urdu online dictionary

The best urdu online dictionary

[nizamuddeen]

خاموش ہو کیوں، دادِ جفا کیوں نہیں دیتے خاموش ہو کیوں، دادِ جفا کیوں نہیں دیتے بسمل ہو تو قاتل کو دعا کیوں نہیں دیتے وحشت کا سبب روزنِ زنداں تو نہیں ہے مہر و مہ و انجم کو بجھا کیوں نہیں دیتے اک یہ بھی تو اندازِ علاجِ غمِ جاں ہے اے چارہ گرو، درد بڑھا کیوں نہیں دیتے منصف ہواگر تم تو کب انصاف کروگے مجرم ہیں اگر ہم تو سزا کیوں نہیں دیتے رہزن ہو تو حاضر ہے متاعِ دل و جاں بھی رہبر ہو تو منزل کا پتہ کیوں نہیں دیتے کیا بیت گئی اب کے فراز اہلِ چمن پر یارانِ قفس مجھ کو صدا کیوں نہیں دیتے (احمد فراز)

[nizamuddeen]

اب کے ہم بچھڑے تو شاید کبھی خوابوں میں ملیں اب کے ہم بچھڑے تو شاید کبھی خوابوں میں ملیں جس طرح سوکھے ہوئے پھول کتابوں میں ملیں ڈھونڈ اجڑے ہوئے لوگوں میں وفا کے موتی یہ خزانے تجھے ممکن ہے خرابوں میں ملیں غم دنیا بھی غم یار میں شامل کرلو نشہ بڑھتا ہے شرابیں جو شرابوں میں ملیں تو خدا ہے نہ میرا عشق فرشتوں جیسا دونوں انساں ہیں تو کیوں اتنے حجابوں میں ملیں آج ہم دار پہ کھینچے گئے جن باتوں پر کیا عجب کل وہ زمانے کو نصابوں میں ملیں اب نہ وہ ہیں، نہ وہ تو ہے، نہ وہ ماضی ہے فراز جیسے دو شخص تمنا کے سرابوں میں ملیں (احمد فراز)

[nizamuddeen]

آنکھ سے دور نہ ہو دل سے اتر جائے گا آنکھ سے دور نہ ہو دل سے اتر جائے گا وقت کا کیا ہے، گزرتا ہے، گزر جائے گا اتنا مانوس نہ ہو خلوتِ غم سے اپنی تو کبھی خود کو بھی دیکھے گا تو ڈر جائے گا تم سرِ راہِ وفا دیکھتے رہ جاؤگے اور وہ بامِ رفاقت سے اتر جائے گا زندگی تیری عطا ہے تو یہ جانے والا تیری بخشش تری دہلیز پر دھر جائے گا ڈوبتے ڈوبتے کشتی کو اچھالا دے دوں میں نہیں، کوئی تو ساحل پہ اتر جائے گا ضبط لازم ہے مگر دکھ ہے قیامت کا فراز ظالم اب کے بھی نہ روئے گا تو مرجائے گا (احمد فراز)

[nizamuddeen]

new year آج اک اور برس بیت گیا اس کے بغیر جس کے ہوتے ہوئے ہوتے تھے زمانے میرے

[nizamuddeen]

new year کسی کو دیکھوں تو ماتھے پہ ماہ و سال ملیں کہیں بکھرتی ہوئی دھول میں سوال ملیں آؤ کچھ دیر دسمبر کی دھوپ میں بیٹھیں یہ فرصتیں ہمیں شاید نہ اگلے سال ملیں

[nizamuddeen]

new year

    پھیلے گی تیرے ہاتھ کی خوشبو بھی اس کے ساتھ پاگل ہوا کے دوش پہ لکھا نہ کر مجھے !!

 View On WordPress

[nizamuddeen]

new year

          خدا کرے کہ نیا سال تیرے دامن میں وہ سارے پھول کھلادے کہ جن کی خوشبو نے تیرے خیال میں شمعیں جلائے رکھی تھیں (پروین شاکر)

View On WordPress

[nizamuddeen]

کیا ہے عشق تو شکوہ نہ کر زمانے کا کیا ہے عشق تو شکوہ نہ کر زمانے کا بیاں ہوا تو گیا حسن اس فسانے کا

[nizamuddeen]

بچھڑا ہے جو اک بار تو ملتے نہیں دیکھا بچھڑا ہے جو اک بار تو ملتے نہیں دیکھا اس زخم کو ہم نے کبھی سلتے نہیں دیکھا اک بار جسے چاٹ گئی دھوپ کی خواہش پھر شاخ پہ اس پھول کو کھلتے نہیں دیکھا یک لخت گرا ہے تو جڑیں تک نکل آئیں جس پیڑ کو آندھی میں بھی ہلتے نہیں دیکھا کانٹوں میں گھرے پھول کو چوم آئے گی لیکن تتلی کے پروں کو کبھی چھلتے نہیں دیکھا کس طرح مری روح ہری کرگیا آخر وہ زیر جسے جسم میں کھلتے نہیں دیکھا (پروین شاکر)

