#pagkawala

[as-clepius-m]

Hindi ako pilosopo, at lalong hindi kita pinipilosopo, kaya sana paniwalaan mo ako. Sana magkaroon ka ng oras na intindihin ako, katulad ng pagbibigay ko ng oras ko sayo, pero ‘wag mong isiping nanumnumbat ako, sadyang gusto ko lang sabihin ang nakakubli dito, dahil matagal ko nang tinatago ‘to. Simula pa lang nung unang magpakilala sayo. Pero ilang beses ko na palang nabanggit 'to sayo, hanggang ngayon ‘di mo pa rin pinapasin ang nararamdaman ko, hanggang ngayon ‘di pa rin ako ang pinili mo hanggang ngayon siya pa rin pala. At siya pa rin pala. Hanggang ngayon isa pa rin pala akong mistiko na walang sawang uma-asa sayo, kahit alam kong wala naman talagang pag-asa sayo, sa taong tulad mo na sobrang pa-asa, at ang hilig ay mag pa-asa. Masyado akong nakulong sa mga pangako ko noon, kaya pasensya. Ito na ang huling pagkakataon na mangangako ako sayo, pangako. Pangako susuko na ako, pakakawalan na kita, ito na ang huli ito na rin ang simula. Bagong simula. --S:04--

ac.m || Pinili natin ang isa’t isa.

[kremelie]

Nagbago Na Ang Lahat

Nagbago na ang lahat. Nagbago ka na. Nagbago na tayo. Pero hindi ko alam kung paano.

Nagising nalang ako na ang alon na dating malakas humampas ay humupa na at wala ng lakas.Nagising nalang ako na ang dating araw na maliwanag ay hindi na sumisinag. Nagising nalang ako na ang dating kapeng mainit ay lumamig na at hindi na nakapapaso. Nagising nalang ako at napagtanto na wala namang tayo at kailanman ay walang naging tayo.

Pinilit ko na huwag isipin; pinilit ko na huwag damdamin. Ngunit sa paglipas ng mga araw, mas lalo kong natanaw, na tao lang ako, may isip at may pakiramdam. Hindi ko alam kung saan nagsimula, ang paghina ng alon, ang hindi pagsikat ng araw, at ang paglamig ng kape. Kaya ngayon, hindi ko alam kung saan nga ba nagbago, kung sino nga ba ang nagbago. Basta ang alam ko, wala na ang dating tayo-- iyong tayo na hindi nagsasawa sa pagtawa, iyong tayo na hindi nauubusan ng kuwento, iyong tayo na walang pag-aalinlangan, iyong tayo na magkasangga sa bawat laban, iyong tayo na magkaibigan, iyong tayo na akala ko walang hangganan.

Ngunit wala akong magagawa, dahil kaibigan lang ang turing mo sa akin at wala ng iba.

[stinkswhenblooms-blog]

Sa iyong pagkawala, siya ring aking paglaya.

lcn

[soleilaraw]

