Arendsig Akademie

Professional Development of Teachers

[kuberarend]

‘n Uitstappie na Shemonaigha in die somer

Vrydag toe manlief op pad terug van die myn af by Shemonaigha oor die brug ry, besluit hy dat ons twee Sondag daar gaan braai. En teedrink by die Afrikaanse man op die myn.

Vanoggend vroeg is ons braai en piekniekmandjie gepak vir ons kuier in Shemonaigha, so 100 km van ons af en 20 km van die Russiese grens af. Ons was skaars uit die dorp, toe ons verby die aanloopbane van die lughawe ry.

View On WordPress

[kuberarend]

Koekbak is ‘n affêre in Qazaqstan

My kinders sal daarvan kan getuig, ek is nie ‘n koekbakster nie. Toe hulle klein was, het ek koekiesbakdae beperk.

Daai kombuis met meel en eierdoppe het my sommer gou laat vergeet van die lekker as die koekies eers gebak is. En natuurlik het hulle net die eerste ruk saamgebak, daarna moes ma klaar bak. En natuurlik die skoonmaak daarna. Die menger vol spatsels, die spane, als was vuil.

As ek…

View On WordPress

[kuberarend]

Ouch-ouch in die reën in Öskemen

Hierdie lelikerige silo’s het daarna soos sierstene geskitter. Ek het gister skaars vertel dat die reën in Öskemen net val, sonder om dit met donderende weer en blitsende strale aan te kondig. Toe bewys die reën my verkeerd.

Dit het so gebeur. Ek en manlief sou Woensdagaand gaan uiteet het. Omdat dit moeilik is om parkeerplek te kry, stap ons gewoonlik na die restaurantjies om ons toe. Lekker…

View On WordPress

[kuberarend]

Blou lug is skaars in Öskemen

As mens na die lugruim kyk, is dit moeilik om te glo dat die lug in Öskemen baie droog is. So droog dat ek lakens kan was, kleiner kan vou om op ‘n staanreëling in die een kamer te pas en teen die aand kan opvou en bêre.

So droog dat ek al twee keer met ‘n keel wakker geword het wat so droog is dat ek sukkel om te sluk. En eers na meer as een glas water voel dat my keel nie van skuurpapier…

View On WordPress

[kuberarend]

Prôbleema? In Qazaqstan

Manlief kom elke middag vir middagete. So anders as in die RSA. Gewoonlik kom laai sy drywer hom soggens op en kom laai hom weer soggens af. Dan stap hy die twee blokke huis toe vir middagete. En terug.

Vanoggend het hy self gery. En die kar daar gelos om vir middagete huis toe te stap. Anders kry hy nie weer parkeerplek as hy na middagete teruggaan nie. Ek het nie van vandag se reëlings geweet…

View On WordPress

[kuberarend]

Qazaqstan, land van muurpapier

Ek het in die 60’s en 70’s grootgeword en Qazaqstan vat my terug na my kinderjare, toe muurpapier ‘n inding in Suid-Afrika was. Ek onthou sulke maroon koninklike muurpapier iewers in ons huis, kom dalk in die sitkamer gewees het. Dalk is ek verkeerd, maar ek onthou dat dit fluweelagtig gevoel het.

En toe verdwyn muurpapier. En ek wonder of dit ooit sal terugkom. En as dit doen, of ek dit sal…

View On WordPress

[kuberarend]

Sonder BB, Sobek en Shilo, my geliefde Schnauzers in Qazaqstan

My vier Miniatuur Schnauzers, BB, Shilo, Sobek en Sankie sou van die begin af saamkom Qazaqstan toe. Mits my kinders kan help om hulle vir die drie jaar op te pas.

Die kinders kon nie, dus het ons R100 000 eenkant gesit en ‘n woonstel buite die stad geneem sodat hulle by my kon kom bly.

Die woonstel was pragtig maar peperduur en baie ver uit die stad. Dit sou mos maklik wees om hulle hier te kry?

View On WordPress

[kuberarend]

Kragteloos in Qazaqstan

Iewers vanoggend hoor ek die musiek op die Apple TV gaan af. Maar die dingetjie sit homself gereeld af en ek hou van stilte, dus los ek dit so. Manlief se probleem as hy huis toe kom, hy soek musiek in die plekkie van ons.

Later sien ek toilet wil nie water gooi. En weet ons het ‘n waterprobleem toe die kombuiskraan ook traag is om haar werk te doen. En toe besluit ek om sommer ook die ligte te…

View On WordPress

[kuberarend]

Hollywoodagtige Kazakhstan monument in die somer

Ek het vanoggend geskryf oor die Hollywoodagtige monument van Kazakhstan op een van die omliggende berge. En ook dat ons vandag teruggaan om somer foto’s te neem.

Hier is dit dan. Die paadjie daarheen lyk soveel beter in die somer. Met geen sneeu. Die vorige keer het ons saam met een van die Kazakhs en sy meisie gery. Sy het bestuur. En ek het die hele pad gebid!

