رهّوفة الفرفوشة.

هذهِ الروح لا تشتاق لأحد، ولكنها تشتاق للحظات. اللي خلقني صدفة إن ماما تنقص في ثانوية عامة درجتين تنقلها لجامعة في حلوان عشان بتحب الفن، و تقابل بابا وهي مع صحبتها بتزور خطيبها التعبان في المستشفى عشان بابا صاحب خطيب صحبتها يكون هناك برضو بيزورو و يشوفها ويعجب بيها و هو في كلية تانية غيرها و يتقدم لها و يتجوزو بعد رفض جدي 3 مرات، أنا هي أول فرحة الحب ده 😊 ببساطة شديدة اسمي رهف عندي 23 سنة، مزيج ما بين المنصورة وشبرا، دكتورة علاج طبيعي و تغذية وبحب شغلي و بحب القراءة و الكتابة و الشعر و الأكل و الشراء و الخروج و البحر و الحياة و الأغاني و الصحاب و الصور... طويلة 168 سم و فيا كثير من الهبل و لكني عاقلة بشكل مبالغ فيه أحيانًا، برج الثور 2May. أي معلومة أخرى فأنا لا أمانع من السؤال 😊يا رب يرزقك السعادة والإستقرار وراحة البال و صحة الأهل يارهف😊 شكرًا عالدعوة لك مثلها💗 Instagram: Rahaf3ali_

[rahafhassan3ali]

مشكلتي في خلفة البنات هي الاسم

متوقعتش إني هفضل تسع شهور مش عارفة اختار اسم لبنتي🥲🥲 يارب ألهمني الاسم قبل ما تنور حياتي

[alaawarda]

"ما من شيء يجلبُ الفتوح الربانيّة مثل سلامة القلب، وتمنّي الخير للآخرين، والدعاء لهم، وكفّ الأذى عنهم، ولا بُد أن تعلم يقينًا أنَّ الكثير من العطايا لن ينالها العبد بقوته واجتهاده، وإنّما بصفاء النيّة، وحُسن الطويّة!".

[rahafhassan3ali]

أول مرة عملت اكونت على تمبلر اللي بالمناسبة هو أكونتي ده، كنت في تانية إعدادي

يعني الأكونت عمره فوق ال١٣ سنة تقريبًا

دلوقتي أنا بقيت زوجة وأم كمان 🤔 إزاي الوقت بيعدي كدة

[alaawarda]

'اللهم إني لا أصلحُ للفقر، ولا يصلح الفَقر لي، اللهم أغنني من فضلك حتى أكون دائمًا غنيًا مُستغنيًا مُنفقًا مُكتفيًا."

[rahafhassan3ali]

محتاجة استشارة بكل حيادية

كنت عايزة أقول إن في صديقة لشريك حياتي كان يعرفها قبلي بأربع سنين بالمناسبة، بعد ما أنا وهو ارتبطنا هي أصرت على أنها لازم تفضل موجودة بنفس الشكل اللي كانت فيه في حياته بل وأكتر

وأصبحت بتتعمد تتصل في أوقات متأخرة وتتكلم بالساعات لدرجة إن ده كان بياخد جزء كبير من وقتنا الفاضي مع بعض

وكل ما كنت بقوله إنت ليه مش بتقلل العلاقة دي كان بيقولي إنه محرج ومش عارف يعمل كدة عشان ميجرحش مشاعرها وبالممناسبة برضو هي أكبر مني بتسع سنين

وهي الشخص الوحيد اللي مباركلوش بأي شكل من الأشكال على علاقتنا ولا حاولت حتى تتعرف عليا بالصدفة

فأنا للأسف بكل غباء ( عارفة أني غلطت ) فكرت إني لو رحت كلمتها يبقى أنا كدة بشيل عنه الإحراج و هعرف أوصلها الموضوع بطريقة لطيفة

وبعد ما كلمتها و وضحت لها إن علاقتنا كانت هتنتهي كذا مرة بسبب قرب علاقتهم ببعض وإنها تحاول تخلي العلاقة أكثر سطحية وإني معنديش مانع تفضل موجودة بس بشكل مختلف شوية وتحاول أن الطلب ده يبقى بيني وبينها كأخت و أخت عشان ميحصلش بيني وبينه مشاكل وقالتلي ده حقك و أكيد واللي أنتي شايفاه

فهي عملت لي بلوك و قعدت تعيط له و تشتكي له إني إزاي شخصية حقيرة وأكلمها أقولها كدة

وبعد كل ده وبعد ما عدى ست شهور عالمشكلة دي.. وقلت خلاص مش هتكلم فيها تاني أنا ممكن أكون غلطت بس أكيد هي هيكون عندها ذرة دم وهتقلل كلام شوية

لكن للأسف امبارح اكتشفت أنها بقت بتتكلم أكتر وبتتصل أكتر و حاجات كتير أكتر من الأول

وبجد أنا مجروحة منه بس في نهاية الموضوع توصلت إن المشكلة مكانتش فيها المشكلة كانت فيه هو

وإن الشخص لو مش عايز يقلل علاقته بحد مش هتقل طول ما الطرفين بيبادروا فيها والعكس صحيح لو هو كان خد جنبك هي أكيد كانت هتمشي بالتدريج

فابتديت أحس أني بفقد شغفي و بنطفي و ثقتي فيه اتدمرت وبجد أنا حاسة إني مش قادرة أتجاوز الأحساس ده لدرجة أني عاوزة أمشي

ممكن رأيكم؟

[rahafhassan3ali]

كنت عايزة أقول إني انتصرت وتخلصنا منها من حياتنا الحمدلله 💕

[rahafhassan3ali]

