Panitikan ng Pilipinas

[anony-mmous9]

Leron Leron Sinta (lyrics)

Leron, leron sinta Buko ng papaya, Dala-dala'y buslo, Sisidlan ng sinta, Pagdating sa dulo'y Nabali ang sanga Kapos kapalaran, Humanap ng iba.

Gumising ka, Neneng, Tayo'y manampalok, Dalhin mo ang buslong Sisidlan ng hinog. Pagdating sa dulo'y Lalamba-lambayog, Kumapit ka, neneng, Baka ka mahulog.

Lalaking matapang, Ang baril nya'y pito, Ang sundang nya'y siyam Ang lalakarin nya'y Parte ng dinulang Isang pinggang pansit Ang kanyang kalaban.

[anony-mmous9]

Iba’t ibang uri ng Awiting Bayan

Oyayi  –awit sa panghele sa bata

2. Diona  –awit sa panliligaw

3. Soliranin  –awit ng manggagaod

4. Talindaw  –awit sa pamamangka

5. Kumintang  –noong una ay ginamit sa digmaan at naging awit naman sa pag-ibig

6. Tagumpay  –awit sa pagwawagi sa digmaan

7. Indolanin  –awit sa panlansangan

8. Hiliraw/Pamatbat  –awit sa inuman

9. Balitaw/Kundiman  –awit sa pag-ibig

10. Saloma/Tikam  –awit ng digmaan

11. Bansal/Pagatin/Onsequep  –mga awit ng kasalan sa Pangasinan

12. Holohorlo  –awit sa panghele ng bata, may pagkatulad sa oyayi

13. Umbay  –awit sa paglilibing

14. Dalit  –awit ng 

papuri sa diyos

15. Duwang  –awit na panrelihiyon 

[anony-mmous9]

Isang Halimbawa ng Awiting Bayan

Oyayi/Uyayi - awit sa panghele sa bata

Matulog ka na, bunso, Ang ina mo ay malayo At hindi ka masundo, May putik, may balaho.

[anony-mmous9]

Ang Awiting Bayan sa Panahon ng Katutubo

Kahulugan at Iba pang Detalye ukol sa Awiting Bayan

Ang mga awiting bayan ay mga awitin noong panahon ng ating mga ninuno pero hanggang ngayon ay kinakanta pa rin.

Ang mga awiting bayan ay sumasalamin sa naging pamumuhay at tradisyon ng mga ating mga ninuno noong unang panahon. Gumagamit din ang mga awiting bayan ng diyalekto ng isang partikular na bayan.

Ang mga awiting bayan ay may sukat at tugma rin.

Mga Halimbawa ng Awiting Bayan

Leron Leron Sinta

Leron, leron sinta Buko ng papaya, Dala-dala'y buslo, Sisidlan ng sinta, Pagdating sa dulo'y Nabali ang sanga Kapos kapalaran, Humanap ng iba.

Atin Cu Pung Singsing

Atin cu pung singsing, Metung yang timpucan, Amana que iti, Qng indung ibatan; Sancanqueng sininup, Qng metung a caban, Mewala ya iti, Ecu camalayan

[anony-mmous9]

Mga Panitikang Pilipino

Katutubong Tula Halimbawa

Katitibay ka, tulos

Sakaling datnang agos Ako ay mumunting lumot Na sa iyo'y pupulupot.

Buto't balat Lumilipad

Bumbong kung liwanag Kung gabi ay dagat

-------------------------------------------------------------------------------------

Katitibay ka tulos

Ang salitang 'katitibay' at galing sa salitang ugat na tibay. Isang sukatan kung saan masasabing kaya ng isang tao o isang bagay ang kahit anong pagbabago o mangyayari sa kanya.

'tulos' naman ay nangangahulugan ng daraanan or daluyan.

Sakaling datnang agos

'Sakali' ay nangangahulugan ng walang kasiguraduhan.

Ang 'datnan' naman ay nangangahulugan ng pagdating. Ang 'agos' naman ay daloy ng tubig.

Ako'y mumunting lumot

Ang kahulugan ng mumunti ay maliit o bago lamang at wala pang alam. Kagaya ng mga bata

Ang lumot ay nabubuhay sa kung saan man kagaya ng mga bato, daluyan ng tubig, para itong halaman pero maliit at tila walang pakinabang kkung titignan

Na Sa iyo'y pupulupot

pupulupot ay nangangahulugan ng hindi pag-iwan o paglisan sa kung saang lugar sya nandon.. kagaya ng baging (vine)

** Sa kabuuan ang ibig sabihin ng tulang ito na maaaring ang nagpapahayag ay wala pang alam sa buhay, at hindi pa nya alam ang maraming bagay sa mundo, hindi ka nito iiwan at sya'y parati lamang sa tabi mo.

[anony-mmous9]

PANITIKANG PILIPINO - TULA

“Umuulan man sa bundok”

Umuulan man sa bundok Huwag sa dakong laot, Aba, si Kasampalok Nanaw nang di ko loob Wala ni baong kumot

Ito ay sinaunang tula na natuklasan ng Pambansang Alagad ng Sining para sa Panitikan na si Virgilio S. Almario sa mga pahina ng Diksiyonaryong Vocabulario de la Lengua Tagala

Ang sinaunang tula ay naglalarawan kung paanong nag-aalala ang isang tao sa kanyang minamahal.

Ipinakita ng makata ang kanyang pagkabalisa sa pamamagitan ng paghiling na sana'y hindi abutin ng ulan ang taong mahal niya sa dagat habang pumapalaot o naglalakbay sa anyong tubig.

Ang "Aba, si Kasampalok" ay isang padamdam na ekpresyon.

At ang "Wala ni baong kumot" ay pagkabahala at pagtataka kung bakit ito'y walang sapat na kagamitang dala.

Maigsi man itong tula ay nagawa nitong mapagsama-sama ang mga komplikadong niyang damdamin at nagsasaad ng mga hindi niya ginugustong mangyari.

Pero dahil kasintahan niya ang kanyang iniisip, labis ang kanyang pagtitimpi.

Kahit napakaikli ng tulang ito, ang retorika naman nito ay nagpapakita ng kalidad.

[anony-mmous9]

Katutubong Tula

si Tomás Pinpín na “Ama ng Paglilimbag” sa Filipinas dahil siyá ang unang tanyag at kinikilálang manlilimbag na katutubo nang ipasok ang imprenta ng mga Español. 

si Pinpin ay isang makatang ladíno, ibig sabihin, nakatutula sa wikang katutubo at sa wika ng mananakop na mga Español. Ipinakita niya ito sa kaniyang aklat na Librong pagaaralan nang manga Tagalog nang uicang Castila(1610), ang unang limbag na aklat na sinulat ng isang Filipino. 

Ganito ang unang pangungusap sa pambungad niyang tula sa libro: 

Anong dico toua como no hede holgarme con hapo’t, omega la mañana y tarde dili napahamac que no salió en balde itong gaua co aqueste mi lance.

Tulad ng pamagat, may layuning magturo ng wikang Español ang aklat. Ngunit isang kahali-halinang bahagi nitó ang mga tila awit na ehersisyo sa talahulugang Tagalog at Español. Ang totoo, nilimbag ang aklat ni Pinpin ng kaniyang kapuwa manlilimbag na si Diego Talaghay. (VSA)