Pagkawala sa dibisorya

Isinulat ni :Roxanne MCV (surealismo) Huy, asan na tayo? Hahhahaha Tanong ko, di niya na ko nilingon kaya natawa nalang ako. Akala niya direksyon sa dibisorya ang tinatanong ko- dun sa bilihan ng murang damit na paborito kong puntahan, pero parati kong nakakalimutan dahil alam kong nanjan siya .. Kabisado niya naman eh. Tinulungan niya kong makabisado ang pasikot sikot sa dibisorya, kasunod nun ay ang pagbitaw niya sakin. Asan na tayo? Di niya ko binibitawan noon, kahit ata nakapikit ako alam kong hawak niya ko, di ako mawawala. Di niya na ata ako marinig kasi kapaskuhan na at ang daming tao , maingay at siksikan pa. Pero teka bakit kahit anong sigaw ko di niya na ko nilingon..hahhaha. Michael!.. Michael nasan na tayo?!!..Namamaos na ko. Michael! Michael! nawawala na ko sa agos ng tao. Alam kong hindi na ako naliligaw sa lugar na to. Pero asan na , may nawawala sakin. May nagnakaw ata , o nabitawan ko o baka nawala na lang talaga. Lumingon ka naman! Nasan na? Nasan na tayo?! Palayo ka na ng palayo, habang ako nakatayo , nababangga, umaambon na pero yung ulap nasa mata ko lang ata. Tulungan mo naman ako uli gaya ng dati? May nawawala kasi sakin.Pwede bang tulungan mo naman ako ngayon, alam kong ang tanga ko kasi parati nalang ganito, pero kabisado ko naman na talaga, maniwala ka. Di ko lang alam kung nasaan na ngayon kaya ngayon kailangan ko uli ng tulong … Kahit lingon lang tulungan mo ko. Tulungan mo ko na hanapin ang kulang na mga daliri sa espasyo ng mga daliri ko. Balat mong malagkit na nagdidikit sa atin at ang pawisan mong kamay sa tuwing nawawala ako. Akala ko di na ko mawawala sa lugar na to, pero nawala ako ng simula ng iniwan mo ko.

[wishyourmylove-blog]

       May tao sa buhay natin na biglang dadating at bigla ding aalis yun bang tipo na di mo inakalang magpaparamdam at di mo rin inisip na magiging parte ng pagkatao mo. Sila yung tipo ng taong nung dumating lahat ng malungkot na pagkakataon sumigla, lahat nang di mo akalaing magagawa mo ay nagawa mong kasama siya. Yung kahit di mo gustuhin bumuo ng alaala na kasama siya pero nagkaroon pa din; kaso ang malungkot na bahagi isa na lang siyang alaala. Alaala na hindi mo din gusto pero patuloy na sumisiksik sa isipan mo, sa tuwing nakakakita ka ng bagay na patungkol sa kanya. Ang saklap noh? kasi sa dinami dami ng tao, bakit siya pa yung klase na biglang dadating at bigla ding aalis? Kung pwede lang na hindi, sana masaya ka pa din ngayon at patuloy kayong gumagawa ng mga bagay na parehas niyong ikakasaya.

[prinxexakimmie]

Sana kasabay ng pagkawala mo, yung pagkawala ng feelings ko para sa'yo.

[theheartoffall-blog-blog]

Pagkawala

Pagkawala

Parang gumaan ang utak ko

Mula ng umalis ka sa isipan ko

Sana wag nang bumalik ang iyong mga multo

At magparamdam at hukayin ang iyong puntod

Ng alaalang binaon na sa limot

Ng mga pangakong pinako sa pagkabigo.

At parang gumaan din ang aking dibdib

Nang umalis ka sa inokupa mong silid

Sa damdamin kong pinaglaruan lamang

At iniwan ng ganoon- ganoon na lamang.

Ako pa yata ang mayroong utang

Sapagkat naniningil na ang kalungkutan

Sa sayang ipinagkaloob ng panandalian

Kay laki pala ng tubo ng kasawian

At parang gumaan din ang aking mata

Nang kahit anino mo hindi ko na nakikita

At hindi ko na nababasa ang mga mensahe

Na dati ay inaabangan ko pa parati

Ngunit parang bumigat ang luha sa mata

Na patuloy na bumagbagsak ng walang tila

At kahit parang gumaan ang buong loob ko

Bakit tila kay bigat buhatin ng mga paa ko

Nais ko nang tumakas buhat sayo

Kung pwede lamang tumakbo agad ng malayo.

Biglang gaan ng lahat sa iyong pagkawala

Nawalan ng timbang ang damdamin at halaga

Nawala na ang lahat ng aking dinadala

Gumaan ang damdamin

Dahil puso ko ay tangay mo na.

 ------

Tula ni Aki

All rights reserved

Copyright 2011

[polaris-kirsten]

Sana ang pagkawala mo, parang files ng isang tao sa hard drive ng laptop o computer. Posibleng may back up.

polaris-kirsten