محبت کے نام

ﻣﺤﺒﺖ ! ﻣﺤﺾ ﺍﯾﮏ ﺩﻭﺳﺮﮮ ﮐﯽ ﻃﺮﻑ ﺩﯾﮑﻬﻨﮯ ﮐﺎ ﻧﺎﻡ ﻧﮩﯿﮟ ﮨﮯ، ﺑﻠﮑﮧ ﺍﯾﮏ ﮨﯽ ﺳﻤﺖ ﻣﯿﮟ ﺩﯾﮑﻬﻨﮯ ﮐﺎ ﻧﺎﻡ ﮨﮯ، ﺟﮩﺎﮞ ﺩﯾﮑﻬﺎ، ﺑﺲ ﻭﮨﯿﮟ ﺩﯾﮑﻬﺎ !.. ﺟﺴﮯ ﭼﺎﮨﺎ، ﺑﺲ ﺍﺳﯽ ﮐﻮ ﭼﺎﮨﺎ !..ﺟﺴﮯ ﺳﻮﭼﺎ، ﺑﺲ ﺍﺳﯽ ﮐﻮ ﺳﻮﭼﺎ !..ﺟﺲ ﺳﮯ ﻣﺤﺒﺖ ﮐﯽ، ﺑﺲ ﺍﺳﯽ ﺳﮯ ﻣﺤﺒﺖ ﮐﯽ !.. ﺳﻤﺘﯿﮟ ﺑﺪﻟﻨﮯ ﻭﺍﻟﮯ ﺭﺍﮨﯿﮟ ﺑﺪﻟﻨﮯ ﻭﺍﻟﮯ ﺟﺰﯾﺮﮮ ﺑﺪﻟﻨﮯ ﻭﺍﻟﮯ ﺟﮕﮧ ﺟﮕﮧ ﭘﮍﺍﻭ ﮈﺍﻟﻨﮯ ﻭﺍﻟﮯ ﻣﺤﺒﺖ ﮐﮯ ﺭﻣﻮﺯ ﺑﻬﻼ ﺳﻤﺠﮫ ﺳﮑﺘﮯ ﮨﯿﮟ؟ﻣﺤﺒﺖ ﺍﺑﺪﯾﺖ ﮐﺎ ﻋﻠﻢ ﮨﮯ !..ﯾﮧ ﻭﻗﺖ ﮐﮯ ﮨﺮ ﺍﺣﺴﺎﺱ ﮐﻮ ﺧﻠﻂ ﻣﻠﻂ ﮐﺮﺩﯾﺘﺎ ﮨﮯ ﺁﻏﺎﺯ ﮐﯽ ﮨﺮ ﯾﺎﺩ ﻣﭩﺎ ﮈﺍﻟﺘﺎ ﮨﮯ !..ﺍﻭﺭ ﺍﻧﺠﺎﻡ ﮐﮯ ﮨﺮ ﺧﻮﻑ ﮐﻮ ﺧﺘﻢ ﮐﺮ ﺩﯾﺘﺎ ﮨﮯ

[srfash]

چلے تو کٹ ہی جائے گا سفر آہستہ آہستہ

چلے تو کٹ ہی جائے گا سفر آہستہ آہستہ ہم اس کے پاس جاتے ہیں مگر آہستہ آہستہ

ابھی تاروں سے کھیلو چاند کی کرنوں سے اٹھلاؤ ملے گی اس کے چہرے کی سحر آہستہ آہستہ

دریچوں کو تو دیکھو چلمنوں کے راز تو سمجھو اٹھیں گے پردہ ہائے بام و در آہستہ آہستہ

زمانے بھر کی کیفیت سمٹ آئے گی ساغر میں پیو ان انکھڑیوں کے نام پر آہستہ آہستہ

یوں ہی اک روز اپنے دل کا قصہ بھی سنا دینا خطاب آہستہ آہستہ نظر آہستہ آہستہ

[srfash]

