.

Koffie in die een hand, geloof in die ander.

[koffieengenade]

FTM hier. Real talk only.

Ek wens ek het die antwoord gehad oor wat ’n huwelik regtig is — die “wen-resep”, hoe dit werk, hoe dit móét lyk.

Maar hier’s die ding:

ek het gedink daar is nie een nie…

tot ek self in myne was. En nou sit ek op die grense van om op te gee.

Recovery? Om dit regtig te laat werk?

Dis nog ver van klaar.

Maar ek is 100% dedicated. Want ek’s nie reg om my hele lewe te verloor nie.

En ek’s nog nie klaar met hierdie mens van my nie.

Mense sê altyd dis nie maklik nie.

Dis werk.

Blah blah blah.

Ek weet dit.

Maar niemand sê vir jou van die lelike dele nie.

Niemand praat oor:

hoe jy irritated raak net omdat hulle asemhaal

hoe jy nie meer woorde het nie

hoe jy totaal en al withdrawn voel

Maar hier’s wat ek wel weet:

As jy iemand sien wat 50+ jaar getroud is, sal hulle jou vertel:

hulle’t dit deurgewerk met strategie.

Nie net liefde nie. Werkbare beginsels.

As jy wys is, luister jy.

As jy dom is, los jy dit en herhaal dieselfde sirkels.

Hier’s wat ek leer — stadig maar seker:

1️⃣ Kommunikasie is nie altyd praat nie — dis ook luister

2️⃣ Vertroue is iets wat jy bou, nie iets wat jy kry nie

3️⃣ Moenie kwaad gaan slaap nie (ja, ek weet — easier said than done)

4️⃣ RESPEK. Dis die fondament.

5️⃣ Ken jou rol — en eer jou maat se rol

6️⃣ (Ja, ek weet ek het 6 gemis — welkom in my chaos)

7️⃣ Onthou God se fondamente vir n huwelik — dis nie net ’n cliché nie

8️⃣ Onthou wie het jou genoeg laat lag dat jy gesê het "ek vat jou vir altyd"

9️⃣ Check in op mekaar — nie net oor geld of kinders nie

🔟 Jy verander albei as kinders inkom — moenie vergeet om mekaar weer te leer ken nie

🔁 Liefde is nie net ’n gevoel nie — dis keuses, elke dag

Ek sê nie ek’s reg nie.

Ek sê nie ek’s verkeerd nie.

Ek sê net: my huwelik het sy ups en downs.

Maar ons gee nie op nie. Want ons is lief vir mekaar.

Hy’s my beste vriend.

En ek fight vir hom.

Real mom. Real talk.

Koffie in die een hand, geloof in die ander.

[koffieengenade]

Titel: Net nog ’n moeg mamma met ’n missie

Dis vreemd om met woorde te begin as jy vir so lank stil was. Maar hier is ek nou – mamma, vrou, moeg, maar nie moedeloos nie ☕.

Ek het hierdie blog begin vir daai een mamma wat vanoggend al drie keer haar koffie koud laat word het 🥴. Vir die een wat wonder of sy nog mooi is, of sy nog weet wie sy is, of haar gebed nog verby die plafon gaan 🙏.

Dis nie perfek hier nie, maar dis eg. Dis vir jou, vir my, vir ons.

Welkom by Koffie & Genade ❤️.

Hier gaan ek skryf – oor geloof ✝️, huwelik, mamma-wees, en hoe dit voel om jou identiteit weer op te bou tussen nappies, wasgoed, en bietjie genade.