محتاجة استشارة بكل حيادية

كنت عايزة أقول إن في صديقة لشريك حياتي كان يعرفها قبلي بأربع سنين بالمناسبة، بعد ما أنا وهو ارتبطنا هي أصرت على أنها لازم تفضل موجودة بنفس الشكل اللي كانت فيه في حياته بل وأكتر

وأصبحت بتتعمد تتصل في أوقات متأخرة وتتكلم بالساعات لدرجة إن ده كان بياخد جزء كبير من وقتنا الفاضي مع بعض

وكل ما كنت بقوله إنت ليه مش بتقلل العلاقة دي كان بيقولي إنه محرج ومش عارف يعمل كدة عشان ميجرحش مشاعرها وبالممناسبة برضو هي أكبر مني بتسع سنين

وهي الشخص الوحيد اللي مباركلوش بأي شكل من الأشكال على علاقتنا ولا حاولت حتى تتعرف عليا بالصدفة

فأنا للأسف بكل غباء ( عارفة أني غلطت ) فكرت إني لو رحت كلمتها يبقى أنا كدة بشيل عنه الإحراج و هعرف أوصلها الموضوع بطريقة لطيفة

وبعد ما كلمتها و وضحت لها إن علاقتنا كانت هتنتهي كذا مرة بسبب قرب علاقتهم ببعض وإنها تحاول تخلي العلاقة أكثر سطحية وإني معنديش مانع تفضل موجودة بس بشكل مختلف شوية وتحاول أن الطلب ده يبقى بيني وبينها كأخت و أخت عشان ميحصلش بيني وبينه مشاكل وقالتلي ده حقك و أكيد واللي أنتي شايفاه

فهي عملت لي بلوك و قعدت تعيط له و تشتكي له إني إزاي شخصية حقيرة وأكلمها أقولها كدة

وبعد كل ده وبعد ما عدى ست شهور عالمشكلة دي.. وقلت خلاص مش هتكلم فيها تاني أنا ممكن أكون غلطت بس أكيد هي هيكون عندها ذرة دم وهتقلل كلام شوية

لكن للأسف امبارح اكتشفت أنها بقت بتتكلم أكتر وبتتصل أكتر و حاجات كتير أكتر من الأول

وبجد أنا مجروحة منه بس في نهاية الموضوع توصلت إن المشكلة مكانتش فيها المشكلة كانت فيه هو

وإن الشخص لو مش عايز يقلل علاقته بحد مش هتقل طول ما الطرفين بيبادروا فيها والعكس صحيح لو هو كان خد جنبك هي أكيد كانت هتمشي بالتدريج

فابتديت أحس أني بفقد شغفي و بنطفي و ثقتي فيه اتدمرت وبجد أنا حاسة إني مش قادرة أتجاوز الأحساس ده لدرجة أني عاوزة أمشي

ممكن رأيكم؟

[rahafhassan3ali]

في نوع من أنواع الخذلان اسمه الخذلان الصامت، حاجة كدة بتحصل بتكون بكل هدوء لكن مؤلمة أشد الألم

لما تحس إنك مش كفاية بسبب تصرف بسيط شريك حياتك عمله ممكن يكون مش واخد باله أصلًا إنه أثر عليك نفسيًا بالشكل ده وفي نفس الوقت إنت مش عارف تعاتب أصل هتقول إيه؟ في حاجات كدة مبنعرفش نعبر عنها هو ده بقى الخذلان الصامت

[bundu2]

الشخص الذي كنتُ أخشى عليهِ ألم شَوكة ، سمعتُ صليل سَيفهُ يتدفق إلى قلبي ..

[marwa-el-zeiny]

"لعل ضلعا أخيرًا في القلب يجب أن ينكسر لتعرف سَكِينة التسليم."

راقية جلال الدويك

[rahafhassan3ali]

سؤال للنقاش، متى يكون للخيانة مبرر؟ ولا عمر ما يكون ليها مبرر!؟

[rahafhassan3ali]

عارف لما تخاف تمشي عشان مش قادر تبدأ من أول وجديد مع حد تاني؟ بس في نفس الوقت انت مشيت قبل كدة وبدأت مع حد تاني من أول وجديد عادي مكانتش معجزة

[rahafhassan3ali]

حد يقولي إزاي الواحد يحافظ على سلامته النفسية في أجواء الحرب؟ إزاي أشوف مشاهد الظلم دي وأشوف ناس بتتعذب وأطفال بتتيتم وأعرف أتعايش؟

[path2islam]

[rahafhassan3ali]

الحب غير مثالي بطريقة مثالية..

دائمًا يجعلنا الحب في أتعس لحظات الحزن وأكثرهم فرحًا

[rahafhassan3ali]

أكتر حاجة مؤلمة تمر على الإنسان إنه حد قريب منّه يستغل سر أو نقطة ضعف أو موقف أثر فيه ويستعمله ضده في خناقة أو مشكلة

أنت كدة بتبني حاجز بينك وبين اللي قدامك إنه يبطل يستأمنك أو يعتبرك الملاذ الآمن ويخاف كمان من خصامك

فقدان الشعور بالأمان والصدمة الناتجة عن الموقف ده من أصعب المشاعر اللي ممكن يمر بيها الشخص

أتمنى من كل شخص ياخد باله من كلامه وقت الخصام والزعل عشان مفيش حاجة بتتنسي

[i-her]

[rahafhassan3ali]

كيف للإنسان أن يشفي نزيفَ قلبه، أن يتخلص من مشاعر الحزن قبل أنا يموت مِنها؟