یہ غم کیا دل کی عادت ہے نہیں تو

یہ غم کیا دل کی عادت ہے نہیں تو کسی سے کچھ شکایت ہے نہیں تو

کسی کے بن کسی کی یاد کے بن جیئے جانے کی ہمت ہے نہیں تو

ہے وہ اک خواب بے تعبیر اس کو بھلا دینے کی نیت ہے نہیں تو

کسی صورت بھی دل لگتا نہیں ہاں تو کچھ دن سے یہ حالت ہے نہیں تو

ترے اس حال پر ہے سب کو حیرت تجھے بھی اس پہ حیرت ہے نہیں تو

ہم آہنگی نہیں دنیا سے تیری تجھے اس پر ندامت ہے نہیں تو

ہوا جو کچھ یہی مقسوم تھا کیا یہی ساری حکایت ہے نہیں تو

اذیت ناک امیدوں سے تجھ کو اماں پانے کی حسرت ہے نہیں تو

تو رہتا ہے خیال و خواب میں گم تو اس کی وجہ فرصت ہے نہیں تو

سبب جو اس جدائی کا بنا ہے وہ مجھ سے خوبصورت ہے نہیں تو

[srfash]

حادثہ بن کہ کوئی خواب بکھر جائے تو کیا ہو وقت جذبات کو تبدیل نہیں کر سکتا دور ہو جانے سے احساس نہیں مر سکتا یہ محبّت ہے دلوں کا رشتہ…

یہ محبّت ہے دلوں کا رشتہ ایسا رشتہ جو زمینوں کی طرح سرحدوں میں کبھی تقسیم نہیں ہو سکتا

تو کسی اور کی راتوں کا حسین چاند سہی میری دنیا کے ہر رنگ میں شامل تو ہے تجھ سے روشن ہیں مرے خواب میری امید میں کسی بھی راہ سے گزروں میری منزل تو ہے میری منزل تو ہے صرف تو

[srfash]

طلب ایسی کہ بس گیا وہ دل و جاں میں

 نصیب ایسا کہ میسر دیدار بھی نہیں۔۔۔

[srfash]

[srfash]

‏سرد موسم مجھے نہیں بھاتا

‏اُس کے لہجے کی یاد آتی ھے

[srfash]

دل کی باتیں پوچھنے کی ضد ہے آخر کس لئے ؟ دل ہی دل میں خود سمجھ لو، جو ہمارے دل میں‌ہے​

[srfash]

‏ایک تصویر کو کمرے میں سجانے کے لیے

‏ایک تصویر ہٹانے میں بڑی دیر لگی !!

[srfash]

نہ ہوا نصیب قرار جاں ہوس قرار بھی اب نہیں

ترا انتظار بہت کیا ترا انتظار بھی اب نہیں

تجھے کیا خبر مہ و سال نے ہمیں کیسے زخم دیے یہاں

تری یادگار تھی اک خلش تری یادگار بھی اب نہیں

نہ گلے رہے نہ گماں رہے نہ گزارشیں ہیں نہ گفتگو

وہ نشاط وعدۂ وصل کیا ہمیں اعتبار بھی اب نہیں

رہے نام رشتۂ رفتگاں نہ شکایتیں ہیں نہ شوخیاں

کوئی عذر خواہ تو اب کہاں کوئی عذر دار بھی اب نہیں

کسے نذر دیں دل و جاں بہم کہ نہیں وہ کاکل خم بہ خم

کسے ہر نفس کا حساب دیں کہ شمیم یار بھی اب نہیں

وہ ہجوم دل زدگاں کہ تھا تجھے مژدہ ہو کہ بکھر گیا

ترے آستانے کی خیر ہو سر رہ غبار بھی اب نہیں

وہ جو اپنی جاں سے گزر گئے انہیں کیا خبر ہے کہ شہر میں

کسی جاں نثار کا ذکر کیا کوئی سوگوار بھی اب نہیں

نہیں اب تو اہل جنوں میں بھی وہ جو شوق شہر میں عام تھا

وہ جو رنگ تھا کبھی کو بہ کو سر کوئے یار بھی اب نہیں

[srfash]

