Untitled

[peta1group2]

Bosconian Culture

Nung buwan ng marso 2020, Hindi ko inaakala na magkakapandemya at titigil ang face to face na mga klase sa Don Bosco Makati. Dahil naalala ko dati bago mag pandemya ay napakadaming magandang nangyari at madami itong nabigay sakin na mga aral simula nang bata pa ako tulad ng Run, jump, shout, but do not sin,  choose the better things at marami pang iba na nakatulong ito sa akin na maging mas mabuting Kristiyano at hindi matukso. At dahil sa paaralan na ito ako ay mas naging mabuting tao, hindi lamang sa labas kundi sa loob na din dahil sa mga guro ko na ginagabayan ako at tinuturo sa akin kung ano ang tama at mali. At ang nakakaiba sa Don Bosco Makati ay hindi lamang relihiyon ang tinuturo, kundi mga techniko na nakakatulong sa mga gusto mo sa kinabukasan.

Ang Don bosco technical Institute of Makati ay hindi binabaan ang aking mga inaasahan pagdating sa espesyal na mga okasyon at mga diwang tulad nang ating opening of classes, gagawa sila ng paraan para maging entertaining at intriguing ang mga estudyante ng senior highschool department. Madami dami rin ang mga okasyon na itinatanglay ng Don bosco Makati Technical Institute of Makati Senior Highschool Department, tulad nung Agosto, unang buwan palang nang klase nagbalak na silang magtanglay nang okasyon at yun ay ang Wikasaytura na iginanap para sa buwan ng wika. Sunod dun ay ang Teacher’s Day, na aming ipinagdiwang upang parangalan ang pagsusumikap at dedikasyon na ibinigay sa amin ng aming mga tagapayo. Matapos nun ay ang pagpili namin ng club, itinanghal namin iyon sa kumu space na may nakakapanibagong karanasan dahil nagbigay ito nang “face-to-face” na pakiramdam saaming mga estyudante. Alam kong nakakasabik at nakakaenganyo ang mga okasyon at diwang dito sa DBTI Makati SHS Department kahit na lahat nang ito ay naganap sa pamamagitan nang online lamang. Ako’y naeengayong pumasok dahil sa dediaksyon na ibinibigay nang mga guro at estyudante para makamit ang pagka “face-to-face” nang ating paaralan at masasabi kong kakaiba ang “brotherhood” at “sisterhood” pagdating sa kultura ng mga Bosconians.

[peta1group2]

Don Bosco para sa Lahat

Hindi lang puro pag-aaral ang aatupagin pag ika’y nasa SHS Department ng Don Bosco, punong puno ng mga okasyon at pagdiriwang ang mararanasan mo dahil isa sa mga layunin ni Don Bosco sa mga estudyante niya ay magkaisa. Para sa karamihan, ang paaralan ni Don Bosco ay isang playground kung saan puwede kang maglaro, magsaya, makipagusap at marami pang iba. Paniguradong magiging komportable ka sa SHS Department ng Don Bosco dahil sobrang mababait at matulungin ng mga guro, puwede kang makipag kwentuhan, makipagbiruan, makipaglaro at marami pang iba pero kapag oras ng pag-aaral, asahan mo ng marami kang matutunan pag dating sa mga guro ng Don Bosco. Pati narin yung mga staff tulad ng canteen, janitors at iba pa ay sobrang bait at palakaibigan kaya’t madadalian kang makisama dito. Puwede mong gawin lahat ng gusto mo kaya nga sabi ni Don Bosco, “Run, jump, shout, but do not sin”, iwasan mo lang ang paggawa ng hindi maganda. Marami ding isinagawang mga aktibidad ang SHS ng Don Bosco tulad ng “Lakan at Lakambini” na ipinagdiriwang tuwing Buwan ng Wika, mga online tournament para sa mga mahihilig maglaro ng video games, mga clubs na puwedeng mong sahilan at marami pang iba. Isa ito ang dahilan kung bakit ginaganahan ang mga estudyante pumasok sa Don Bosco dahil hindi puro aral kundi ang pagbibigay din ng oras sa sarili.

[peta1group2]

Determinadong mga Bosconian

 Sumasabak rin ang DBTI Makati sa labanan ng mga iba’t ibang eskwelahan sa pamamagitan ng pagkanta, paglalaro ng sports, pagsayaw at pag-arte. Sa pamumuno ng napakagaling na konduktor na si Sir Alvin Paulin ay nakabuo ng napakahusay na grupo ng mang-aawit na tinatawag na Boscorale. Ang Boscorale ay sumasabak sa kompetisyon hindi lang dito sa Pilipinas kundi sa ibang bansa tulad ng Singapore, dahil sa kanilang husay, sila’y isa sa mga pinaka-kilalang grupo ng mang-aawit pagdating sa mga eskwelahan. Pagdating naman sa labang palaruan ay nakikilala rin ang DBTI Makati makipaglaban sa mga malalaking eskwelahan dahil sa determinasyon ng mga manlalaro matalo ang mga kalaban. Nakilala naman ang Don Bosco Makati sa husay ng mga mananayaw na tinatawag na Wolfpack. Pagdating sa pag-aarte, kilala ang Teatro Busko na umabot na isa sa mga pinakamahusay na grupo ng mga aktor.

   Bukas ang Don Bosco para sa mga gustong matuto

 Noong 1954, nabuo ang isa sa mga kilalang eskwelahan sa Pilipinas na tinatawagang Don Bosco Technical Institute of Makati o sa maikling salita DBTI Makati. Ang institusyon ay nagpapaaral ng mga estudyanteng preparatory hanggang senior high. Ang Elementary ay nilalaman ng mga baitang 1 hanggang 6. Ang Junior High School naman ay nilalaman ng baitang 7 hanggang 10. Ang Senior High School naman ay nilalaman ng mga baitang 11 hanggang 12. Bawat seksyon ng eskwelahan ay ipinangalan sa mga naging kahalili o successor ni St. John Bosco. Ang Don Bosco Makati ay isang paaralan para sa mga lalaki lamang na nag-aaral sa elementary hanggang junior high. Pagdating naman sa Senior High ay pumapayag ang institusyon na mag-paaral ng lalaki at babae na gustong makapaghanda para sa hinaharap na kolehiyo. Ang DBTI Makati ay isang teknikal na paaralan kaya’t ang mga estudyanteng nasa baitang 9 ay papapiliin ng technical shop na kanilang kukunin hanggang baitang 10. Ang bawat estudyante ay bibigyan ng pagkakataon pumili ng kanilang shop, ang mga shop ay ang Automotive(AUTO), Mechanical(MECH), Industrial Drafting Technology(IDT), Computer Technology(CT), Electrical Technology(ET), at Electronics(ELX). Nasa pangalan mismo ang paksa na aaralin ng bawat estudyante batay sa kanilang mga napiling shop. Sumasali din ang Don Bosco Makati sa mga feeding program at ibang mga aktibidad na nakakatulong para sa mga mahihirap na bata at matatanda.