May natanggap akong balita tungkol sa isa naming kapitbahay, tungkol ito sa tropa ng kapatid ko na di umano'y gustong mangutang yung Mama nila sa Mama ko. Nung marinig ko yun, hindi naman ako nagalit. Nagtaka at nagulat lang ako. Graduate na kasi yung panganay sa kanila, yung babae, Tricia ang pangalan. Siguro mga two years na siyang graduate? Hindi ko lang sure. Pero ang alam ko graduate na siya, di ko lang maisip kung bakit hindi niya nasusuportahan yung pamilya niya knowing na graduate na siya. Tapos ayon nalaman ko na wala pa rin palang work ito, kumbaga tambay lang muna sa bahay nila. Minsan na daw kasi ito umalis sa work niya before dahil sa nahihirapan nga siya.
Tapos may biglang nag-flash back sa askin nung mga time na nalaman ko yun.
...before kasi, nung nasa abroad pa si Mama, at nung nasa Zamboanga naman si Papa, ito yung panahon na walang gumagabay sa amin, wala parents na kasama. Naaalala ko pa yun hanggang ngayon, December yun, mag-christmas party kami (highschool pa ako that time), tinext ko si Mama at Papa na wala pa rin akong pang exchange gift. Nung time na yun wala pa kasing sahod, so sinabihan ako ni Papa na kung pwede daw na manghiram muna ako sa kapitbahay namin na kahit 500 pesos lang. Then dun ako nanghiram sa Nanay nung nangungutang samin ngayon. Ang sabi niya bayaran ko daw agad, then dumating na yung time na dapat ko nang bayaran pero wala pa din kasi akong pambayad nun dahil sa wala pa ngang pera.Ā
Naaalala ko nun kung paano niya ako pinahiya sa kalye namin, talagang inabangan niya akong lumabas sa bahay ng kaibigan ko dahil nga dun muna ako nag-stay para makitext. Sobrang hirap ng buhay ko nun. Sa murang edad naka-experience na ako ng mga ganung bagay. Nung nakita niya ako, pinagsisigawan niya ako, nagalit siya, bakit daw di ako nakapag-bayad agad. Parang na-degrade yung pagkatao ko nun, humingi naman kasi ako ng pasensya at sorry sa kanya. Sinabi ko naman na hindi ko tatakbuhan at babayaran ko din agad yun. Actually the day nung nanghiram ako sa kanya, dapat kinabukasan eh dapat bayad na, so inshort isang araw palang ang nakakalipas. Lupet no, nagalit agad siya eh isang araw pa lang naman. Pero aminado naman ako na may mali din ako dahil nga sa nakapag-sabi ako na magbabayad din ako agad.
So after niya akong pahiyain sa kalye, sa tapat ng bahay niya, pumasok na muna ako sa bahay namin, tinext ko si Papa, sinabi ko sakanya yung ginawa sakin nung kapitbahay namin. Simula nun hindi ko na sya pinapansin, at simula nun wala na akong gaanong kinakausap sa lugar namin.
Nakakatawa lang kasing isipin, sila na yung lumalapit sa amin ngayon, samantalang dati sila yung nilalapitan namin. Pero sinabi ko sa sarili ko na mula nun hindi na kami lalapit sa kanila para humingi ng tulong. Ngayon, asan sila? Ako yung pinahiya niya sa kalye noon, pero ngayon sila na yung naghihirap.
titsay
snowghoul
jacobvanloon
vaporwave
areudirty
turnnoffyourmind
