شریفہ گرم آب وہوا کا پھل ہے۔ یہ دنیا کے بہت سے ممالک میں بڑے شوق سے کھایا جاتا ہے۔ شریفے کا آبائی وطن جزائر غرب الہند (ویسٹ انڈیز) ہے۔ شریفہ یہاں سے ہوتا ہوا جنوبی میکسیکو پہنچا۔ پھر وسطی امریکا پہنچا۔ بعدازاں یہ جنوبی پیرو اور برازیل میں متعارف ہوا۔ اب یہ برمودا، جنوبی فلوریڈا، جنوبی امریکا اور ہندوستان کے شہر کولکتہ (کلکتہ) میں بھی کاشت کیا جارہا ہے۔ پاکستان میں اس کی کاشت کم کی جاتی ہے۔ یہ صرف صوبہ سندھ میں کاشت کیا جاتا ہے۔ پھلوں کے شوقین افراد اسے اپنے گھر کے باغیچے میں بھی کاشت کرلیتے ہیں۔ شریفے کی کاشت بیج کے علاوہ قلم لگانے اور پیوندکاری سے بھی کی جاتی ہے۔ اس کی فصل سال میں صرف دو مرتبہ ہوتی ہے۔ مارچ کے مہینے میں پھول کھلتے ہیں۔ جولائی کے مہینے میں یہ پھول پھل بن جاتے ہیں اور دسمبر میں پھل پک کر تیار ہوجاتے ہیں۔ شریفے کا درخت پانچ میٹر اونچا ہوسکتا ہے۔ اس کی پتیاں لمبی اورکھردری ہوتی ہے۔ اس کا پھل باہر سے سبزرنگ کا اور سخت ہوتا ہے۔ پھل جب پک جاتا ہے تو اس کا چھلکا نرم پڑجاتا ہے۔ ذرا سا دبانے پر چھلکا ٹوٹ جاتا ہے۔ پھل کے اندر کا سفید، مزے دار گودا شوق سے کھایا جاتا ہے۔ کچا شریفہ جو سبزرنگ کا ہوتا ہے، اسے اگر کاغذ میں لپیٹ کرآٹھ دس دن کے لیے اسٹور میں رکھ دیاجائے تو وہ پک جاتا ہے۔ شریفے کے بیج سیاہ، چمک دار اور بہت کڑوے ہوتے ہیں۔ یہ بیج صرف ادویہ میں ہی استعمال کیے جاتے ہیں۔
ایک ماہر نباتات کا کہنا ہے کہ شریفے کی پتیوں کا نمک ملا جوشاندہ اگر پھوڑے، پھنسیوں اور زخموں پر لگایا جائے تو فائدہ ہوتا ہے اور ان سے نجات مل جاتی ہے۔ ان پتیوں کا جوشاندہ پینے سے رسولی اور معدے کے زخم دور ہوجاتے ہیں۔ پتیوں کی لگدی (پیسٹ) سر پر لگانے سے بالوں میں جوئیں ختم ہوجاتی ہیں۔ شریفے کے درخت کی چھال اسہال دور کرنے میں مفید ہے۔ اس کی جڑ پیچش، مالیخولیا اور ریڑھ کی ہڈی کی تکلیف ختم کردیتی ہے۔
شریفے میں جمنے والی چکنائی (Saturated fat) کم ہوتی ہے، البتہ لحمیات اور نشاستہ زیادہ ہوتے ہیں۔ اس میں حیاتین الف (وٹامن اے) حیاتین ج (وٹامن سی) پوٹاشیم، میگینزئیم اور فولاد بھی پائے جاتے ہیں۔ حیاتین الف بینائی بہتر کرتی ہے۔ حیاتین ہڈیوں کی خشکی روکنے میں مدد کرتی ہے۔ پوٹاشیم پٹھوں کی کمزوری کو دور کرتا ہے۔ میگینزئیم جوڑوں کے درد اور ورم سے نجات دلاتا ہے۔
شریفے کے میٹھے اور مزے دار گودے سے آئس کریم بنائی جاتی ہے۔ اس کے علاوہ ملک شیک بھی بنایا جاتا ہے۔
پاکستان میں اسٹرابیری، لوکاٹ اور لیچی پہلے کاشت نہیں ہوتے تھے، مگر اب کاشت کیے جارہے ہیں۔ اب یہ پھل نہ صرف ملکی ضرورت کو پورا کررہے ہیں، بلکہ ان کے ذریعے سے قیمتی زرمبادلہ بھی کمایا جا رہا ہے.
• کمزوری کو دور کرکے جسم کو فربہ اور صحتمند کرتا ہے
• جلد کی خشکی کو دور کرتا ہے
• منہ کی خشکی اور تلخی ہو یا پیاس کی شدت، شریفہ کھانے سے افاقہ ہوتا ہے
• گردوں کے لیے بہت مفید ہے، اس سے ناصرف پیشاب کھل کر آتا ہے بلکہ گردوں کی لاغری (یعنی کمزوری) بھی دور ہوتی ہے اور گردے صحتمند ہوجاتے ہیں
• گردوں اور مثانے کی گرمی خارج کرنے میں مفید ہے، پیشاب کی جلن اور سرخی ختم کرتا ہے
• جگر کے لیے شریفہ، مفید ترین غذائی دوا ہے اور اس کے مسلسل استعمال سے جگر صحتمند رہتا ہے
• تجرباتی طور پر معدے کی تیزابیت میں بھی مفید پایا گیا ہے
• شریفہ خون کے گاڑھے پن کو پتلا کرتا ہے اور گاڑھے پن سے پیدا ہونے والی علامات کا خاتمہ کرتا ہے
• ہائی بلڈپریشر کے مریضوں میں اس کا استعمال بلڈپریشر کو نارمل رکھنے میں معاون ہے
• بواسیر کی شکایت میں مفید پایا گیا ہے
• قبض اور آنتوں کی خشکی، آنتوں کی جلن، سوزش اور خراش میں شریفہ نہایت مفید ہے
• گرمی کے نزلہ اور جلندار کھانسی میں شریفہ ایک بہترین پھل ہے، اس کے استعمال سے بلغم نکلنے میں آسانی پیدا ہوتی ہے
نوٹ: دست، پیٹ درد، بدہضمی یا شوگر کے مریض معالج کے مشورے کے بغیر استعمال ناکریں
پوسٹ پسند آئی ہو تو شیئر کریں اور اگر کوئی غلطی دیکھیں تو اصلاح کریں
اپنا اور اپنے پیاروں کا خیال رکھیں
dededos
yousharknotpass
pixelskylines
titsay
discoholicmusic
jacobvanloon