🇸🇦

[latmnn]

ما بين بعينك على كثر ما جاك لا واحسافه ليتني ما عطيتك

تخطي واعذرك واتحمل خطاياك هويت غلطاتك كثر ما هويتك

ضحيت بالدنيا على شان دنياك خليت كل اللي يبيني وجيتك

كنت بعيوني وين ما اطالع القاك حتى ولو غمضت عيني لقيتك

من كثر ما احبك واقدرك واهواك ما اذكر اني في حياتي عصيتك

ولا فاد كل اللي اسويه وياك اتعبت قلبي ليتك تحس ليتك

[latmnn]

الدروب كثار وما اخترت منه الا دربك

والمخاليق واجد والناس من حولي كثار

خسرت محبه الناس بحياتي وكسبت حبك

انشهد انك الفوز العظيم الي بحياتي صار

[latmnn]

ما يجيبك طيب حظ ولا تجيبك طيب سمعه

انت نعمه ما تجيبك غير دعوه مستجابه

اذكر اني قبل اعرفك داعي الله عصر جمعه

وجابك الله والله اعلم وافقت وقت استجابه

[latmnn]

هدوء من فضلك هدوء جروحي توها نايمه

غمضت ليله عيونها وسما عيوني غايمه

من كم سنه تسهر معي وان نمت تبقى قايمه

لا عاد تسالني علي وطيور صحو حايمه

ما قلت لك قبل الفراق الدنيا ما هي دايمه

[latmnn]

غايب حبيبي ما وصلني سلامه مدري غيابه عذر او شي مقصود

مو عادته يبخل على باهتمامه دايم يطمني ولو كان موجود

ما ابغى اشوفه بس بسمع كلامه لا صار طيب راحتي مالها حدود

يرجعه ربي على بالسلامة اللي وحشني كم بقى يوم ويعود

محتاج له في درب ما اقوى ظلامه هو شمعتي لا كثرت ايامي السود

ما اقوى على بعده ولا اقوى خصامه لا غاب احس بدنيتي شي مفقود

متى يعود وترجع الابتسامة الصبر مهما طال له وقت وحدود

عندي عتاب ودمعتين وملامة وعندي أمل انه اذا غاب بيعود

[latmnn]

احبس العبرات يغرق داخلي ليتني اغرق ويغرق بي غلاك

في ضميرك لي حكي ما قلت لي وفي ضميري لك حكي قلته وراك

كل ليله عشتها منت معي غيرتني والعمر يمضي بلاك

صرت اخاف بيوم صدفه نلتقي مانميز بعضنا والموت ذاك

ليه حبيتك وانا ادري منت لي كنه بامري وكنه بهواك

مر حبك من صميمي شلني صدني عن دنيتي ومنك خذاك

عزتي لك عزتي لا شك لي عزتي لاحساس جاني يوم جاك

اخرك مدري لكن اخري يا حبيبي حلم يجمعني معاك

[latmnn]

لك مني احبك الين يغزا شعر راسي الشيب

ولي منك حفظ العهود اللي بيننا والمواثيق

حبك حفظته يسار صدري يعلمه عالم الغيب

اداري عليه بقلبي واخفيه عن كل المخاليق

[latmnn]

اشتقت انا وبين القصايد لقيتك

ياكيف ابنسى ايامنا والغلا ذاك

رديت انا من قلب والله وهويتك

لكن زماني مارضى اكون وياك

[latmnn]

اشتقت اعيش ايام عمري بلياك

عزت علي نفسي كثر ما اشتكيلك

لو تقدر الليلة تخليني انساك

حاول تساعدني وما انسى جميلك

[latmnn]

راح وخلاني رهين المواعيد

لا ودع قلبي ولا واعدني

من ليلة الفرقا وانا احاتي العيد

خايف يمر العيد ما عايدني

[latmnn]

شلونك عسى البعد عني مكفيك

اسال عنك بعد ما كنا احباب

والله ان قلبي للحين هاويك

لكن افترقنا وصرنا اليوم اغراب

الذكرى كتبتها واحسنت لياليك

ولا كان بيوم كنا انا وياك احباب

كنت احب سوالفك واحب طاريك

واليوم ما صار الباب على الباب

[latmnn]

بكيتك من الفرقى جنون وغلا واوهام

وبكى جرحي الاول على جرحي التالي

دموعي وجيه ايتام وايدي دور ايتام

تكرم وشيل ايتامك الي برت حالي

معي من فراقك ضيقة تبعث الالهام

مواعيدها ليلي وصبحي ومقيالي

ومعي قلب لكن غير صالح للاستخدام

بقايا مشاعر في طرف منزلٍ خالي

[latmnn]

وتموني يا ريم المكاحيل على القلب في خيره وشره

اذا جيتي استاهلك بالحيل واذا كان ما تبغين حره

فديت الوسيعات المظاليل رماح الهلاك المستشره

وخطواتك اللي بالخلاخيل لها في الصدر والقلب جره

وسواليفك بكل التفاصيل وصوتك بها لله دره

ابي منك ما ينهد لي حيل على شي ما يسوى المضره

[latmnn]

مدري اذا تقرا شعوري وتوحيه

وتسمع ما بين ضلوعي صوتٍ ينادي

قلبٍ يحبك ياعجب كيف تشقيه

وانا احسبنك بالمحبة ضمادي

سويت ما اقدر وش اللي تبغيه

متى على وصلي تمد الايادي

سرقت من عمري ولا قلتلك ليه

وخذيت قلبي والعيون ورقادي

ارحم حبيبك يا حبيبي وراعيه

دامك دوا جروحي وغاية مرادي

[latmnn]

اشتاقلك لكن ما اقدر اناديك

ابيك لكن ما اعرف ويش ابي بك

ليت المسافه بين ارضي واراضيك

و لا باعدت قلبي و قسمة قليبك

لا يائس منك و لا لي رجا فيك

ولا مبتعد عنك و لاني قريبك

لا صرت ادلك بس ما اقدر اجيك

بس الدعاء ان صاب ممكن يجيبك

جد الشغف في كل مره الاقيك

مثل المطر ما مل صدري صبيبك

رغم لظى شمسك و رمضى تجافيك

حبيت قيظك عن نسايم مغيبك

خايف اكون بيوم بحساب ماضيك

واصير من بعد الموده غريبك

يكفيني اني غالي من غواليك

ما دام ماني يا حبيبي حبيبك

[latmnn]

لي صاحبٍ قفّى ولا هو بمسموح

عشرة عمّر من بينّا ما حشمها

من عقب ما عمّر من وسط قلبي صروح

عمّر صروحه في حشاي و هدمها

[latmnn]

عسى مقابيل الليالي تباشير

علمٍ يسر الخاطر ولا يضره