Nəzərinizə çatdırım ki, əzizlərim Allahın diqqət və nəzər mərkəzində olduğunuz kimi eyni meydanda həmdə insanların nəzərindəsiniz. Biləsiniz ki, atdığınız hər addım onlarda yeni nəzərlər və görüşlər oyadır. Psixoloji olaraq qoyduğunuz təsirlər sizə sıradan gəlməsin. Əgər istəyirsinizsə biləsiz ki, həqiqətən bu düzdür ya yox, bunu test edin.
Məsələn iki hərəkət icra edin. Biri nizamlı və tərtiblə (ardıcıllıqla və səliqəli) olsun, digəri isə əksinə. Sizi əmin edirəm ki,bu iki halın hər ikisinin fərqli nəticələrini aşkar görəcəksiniz. Nizamlı etdiyiniz onlarda əsər qoyduğu kimi, nizamlı olmayan səliqəsiz etdiyiniz iş yaxud dediyiniz söz qarşınızda duran şəxsdə əsər qoyacaq.
Siz fikir adamı olun və düşünməyi tərk etməyin. Danışılan sözlərə və öz danışdığınız hər kəlməyə diqqəti artırın və nəticə görəcəksiniz.
Problemlər həmişə dağınıqlıq və diqqətsizlikdən meydana gəlir.
Təsəvvür edin ki,bir otağı ixtiyarınızda qoyub gediblər. Xeyli vaxtdır ki,orada olan heç bir şeyə diqqət etmirsiniz və səliqə səhman işlərini də gözdən atmısınız. Yadda saxlayın ki, xislətdə insan təthir (paklığa meyilli) yaradılmışdır. Bu səbəbdən də çox keçmədən o evin ruhiyyəsi sizi sıxacaq və kədər deyilən süni fobiya yaxud kompleks icad edəcəksiniz. Artıq bu o deməkdir ki, psixoloji zərbəyə məruz qaldınız.
Eyni evi birdə çox diqqətli və səliqəli saxlamağa cəhd edin və xoş ətirlərlə süsləyin. Görəcəksiniz ki, həmin yerdə beyninizdə gözəl ideyalar və müsbət şüuraltı kəşflər etməyə başladınız. Əgər evdar xanımların bir çoxunun evdə hər gün yorulmadan etdiyi can fəşanlığa diqqət yetirsəniz eyni şeyin bir hissəsini orada müşahidə edə bilərsiniz.
Demək istədiyim budur ki, öncəliklə öz qəlb evimizi səliqəyə salıb silib süpürməliyik daha sonra ora dəvət etdiyimiz qonaqları da bu ədəblə ibrətlətləndirməliyik. İnsanlar sözlərdən daha çox hərəkətlərə və jestlərə aşiqdirlər. İmam Əlinin (ə) əshabına xitab etdiyi o möhtəşəm kəlam kimi: Buyurdu ki, danışmağı tərk edib əməllərinizə diqqət edin. İnsanlar sizin gözəl əməllərinizi görüb zatən maraqlanacaqlar bu axar suyun mənbəyi ilə (İslamla).
Hərəkət və jestlərimizə diqqət edən insanlar onu gizlində də olsa təqlid etmək eşqindədirlər. Bu insan faktorudur. Psixoloji aksiomadır (sübuta ehtiyacı olmayan həqiqət). Belə isə bir daha nəzərdən keçirək etdiyimiz və dediklərimizi. Hər nöqtə vergülünüzə diqqət olunur, bilginiz olsun. Ruhiyyənizi sizi məhv etmək qüdrətində olan şeylərə meyldən xilas edin ki,insanlara ədəbli nəsə miras qoymaq istədikdə onun doğru olanını etmiş olasınız. Əks halda vermək istədiyiniz fayda xəstə adama (məsələn) buzlu su vermək misalı kimi ziyanlı olacaqdır.
Salam və dua ilə bu gözəl ayı tərk etməyi Allah sizə nəsib etsin. Xeyirli günlər ümidi ilə. Qeyd edim ki, bu yazdıqlarım da bu ayda aldığım bərəkətin əsərinin kiçik bir zərrəsidir.
(Əlbəttə Allah daha böyük mükafat əta edəndir bu mənada)
