@shazi-1 - Tumblr Blog

Posts

اِس واسطے بھی دھیان مِرا رکھ رہی تھی وہ

شاید کہ وحشتوں سے مِری ڈر گئی تھی وہ

اِک روز اُس کہ پاس جو پہنچا میں دیر سے

اُس روز راستوں سے الجھ ہی پڑی تھی وہ

میں اُس کو ایک بار فقط دیکھتا تھا اور

سو بار خود کو آئینے میں دیکھتی تھی وہ

میرے لبوں سے دوسری نہ کوئی شے لگے

سِگرٹ سے اِس لیے بھی مجھے روکتی تھی وہ

سُنتے تھے لوگ سب ہی مجھے غور سے مگر

میں بولتا تھا اور مجھے دیکھتی تھی وہ ..

#poetry #urdu poetry #اردو شاعری #urdu stuff #اردو

shazi-1

When someone asks me " wo kon the , kesi the , kahan gae , kesy talash karain usy ? "

Then i say

ڈھونڈو گے کہاں اُس کو کچھ نقش بتاتا ہوں

کچھ خال ہیں عارض پر ، اِک ہونٹ پہ تِل ہو گا ..

(از قلم : شہباز)

#my poetry #Dil ki dil mein rahi baat na hony paai

Eid Mubarak 🌼

Khair mubarak .. Apko bhi bohat bohat Eid Mubarak ho

#thanks for the ask!#eid ul fitr #eid mubarak

shazi-1

‏لوگ ملتے ہیں زمانوں کا سکوں پاتے ہیں

تم میرا درد بڑھاتے ہو چلے جاتے ہو۔۔۔

#urdu shayari #urdulovers #urdu adab #urdu poetry #poetry

shazi-1

رمضان المبارک کے پہلے عشرہ کی دعا :

رَبِّ اغْفِرْ وَارْحَمْ وَأَنْتَ خَيْرُ الرَّاحِمِينَ

ترجمہ: اے میرے رب مجھے بخش دے، مجھ پر رحم فرما ، تو سب سے بہتر رحم فرمانے والا ہے۔

تمام اہلِ اسلام کو رمضان المبارک کی پہلی سحری مبارک ہو .. دعا میں ضرور یاد رکھیے گا .. جزاک ﷲ

#ramadan mubarak #رمضان المبارک #ramadan 2024

The sher in your header image, who is it by?

اصل شعر کچھ ایسے ہے

دلِ مرحوم کو خدا بخشے

ایک ہی غم گسار تھا نہ رہا

(فانی بدایونی)

خیر دونوں طرح سے شعر درست ہے ..

#thanks for the ask!#ask #urdu poetry #اردو شاعری #poetry

نظم : ہراس

تیرے ہونٹوں پہ تبسم کی وہ ہلکی سی لکیر

میرے تخئیل میں رہ رہ کے جھلک اٹھتی ہے

یوں اچانک ترے عارض کا خیال آتا ہے

جیسے ظلمت میں کوئی شمع بھڑک اٹھتی ہے

تیرے پیراہنِ رنگیں کی جنوں خیز مہک

خواب بن بن کے مرے ذہن میں لہراتی ہے

رات کی سرد خموشی میں ہر اک جھونکے سے

تیرے انفاس ترے جسم کی آنچ آتی ہے

میں سلگتے ہوئے رازوں کو عیاں تو کر دوں

لیکن ان رازوں کی تشہیر سے جی ڈرتا ہے

رات کے خواب اجالے میں بیاں تو کر دوں

اِن حسیں خوابوں کی تعبیر سے جی ڈرتا ہے

تیری سانسوں کی تھکن تیری نگاہوں کا سکوت

در حقیقت کوئی رنگین شرارت ہی نہ ہو

میں جسے پیار کا انداز سمجھ بیٹھا ہوں

وہ تبسم وہ تکلم تری عادت ہی نہ ہو

سوچتا ہوں کہ تجھے مل کے میں جس سوچ میں ہوں

پہلے اُس سوچ کا مقسوم سمجھ لوں تو کہوں

میں ترے شہر میں انجان ہوں پردیسی ہوں

تیرے الطاف کا مفہوم سمجھ لوں تو کہوں

کہیں ایسا نہ ہو پاؤں مرے تھرا جائیں

اور تری مرمریں بانہوں کا سہارا نہ ملے

اشک بہتے رہیں خاموش سیہ راتوں میں

اور ترے ریشمی آنچل کا کنارا نہ ملے

(ساحر لدھیانوی)

#sahir ludhianvi #urdu adab #poetry #urdu poetry #اردو شاعری #اردو #urdu stuff #اردو ادب #urdu literature #best poem

"بابا جی کھیت میں بھینس کو جوت کر ہل چلا رہا تھا اور چھپر میں بیل صاحب آرام فرما رہے تھے _ کسی سیانے کا گزر ہوا _

اس نے بابا جی سے پوچھا :

" یہ کیا تماشا ہے ؟

تم نے بیل کو چھپر کے نیچے باندھا ہے اور بھینس کو ہل میں جوت رکھا ہے ! "

بابا جی نے کہا :

" یہ بی بی شہر سے آئی ہے _ اس کی سہیلیوں نے اسے سمجھا کربھیجا تھا کہ دیہات میں مادہ جنس کو حقوق پورے نہیں ملتے ، لہذا تم پہلے ہی دن اپنے مالک سے اپنے حقوق کی بات کرنا _

اس نے مجھ سے مطالبہ کیا کہ مجھے بیل کے برابر حقوق چاہیں _"

میں نے کہا : " بیل تو ہل جوتتا ہے _"

اس نے کہا : " میں گھر میں قید ہو کر نہیں رہ سکتی _جو کام بیل کرتا ہے وہ میں بھی کر سکتی ہوں _"

چنانچہ میں نے اسے ہل جوتنے پر لگا دیا _ اب یہ خوشی خوشی کھیت میں بھی کام کرتی ہے اور دودھ بھی دیتی ہے _

بیل کے پاس کرنے کو کام نہیں ، لہذا وہ سارا دن چھپر میں آرام کرتا ہے اور بھینس کو مزید اپنے حقوق مانگنے پر اکساتا رہتا ہے _

عورت مارچ

#Happy late women's day #funny stuff #اردو #realistic

تمھارے کچھ بھی نہیں تھے، مگر تمھارے ساتھ

کسی کو دیکھا تو دل سے برا لگا ہم کو ..

#poetry #urdu poetry #اردو شاعری #اردو #urdu stuff #اردو ادب #urdu posts

کیوں بھید کُھلے لاچاری کا احسان بھی لیں دل داری کا

آنکھوں کو نہیں ہم کرتے نم ، پر دل میں سمندر رکھتے ہیں