#rubaii

[saher-e-sahel]

Chandni

Aik baar

Tera chehra

Udaas dekha tha

Teri palkon se

 gir  kar moti

Sitare ban gaye thay

Teri ankh ka kaajal

Rukhsar tak

Phaila tha

Aisa lagta tha

Chand

Chandni ro kar

Baitha hai

[saher-e-sahel]

Sahel Ki Geeli Ret

Main janta hoon:

Ye sahel ki geeli ret

Saagar ki lehron ki sada

Ye zindagi ko jagati mast hawa

Hawa main lehrate, chahchahate panchi

Shaam ka doobta suraj

Aasman ke badalte rang

In sab se

kitna pyar hai tumko

 Aur Main roz

Is Sahel ki geeli ret pe khada

Gumsum

In nazaron ko takta hoon

Tujhe

Yaad karta hoon

[saher-e-sahel]

Happy New Year

Guzre dinon ka

Her

Shikva, shikayat

Her

Dard

Bhool kar

Gar

Iss naye saal ki

Dahleez pe

Hum

Saath qadam rakhte

To

Koi aur baat hoti

Ye badlte

Maah o saal

Ye badlti

duniya

Ye ikhtalafat

In se badh kar hai zindagi

Aur

Zindagi se bhi badi

Hamari dosti

[saher-e-sahel]

Sach kehte hain

Tum Meri ankhon mein Khawabon ki tarah rehte ho Aur Log kehte hain Ke jab Koi tumhare khawab mein namudar ho To woh shakhs Tum se Milna chahta hai Tumhein Yaad karta hai shayad Kiya ye Sach kehte hain?

[saher-e-sahel]

Rubaii

Sharara sitaron ka teri hasti Ankhon mein hai maikadon ki masti Hum ne kaliyon ka husn dekha hai Tere lab si haseen nahin milti