‏وصل تو کیا، نہیں نصیب ہمیں

‏اب تمہارا فراق تک جاناں

[srfash]

آوارگی میں حد سے گزر جانا چاہیے

لیکن کبھی کبھار تو گھر جانا چاہیے

اس بت سے عشق کیجیے لیکن کچھ اس طرح

پوچھے کوئی تو صاف مُکر جانا چاہیے

مجھ سے بچھڑ کے ان دنوں کس رنگ میں ہے وہ

یہ دیکھنے رقیب کے گھر جانا چاہیے

جس شام شاہزادی فقیروں کے گھر میں آئے

اُس شام وقت کو بھی ٹھہر جانا چاہیے

ربِّ وصال، وصل کا موسم تو آچکا

اب تو مرا نصیب سنور جانا چاہیے

جب ڈوبنا ہی ٹھہرا تو پھر ساحلوں پہ کیوں

اس کے لیے تو بیچ بھنور جانا چاہیے

بیٹھے رہو گے دشت میں کب تک حسن رضا

پاؤں میں جاگ اٹھا ہے سفر جانا چاہیے

[srfash]

کبھی کبھی ایسا ہوتا ہے کہ جس انسان کی خوشی کے لئے اّپ بڑی شدّت کے ساتھ دعا کرتے ہیں اس کی خوشیوں میں اّپ خود سب سے بڑی رکاوٹ ہوتے ہیں۔ اور اگر اللہ اّپ کی دعا قبول کر کے اّپ کو اس شخص سے دور کر دے تا کہ اسے خوشی دی جا سکے، تو پھر اللہ سے کیسا شکوہ، کیسی شکایت

[srfash]

کتنا آساں تھا ترے ہجر میں مرنا جاناں​ پھر بھی اک عمر لگی جان سے جاتے جاتے​

[srfash]

تم سے الفت کے تقاضے نہ نباہے جاتے​ ورنہ ہم کو بھی تمنا تھی کہ چاہے جاتے​ ​ دل کے ماروں کا نہ کر غم کہ یہ اندوہ نصیب​ زخم بھی دل میں نہ ہوتا تو کراہے جاتے​ ​ ہم نگاہی کی ہمیں خود بھی کہاں تھی توفیق​ کم نگاہی کے لیے عذر نا چاہے جاتے​ ​ ​ کاش اے ابرِ بہاری! تیرے بہکے سے قدم​ میری امید کے صحرا بھی گاہے جاتے​ ​ ​ ہم بھی کیوں دہر کی رفتار سے ہوتے پامال​ ہم بھی ہر لغزش مستی کو سراہے جاتے​ ​ لذت درد سے آسودہ کہاں دل والے​ ہے فقط درد کی حسرت میں کراہے جاتے​ ​ دی نہ مہلت ہمیں ہستی نے وفا کی ورنہ​ اور کچھ دن غم ہستی سے نبھائے جاتے​

[srfash]

‏تسلی بھی اسے دینا ، یہ ممکن ہے میں لوٹ آؤں

مگر یہ بھی اسے کہنا ، غلط فہمی میں مت رہنا

[srfash]

دل کی بساط کیا تھی نگاہ جمال میں

اک آئینہ تھا ٹوٹ گیا دیکھ بھال میں

دنیا کرے تلاش نیا جام جم کوئی

اس کی جگہ نہیں مرے جام سفال میں

آزردہ اس قدر ہوں سراب خیال سے

جی چاہتا ہے تم بھی نہ آؤ خیال میں

دنیا ہے خواب حاصل دنیا خیال ہے

انسان خواب دیکھ رہا ہے خیال میں

اہل چمن ہمیں نہ اسیروں کا طعن دیں

وہ خوش ہیں اپنے حال میں اہم اپنی چال میں

سیمابؔ اجتہاد ہے حسن طلب مرا

ترمیم چاہتا ہوں مذاق جمال میں

[srfash]

جان لیوا تھیں خواہشیں ورنہ

وصل سے انتظار اچھا تھا