Sisakalam @sisakalam - Tumblr Blog

हातमा 'शून्य': 'म' भन्दा भन्दै मधेशले बिर्सिएका मसिहाहरू

चर्को घाम, भित्तामा अडेस लागेका थकित अनुहार, अनि माथितिर झुन्डिइरहेको 'नतिजा: ०' को भव्य बोर्ड ! चित्रमा देखिएका यी अनुहार कुनै जमानाका मधेशका 'मसिहा' हुन्, जसलाई लाग्थ्यो– मधेश भनेकै उनीहरू हुन् र उनीहरू भनेकै मधेश हुन् । तर, ०८२ सालको चुनावमा जेनजी आन्दोलनपछिको छालले यस्तो आँधी ल्याइदियो, जसले मधेशका ठेकेदारसापहरूलाई सिंहदरबारको छिँडीबाट सिधै सडकको धुलोमा पछारिदिएको छ ।

#current affairs #जल्दोबल्दो #राजनीतिक कार्टून

छुमन्तरी नेतृत्व र भान्साको रित्तो सिलिन्डर !

देशमा भर्खरै एउटा ठूलो राजनीतिक भूकम्प गएको छ। अस्ति भर्खरका सडक आन्दोलनहरूमा देखिएको युवा पुस्ताको त्यो जब्बर जोसले यसपालि ब्यालेट बक्समै आँधी ल्याइदियो। रास्वपाको झन्डै दुई तिहाइ बहुमत र बालेन शाहको सिंहदरबार यात्रा अब चियापसलको गफ रहेन, यथार्थ बन्यो। तर, यो ऐतिहासिक उथलपुथल सँगसँगै हाम्रो समाजमा एउटा नयाँ मनोवैज्ञानिक रोगले पनि महामारीको रूप लिएको छ— 'अब त बालेन प्रधानमन्त्री भइहाले, मेरो घरको ग्यास किन सकियो ?'

नयाँ पत्रिका, २०८२/११/१

हो, चुनाव जित्नु र सरकार चलाउनु एउटै कुरा होइन भन्ने बुझ्न हामीलाई अलि गाह्रै पर्छ। हाम्रो मनोविज्ञान कस्तो भइसक्यो भने, नयाँ सरकारले शपथ नलिँदै इन्डियन आयल कर्पोरेसनले पाइपलाइन सिधै हाम्रो भान्साको चुल्होमा जोडिदिनुपर्छ। बालेन प्रधानमन्त्रीको उम्मेदवार बन्नेबित्तिकै बिहान उठ्दा धारामा तातो पानी आफैँ आउनुपर्छ र बजारमा तरकारीको भाउ 'वाइफाइ' कै स्पिडमा घट्नुपर्छ!

#जल्दोबल्दो #राजनीतिक कार्टून #बालेन #रास्वपा #चुनाव

लकडाउन एक्सप्रेसन !