Ek het met sandale en al ‘n hele…

View On WordPress

[kuberarend]

Die Here se hand in ons koms na Qazaqstan

Ons kan nie anders as om te glo dat die Here ons voorberei het vir die lewe in Kazakhstan nie. En dat dit sy goedkeuring dra dat ons hierheen gekom het.

My man is uit duisende ander mynbouingenieurs wêreldwyd op LinkedIn uitgekies en gekontak. Met ‘n lang e-pos waarin die aard van die werk verduidelik is.

Ek het net die woord Kazakhstan gehoor en wou niks weet nie. Hierheen kom ek nie. Dit is…

View On WordPress

[kuberarend]

Öskemen se Hollywoodagtige Kazakhstan monument

Bo-op een van die berge wat oor Öskemen troon is ‘n monument met ‘n reusagtige vlag van Kazakhstan.

Hierdie vlag kan baie ver gesien word, bykans vanuit elke hoek in die stad. As geboue nie die uitsig beperk nie.

Ek het die foto op ‘n reëndag dié week geneem omdat die son net daar geskyn het. Terwyl dit om ons erg bewolk was na die reën.

‘n Pragtige monument staan langs die reusagtige vlag.…

View On WordPress

[kuberarend]

En toe sweef ek oor tyd en ruimtelike grense heen na my kerk in Suid-Afrika

Ons het einde 2005 van Welkom na die groot stad getrek. In Welkom was ons lede van die Hervormde Kerk St Helena, ‘n piepklein gemeente met ouer mense en ds Martin Fouché as ons predikant. Hy het Anja aangeneem en voorgestel en Marnus gedoop, aangeneem en voorgestel.

‘n Nederige predikant, wat ons almal se voete op die grond gehou het. Hy het nie hard gepreek nie, en dit het elke Sondag gevoel…

View On WordPress

[kuberarend]

Braaivleis in Qazaqstan

Manlief is ‘n boer, ‘n man wat van braaivleis, bier en biltong hou. En natuurlik die Blou Bulle.

DSTV het nog nie in Qazaqstan uitgekom nie, dus is ons op ‘n VPN aangewese om dit wel te kan kyk. Maar die selfoonskermpie is klein en ons soek ons sepies en sy rugby op ‘n groot skerm. En dit kan blykbaar met Apple TV gedoen word.

So vra ons baie mooi dat iemand in Almaty vir ons een koop (R5000) en…

View On WordPress

[kuberarend]

‘n Ooraktiewe verbeelding in Kazakhstan

Kazakhstan is veilig, anders as wat ek gedink het voor ons in Januarie kom kyk het hoe hierdie land lyk.

Voor ons kom kyk het, wou ek niks weet nie, want flieks beeld die Russe as die boewe uit. Hier beleef ek die Kazakhs as mense waarmee ek graag bevriend raak. Omdat hulle, net soos ons, vredeliewend is.

Tog het tonele uit flieks in my onderbewussyn vasgesteek. En as donkerte saam met ‘n…

View On WordPress

[kuberarend]

A Waas? Dit ken ek darem ...

A Waas? Dit ken ek darem …

Ons woonstelblok se ingang is deftig teen die ander in die straat. Woonstelblokke se ingange is aan die agterkant van die geboue, aan die voorkant is dubbeldeure so hier en daar en as jy by een van daardie deure ingaan, is jy verras oor alles wat in die winkels verkoop word.

Die winkeltjies laat mens aan die winkels in Hillfox in Weltevredenpark se China mark dink. Sommiges het…

View On WordPress

[kuberarend]

Voer jou MS Word bibliografie in jou Mendeley biblioteek in

Voer jou MS Word bibliografie in jou Mendeley biblioteek in

Using WizFolio to Transfer a MS Word Bibliography to EndNote or RefWorks

EndNote en RefWorks kan ‘n bronnelys in ‘n gewone Word-dokument lees, maar Mendeley kan (nog) nie. Jy kan egter ‘n gratis program Wizfolio gebruik om ‘n gewone bronnelys in ‘n RIS-lêer te verander.  Hierdie lêer kan in Mendeley, maar ook in Refworks en EndNote ingevoer word.

Volg hierdie stappe:

1. Gaan na die  WizFolio…

View On WordPress

[kuberarend]

Braaivleis op 'n piepklein stoepie in Oskemen

Braaivleis op ‘n piepklein stoepie in Oskemen

Na twee maande in ust’-Kamenogorsk moet ons doodeenvoudig self braai. Want braaivleis in die restaurante hier proe nie soos braaivleis soos ons dit ken nie. So stap ons van winkel tot winkel, lekker ver uit mekaar omdat winkels hier baie anders is as in Suid-Afrika, op soek na iets wat sal werk om self te braai.

Die voorbeelde wat vir ons gegee word as ons met ‘n groot gesukkel probeer…

View On WordPress