गर्मी बढेपछि कञ्चनपुरका दुई नगरपालिकामा विद्यालय बिहान सञ्चालन.
कञ्चनपुर, जेठ २०८३, कञ्चनपुरमा अत्यधिक गर्मी बढेसँगै दुई स्थानीय तहले विद्यालय सञ्चालन समय परिवर्तन गरेका छन्। विद्यार्थीको स्वास्थ्यमा असर पर्न सक्ने सम्भावनालाई ध्यानमा राख्दै कृष्णपुर र शुक्लाफाँटा नगरपालिकाले सामुदायिक तथा संस्थागत विद्यालयलाई बिहानी सत्रमा सञ्चालन गर्न निर्देशन दिएका हुन्।
नगरपालिकाका अनुसार केही दिनदेखि तापक्रम उच्च बनेपछि दिउँसोको समयमा कक्षा सञ्चालन गर्दा विद्यार्थीलाई समस्या हुन सक्ने देखिएको छ। त्यसैले अर्को सूचना जारी नभएसम्म विद्यालय बिहानको समयमा सञ्चालन गरिने जनाइएको छ।
स्थानीय तहहरूले विद्यालय प्रशासनलाई गर्मीबाट जोगिने आवश्यक सावधानी अपनाउन पनि आग्रह गरेका छन्। अत्यधिक गर्मीका कारण विद्यार्थीको स्वास्थ्य, पढाइ तथा दैनिक गतिविधिमा असर पर्न थालेपछि समय परिवर्तन गरिएको बताइएको छ।
© अनलाइन न्युज पोस्ट . 👍 सेयर गर्नुहोस् ताकि अरू पनि अपडेट रहुन् .
