#1:22

[purewasteland]

i was dying inside.

[tudorgirl]

[goldenpinof]

same

[1-1-s1ay-2-2]

1:22 angel number! 😇

[b17ch-b01]

1am BAGLE LETS GO BOIS!!!

[vanilla-diaries]

وأنا بقرأ في كتاب الفصل بين النفس والعقل بفكر في إني للأسف بحس إني مش عارفة نفسي معرفة جيدة ويمكن ده هو اللي خالق التشتت الكبير اللي جوايا وإرادة أكتر من حاجة في نفس الوقت والشعور الدايم بإن الوقت قصير ومش هيكفي وبالتالي ببعد عن حاجات كتير أو مبلحقش أوصل لآخر طريقها.

بس في جزء "مؤثرات النفس وطبيعتها" استنتجت إن كنت بكون صح في حاجات تانية، وإنه فعلًا بثبت لعقلي إني أكثر إدراكًا وحكمة لما تكون في حاجة شغلاني أو حاجة عايزة أعملها جدًا بس أقعد شوية مع نفسي أفكر في أبعاد الموضوع وأبعد عنه لما ألاقيه مش صح رغم إني بيكون نفسي فيه جدًا ومن السهل الواحد يضحك ع نفسه بأي مُبررات، والكاتب ناقش ده ووضح إن الإنسان لما بيكون عارف الحد الفاصل بينهم بيعرف يتحكم، العقل لما بيكون عارف إن الشيء ده غلط ويعمله نفسه بتكون مُتمكنة منه لدرجة كبيرة ولو اتبع هوى نفسه بيكون أول الطريق لإلغاء عقله وبالتالي تحويل حياته إلى حياة وفقًا لرغباته وشهواته دون أدنى مُجاهدة!

الصراع الدايم بين العقل والنفس هو اللي بيخلي الإنسان مُتحكم في حياته حتى لو النفس ضلَّت شوية فمسيرها ترجع للطريق الصح التاني مادام العقل لسه موجود وبيفكر أما لو النفس تمكنت تمامًا من العقل هتصوره كل اللي عيزاه بل وتزينه وتسهله ليه وبالتالي تخليه يكون بيفكر بس على هواها لأنها خلته أعمى.

مُجاهدة النفس مش سهلة وليست بالأمر الهيّن خصوصًا في حياتنا دلوقتي، كتير من الأمور اللي ممكن نلاقيها مُباحة بشكل واسع فتخلي نفسك توزك وتقول "هي جت عليا يعني؟" ويكون قدامك طريقين ياتعمل الحاجة دي وبعدين تفضل تبرر مدى كونها مُباحة، أو تجرب وترجع تندم أو تاخد الطريق من قُصره وترجح استخدام عقلك وتتبع بصيرتك ومتجربش الحاجة دي خالص وهنا هتكون وصلت لأعلى نقطة من جهاد النفس، لكن حتى لو جربت ورجعت ندمت فنوع نفسك هنا هتكون "نفس لوامة" والنفس اللوامة من أحسن النفوس لأنها دايمًا في صراع وتأنيب لو عملت حاجة غلط.

النقطة هنا والأهم إن كل واحد لازم يعرف نفسه وهواها، والحد الفاصل بين النفس والعقل يعني ميضغطش على نفسه ويكبتها وبالتالي النفس هتحس بضيق وتذمر، وفِي نفس الوقت ميتبعش هوى نفسه للدرجة اللي تخليه فيها ميستخدمش عقله، والخبرة والتجاري هي اللي بتهيء للعقل دايمًا الاختيارات السليمة كل ما كان العقل يمتلك الخبرة والتجارب كل ماكان هيكون على قدرة على معرفة الحد بين نفسه وعقله، ليه؟

"لأن أكثر الناس فشلًا من يستخدم عقله وهو لا يعرف هوى نفسه."

وأخيرًا، لازم نحمد ربنا ع وجود النفس اللوامة.

[melbourneblues]

Visit Original Link

wait for it... just... wait.

[mystoryisalongone]

Team “Episode 22 still makes me cry”