[nizamuddeen]

قطعات (جون ایلیا) ہے یہ بازار جھوٹ کا بازار پھر یہی جنس کیوں نہ تولیں ہم کرکے اک دوسرے سے عہد وفا آؤ کچھ دیر جھوٹ بولیں ہم ۔۔۔۔۔۔۔ یہ تیرے خط تیری خوشبو یہ تیرے خواب و خیال متاع جاں ہیں ترے قول و قسم کی طرح گزشتہ سال انہیں میں نے گن کے رکھا تھا کسی غریب کی جوڑی ہوئی رقم کی طرح  (جون ایلیا)

[nizamuddeen]

جب بہار آئی تو صحرا کی طرف چل نکلا جب بہار آئی تو صحرا کی طرف چل نکلا صحنِ گل چھوڑ گیا، دل مرا پاگل نکلا جب اُسے ڈھونڈنے نکلے تو نشاں تک نہ ملا دل میں موجود رہا، آنکھ سے اوجھل نکلا اک ملاقات تھی جو دل کو سدا یاد رہی ہم جسے عمر سمجھتے تھے، وہ اک پل نکلا وہ جو افسانۂ غم سن کے ہنسا کرتے تھے اتنے روئے ہیں کہ سب آنکھ کا کاجل نکلا ہم سکون ڈھونڈنے نکلے تھے پریشان رہے شہر تو شہر ہے، جنگل بھی نہ جنگل نکلا کون ایوب پریشان نہیں تاریکی میں چاند افلاک پہ، دل سینے میں بے کل نکلا (ٓایوب رومانی)

[nizamuddeen]

نفرتوں کے تیر کھا کر دوستوں کے شہر میں نفرتوں کے تیر کھا کر دوستوں کے شہر میں ہم نے کس کس کو پکارا یہ کہانی پھر سہی (مسرور انور)

[nizamuddeen]

یہ بات یہ تبسم یہ ناز یہ نگاہیں یہ بات یہ تبسم یہ ناز یہ نگاہیں آخر تم ہی بتاؤ کیونکر نہ تم کو چاہیں اب سر اٹھا کے میں نے شکوؤں سے ہاتھ اٹھایا مرجاؤں گا ستم گر نیچی نہ کر نگاہیں کچھ گل ہی سے نہیں ہے روح نمو کو رغبت گردن میں خار کی بھی ڈالے ہوئے ہے بانہیں اللہ ری دل فریبی جلووں کے بانکپن کی محفل میں وہ جو آئے کج ہوگئیں کلاہیں یہ بزم جوش کس کے جلووں کی رہ گزر ہے ہر ذرے میں ہیں غلطاں اٹھتی ہوئی نگاہیں (جوش ملیح آبادی)

[nizamuddeen]

آج تو بے سبب اداس ہے جی ناصر کاظمی کے یوم پیدائش پر ان کا ایک خوبصورت شعر

[nizamuddeen]

دل دھڑکنے کا سبب یاد آیا ۔۔۔۔۔۔۔ نیتِ شوق بھر نہ جائے کہیں ناصر کاظمی کے یوم پیدائش پر ان کی دو مشہور غزلیں

[nizamuddeen]

میں عرصۂ دراز سے خود میں اسیر ہوں میں عرصۂ دراز سے خود میں اسیر ہوں تنہائیوں کی قید سے اب تو رہائی دے ایسا نہ ہو انا میں گزر جائے زندگی پھر سے تو میرے ہاتھ میں دستِ حنائی دے (ارشاد دہلوی)

[nizamuddeen]

کچھ ایسا اترا میں اس سنگ دل کے شیشے میں کچھ ایسا اترا میں اس سنگ دل کے شیشے میں کہ چند سانس بھی آئے نہ اپنے حصے میں وہ ایک ایسے سمندر کے روپ میں آیا کہ عمر کٹ گئی جس کو عبور کرنے میں مجھے خود اپنی طلب کا نہیں ہے اندازہ یہ کائنات بھی تھوڑی ہے میرے کاسے میں ملی تو ہے مری تنہائیوں کو آزادی جڑی ہوئی ہیں کچھ آنکھیں مگر دریچے میں غنیم بھی کوئی مجھ کو نظر نہیں آتا گھرا ہوا بھی ہوں چاروں طرف سے خطرے میں مرا شعور بھی شاید وہ طفل کمسن ہے بچھڑ گیا ہے جو گمراہیوں کے میلے میں ہنر ہے شاعری شطرنج شوق ہے میرا یہ جائیداد مظفر ملی ہے ورثے میں (مظفر وارثی)