#hakerat

[radiotelevizionishqiptar]

Biznese bëni kujdes! Ja tre këshillat si të ruheni nga hakerat.

Lexo të plotë www.rtsh.al

[radiotelevizionishqiptar]

Venezuelë: Sulm faqes së internetit të qeverisë

Lexo të plotë www.rtsh.al

[dardankrasniqi-blog]

Anonymous më sistem operativ të vetin!

Kohët e fundit grupi i hakerëve Anonymous ka vendosur për shkarkim në internet sistemin e vet operativ të quajtur Anonymous-OS. E gjithë vëmendja ka shkuar tek Sourceforge (faqja hostuese për shkarkime legale), që është paralajmëruar ta largoj këtë sistem operativ nga faqja e vetë.

Pas një shqyrtimi të kujdesshëm, ata kanë vendosur ta largojnë nga lista e softuereve shkarkues, për shkak se Anonymous është grup hakerësh dhe nuk mund të ju besohet deri në atë masë, dhe se është rrezik për sigurinë. Një arsye e largimit është edhe se zhvilluesi i sistemit operativ nuk ka publikuar kodin burimor për shqyrtim nga ekspertët.

Megjithatë, ky nuk është fundi i Anonymous OS, sepse Sourceforge ka përmendur se ata mund ta kthejnë përsëri në shkarkim, pas diskutimit të mëtejshëm më adminin e projektit. Tani për tani Anonymous OS është larguar nga faqja Sourceforge.net dhe ju nuk mund ta shkarkoni. Për më të rejat nga Anonymous OS, vizioni faqen zyrtare të Anonymous-OS./itshqip

(Shkruar nga Dardan Krasniqi për portalin itshqip.com)

[dardankrasniqi-blog]

Urime Pavarësia e Kosovës “Serbi”

Më 17 shkurt, në katër vjetorin e Pavarësisë së Kosovës, hakerat shqiptarë kanë thyer shumë uebfaqe serbe, duke vendosur flamurin kombëtar dhe mesazhe të ndryshme në indekset e tyre.

Hakerët shqiptarë kanë shkruar mesazhe në çdo uebfaqe të thyer.

Ju mendoni që Kosova nuk është ende e pavarur. E keni gabim, sepse Pavarësia e Kosovës është shpallur me 17 shkurt 2008. Mitrovicën nuk e shesim, Mitrovica është e jona si gjithmonë. Ne nuk duam paqe me ty, sepse unë urrej skllevër. Data e “17 Shkurtit” po afrohet për të bashkuar të gjithë shqiptarët. Amanet e kam prej shqipes ta ruaj vendin tim, kuq e zi e kom flamurin, e ruj n’mes t’zemrës tem.

Këto thyerje i kanë bërë grupet e hakerave KHG dhe ASC me antarët “cracKmasteR”, “dR.h4ck3R”, “Br3AcKeR”, “dR-ÈxpLøID”, “M4dSk1LLzz”, “ALB Niko”, “ProxyC3″, dhe “th3-cr4ck3r”./itshqip

(Shkruar nga Dardan Krasniqi për portalin itshqip.com)

[dardankrasniqi-blog]

Hakohet DreamHost!

Sipas një blog-posti, kompania DreamHost ka zbuluar një shkelje të sigurisë në njërin nga serverat e tyre, ku janë vërejtur edhe lëshime brenda databazës.

Me sa duket, shkelja e sigurisë ka ndodhur në muajin nëntor përmes magjistarit të instalimit të DreamHost. Pra, magjistari (ang. wizard), i cili mundëson instalimin e skripteve të ndryshme me një klikim si WordPress, Joomla, Drupal etj, ka komprementuar hoste të përdoruesve të ndryshëm, tha DreamHost.

CEO i DreamHost ka lëshuar deklaratën e mëposhtme:

“Sistemet tona gjithmonë kanë ruajtur fjalëkalimet dhe me vite të tëra nuk ka ndodhur ndonjë shkelje sigurie, por një haker kishte gjetur një vrimë në FTP/shell dhe fjalëkalimet i janë shfaqur në tryezë të gatshme, kjo u mundësua nga një databazë e harruar nga ne brenda FTP’së. Ne kemi konfirmuar tashmë se nuk ka ndonjë vjedhje të fjalëkalimeve tuaja. Dhe ne jemi duke hetuar me masa të mëtejshme për të garantuar sigurinë e fjalëkalimeve, duke përfshirë edhe opsione të reja gjatë identifikimit të përdoruesve në panelin adminstrues.”

Kompania ka këshilluar klientët e saj që të ndryshojnë fjalëkalimet. Nuk ka abuzime e as ndonjë raport nga ndonjë haker që dëshmon se fjalëkalimet e përdoruesve janë vjedhur./itshqip 

(Shkruar nga Dardan Krasniqi për portalin itshqip.com)