صديقة البحر

عالمي الخاص

[sade2t-alba7r]

اللي متابعني من زمان عارف أد ايه بحب الاقتباسات

وتقريبًا الأكونت مليان اقتباسات قريتها وحبيتها وعشان كده عملت كمان تيكتوك وقناة يوتيوب هيكون عليها اقتباسات اقتباسات قصيرة أو اقتباسات كاملة من كتب بقرأها

فتابعني لو بتحب الاقتباسات والقراءة ^_^

قناتي على اليوتيوب: Iqtbas قناتي على التيك توك: iqtbasaty

@iqtbasaty

[sade2t-alba7r]

‏إياكم و الـ high expectations. 😌

[sade2t-alba7r]

ابدأ يومك بهدوء

مش لازم كل حاجة تتحل انهارده ☕

[sade2t-alba7r]

لا تساعد الرياح قاربًا لا هدف له

ولو ما اتحكمتش في القارب كويس

حتى لو عارف هدفه

نفس الرياح اللي كانت هتساعده

ممكن تغرقه

أو تتوهه

وأنا هنا مش بتكلم عن القارب 😌

[sade2t-alba7r]

لو رتّبت الدوشة اللي جواك، حياتك ممكن تتغير 💭

إيه أكتر حاجة محتاجة ترتيب جواك دلوقتي؟

[sade2t-alba7r]

الفرص لا تأتي لمن لا يستحقها..

[sade2t-alba7r]

نقدر نقول ان أكتر مورد نقدر نقول عليه متجدد في الوقت الحالي، هو الدخل السلبي بأنواعه.. لو عرفت تعمله صح.. هتوصل لنتايج أحسن مما تتخيل 😌

#أغنى_رجل_في_بابل

#قراءة

#اقتباس

[sade2t-alba7r]

شهر جديد ونعتبرها رسالة 😌

[sade2t-alba7r]

﴾ وَفِي السَّمَاءِ رِزْقُكُمْ وَمَا تُوعَدُونَ ﴿

[teuba]

‏لا تصنع سيناريو الفرج، دعِ الله يتولّى زمام الأمور.. من كانَ يتصوّر أنّ فرج أصحاب الكهفِ هو النّوم؟ ومن كانَ يتصوّر أنّ فرج يوسُف عليه السلام كان برؤيا يُفسّرها في سجنهِ وبها صار وزيرًا؟

[sade2t-alba7r]

أوقات كتير بنبقى واقفين…

مش عارفين المفروض نعمل إيه

ولا إحنا متميزين في إيه فعلًا.

نلف كتير حوالين نفس الأسئلة،

ونجرب حاجات،

ونسيب حاجات.

لحد ما في لحظة بسيطة،

حد يقول جملة،

أو موقف صغير يحصل،

فينوّر نقطة في دماغك…

تخليك تشوف نفسك أوضح.

وتفتكر إنك طول الوقت

كنت قريب من الحاجة دي،

بس ما كنتش واخد بالك.

يمكن الإشارة دي تيجي من برّه،

لكن الإجابة كانت جواك من زمان.

#رحلة_تعلم

#حدوتة_قديمة_مستمرة

[sade2t-alba7r]

تصدقوا…

أنا ما كنتش أعرف معنى الكلمة دي بجد.

"يقيني بالله، يقيني".

كنت بستغربها

وأحسبها مجرد تكرار للتأكيد.

لحد ما فهمت إن المعنى أعمق من كده بكتير.

يقيني الأولى: اليقين بالله.

يقيني التانية: جاية من الوقاية.

يقيني بالله

هو اللي بيقيني من كل حاجة…

وأي حاجة.

وهذا لو تعلمون عظيم 🤍

[sade2t-alba7r]

في لحظات

بنفتكر إننا لوحدنا…

بس الحقيقة إن ربنا أقرب مما إحنا متخيلين.

يقيني بالله

مش إن كل حاجة هتمشي زي ما أنا مخططة،

لكن إن حتى لو ما مشيتش

فأنا مش ضايعة.

يقيني بالله

إن في حكمة

وفي وقت

وفي لطف مش باين دلوقتي

بس جاي.

يمكن أزعل

يمكن أحتار

يمكن أضعف شوية

بس عمري ما أبقى من غير سند.

يقيني بالله… يقيني. 🤍

[sade2t-alba7r]

أكتر حاجة اتحطّينا فيها الفترة الأخيرة

إن علشان نعمل حاجة… لازم نخرج من كل حاجة.

دايمًا نسمع:

اخرج برّه منطقة الراحة

اخرج برّه الصندوق

بس ليه أخرج أصلًا؟

ليه ما أعملش اللي أنا عايزه وأنا مرتاح؟

مش يمكن ده يقلّل التوتر والضغط،

وما يرجّعنيش لقوقعتي أسرع؟

وبعدين…

ليه أطلع برّه الصندوق

وأنا ما دورتش جواه أصلًا؟

مش يمكن ألاقي جواه حاجة تهمّني،

حاجة بحبها،

حاجة أنا شاطر فيها؟

وساعتها…

أخرج بيها فعلًا،

وأعمل حاجة مختلفة بجد،

مش لمجرّد إنها تفرقع

وأنا مش عارف أكمّل فيها ولا لأ.

يمكن قبل ما نخرج من أي حاجة

نحتاج ندور جوّه كويس…

مش يمكن نلاقي؟

[sade2t-alba7r]

مش كل خروج من الصندوق شجاعة…

أحيانًا الشجاعة إنك تقعد شوية وتدور جواك الأول.

[mozon11]

أنا لا أكرههم، أنا فقط اشعر بتحسن عندما لا يكونوا موجودين حولي.

[sade2t-alba7r]

أكتر حاجة محتاجين نركز عليها عامة بعيدًا عن بداية سنة جديدة أو حتى شهر جديد هي

« سيطرة المود أو الحالة المزاجية»

سيطرتها على حياتنا عامة وعلى الشغل وتنفيذ اللي عايزين نعمله خاصة..

الحياة مابقتش سهلة، وبدل الحاجة اللي تضايق هتلاقي عشرة.. وكل موقف وكل كلمة هنتأثر بيها.. طب وبعدين؟

يوم ورا يوم واحنا زي ما احنا.. مهما خططنا ومهما حاولنا مفيش حاجة هتتنفذ.

لا تقولي vision board ولا نوت جديدة ولا اي حاجة هتنفع طول ما احنا بنقف على كل حاجة كبيرة او صغيرة

لازم نستعين بالله ونكمل مهما كان مزاجنا عامل ازاي.. يمكن انجاز صغير في يومك يكون سبب انك تخرج من المود ده اصلا..

من حقنا نزعل ونضايق..ومن حقنا نفصل ونريح قلوبنا من القهر والزعل بس مش من حقنا نستسلم ♥