إيه الحكمة من ربنا تحب حد وهو ميحبكش أو إيه الحكمة تفضل تتوجع في غياب حد وهو ممكن مكمل حياته أو أقوي منك كفاية يسكيب عليك ولا كإنك عديت في عمره إيه الفكرة في وجع شخص يتعذب ويفضل حزين وواقف عند نقطه في حياته معينه شابفها غالية في حين ممكن او غالبا الطرف التاني ممكن يكون نسي ملامحك اصلا ويمكن إسمك وبردو دا بالنسبالي زي الفقد في الموت دا ملوش علاقة بقوة شخص دا ليه علاقة بإن في ناس مبتعرفش تتجاوز حبها حتي لو هي اتنست وإتمسحت بأستيكة زي ما أصلا صدقوا تمشي أو يتصرفوا تصرفات تجبرك للخطوة دي من كتر ما في تعمد لكسر خاطرك ليه في حد يحب كل يوم يشوف صور حد وتريحه وهو مشي ويفتكر كل حاجة حلوة رغم ان دا وجعه ليه أصلا دا يفضل جوا القلب ولو علي القوة ف القوة في الكرامة مش في دي خالص دي بجد مش بإيد حد عارف لما تبقي عايز تكلم ربنا وتقوله ليه طيب لو زعلتك سامحني وارفع الحب دا طالما مش ليا انا السؤال اللي بيدور جوايا ليه أصلا لما مش هنكمل مع حد ليه ربنا يحطه في طريقنا ليه حد يتوجع وحد أقوي فيتجاوز وحد سنينه اللي راحت واللي جت باظت وانتهت بجد مش مجرد كلام ....وهيفضل السؤال دا هو أصلا كان جوايا من زمان لما كنت بشوف صحابي يتوجعوا خوفت أحب وانا صغيره لحد ما خلصت جامعتي ويوم ما قررت كان بعقل وبردو فشلت جدا ويوم ما حبيت بقلبي فشلت بردو لكن للأسف كنت كبيره مش حد طايش ففهمت يعني ايه وجع علي كبر بنضج فكل حاجة مضاعفه اوي بس لما بتتأكد إن دا حب حياتك وفشل فمش بيكون وجع عادي علشان مش هتعرف تدخل بعده تاني حتي لو هو مشافكش أصلا بنفس القدر دا بس بحس ليها علاقه بالوفاء لقلبك انه قرر قرار كبير اوي وحب حب كبير اوي كنت بتدور عليه ولقيته بس هو انت للي حبيته مش كدا اه الحب درجات علي فكرا في ناس في حبها تحط الأولويه وتتعامل وفي ناس مبتشوفش وتتنازل لدرجة تتفهم ان ملهاش كرامة لكن القصة ان بتكرم قلبك بالحب دا جواه حتي لو صاحبه مش موجود اصلا فبتفضل تعبان اوي خصوصا لو نهايات حزينة 🥀
izzy806
prguitarman
turnnoffyourmind
dailybridgerton
theartofmadeline
titsay
