BFT

Tahanan ng mga nakaka-WOW na facts tungkol sa Pilipinas at sa mga Filipino.

[bakafilipinoto]

Ano ang BakaFilipinoTo?

Ang BakaFilipinoTo ay isang blog na ginawa ng isang mag-aaral upang magbahagi ng mga facts tungkol sa Pilipinas at mga Pilipino na kadalasan nating hindi naririnig sa kung saan lamang.

Humandang mapa-WOW sa mga natatanging impormasiyon tungkol sa bansang Pilipinas at sa mga tao nito.

Humandang matuto sa paglalakbay natin sa iba't ibang lugar. Tara na?

[bakafilipinoto]

Ang Pinakamalaking Sapatos!

Mahilig ka ba sa sapatos, kapatid? Ano ang shoe size mo?

Sikat ang Lungsod ng Marikina bilang Shoe Capital of the Philippines dahil isa sa mga magagandang produktong tanyag dito ay sapatos.

Ngunit alam mo bang sa Marikina rin nagawa ang tanyag na pinakamalaking sapatos sa buong mundo? Hindi ka naniniwala?

Taong 2002 ng nailagay sa Guinness Book of World Records ang pinakamalaking sapatos na nagawa sa Lungsod ng Marikina. Ang sukat nito ay may lapad na 8 ft at may habang umabot sa 17.4 ft.

Ginawa ito sa loob ng labing-pitong araw at nagkakahalaga ng mahigit-kumulang 77 million pesos.

Grabe ka na, Marikina!

𝘤𝘳𝘦𝘥𝘪𝘵𝘴 𝘴𝘢 𝘮𝘢𝘺-𝘢𝘳𝘪 𝘯𝘨 𝘰𝘳𝘪𝘩𝘪𝘯𝘢𝘭 𝘯𝘢 𝘭𝘢𝘳𝘢𝘸𝘢𝘯

[bakafilipinoto]

Banana Ketchup? Sarap!

Hindi na bago sa pandinig natin ang banana ketchup. Ginagamit natin itong sawsawan sa mga masasarap na pagkain tulad ng prinitong manok o isda. Ginagamit din ito sa mga putahe at isa sa mga palaman ng tinapay.

Ngunit alam mo bang isa lang ang Pilipinas sa iilang bansang tumatangkilik sa produktong ito? Hindi mo alam? Puwes ngayon, alam mo na!

Gawa sa minasang saging, suka, asukal at iba pang pampalasa, ang banana ketchup ay unang nagawa noong ikalawang pandaigdigang digmaan kung saan nagkaroon ng kakulangan sa kamatis.

Ang tanyag na sawsawan na ito ay paborito ng mga Pilipinong kasama sa mga meryenda nila.

[bakafilipinoto]

Wang-wang Zone? Grabe ka na, Pilipinas!

Narinig mo na ba ang katagang wang-wang? Marahil ay oo. Ito ay pariralang binase sa ingay na ginagawa ng mga sirena ng mga sasakyang pangkapulisan. Ginagamit nila ito sa panahon ng emergency o kung mayroong habulang nagaganap upang madali silang makadaan sa mga kalsada.

Ngunit alam mo bang ginagamit din ito ng mga pangkaraniwang mamamayang kakalapag lamang sa eroplano upang makaiwas sa trapiko? Ang talino nga naman talaga, 'no?

Upang masolusyunan ang problemang ito ay itinalaga ni Pangulong Benigno S. Aquino III ang ilang lugar sa NAIA (Ninoy Aquino International Airport) bilang No Wang-wang Zone.

Dito rin nagsimula ang katagang Wang-wang mentality na tumutukoy sa pag-abuso ng kapangyarihan.

Itinalaga ito upang masiguradong lahat ng pupunta o lalabas ng NAIA ay hindi lalabag sa batas at makikisiksik sa pagkahaba-habang pila ng mga sasakyan. Fall in line, please~

[bakafilipinoto]

Ang Selfie Capital ng mundo sa Pilipinas matatagpuan?

Tara na't mag-selfie selfie selfie selfie tayo 'pag may time

Ipakita sa mundo ang maganda mong smile

Pamilyar ba ang kantang ito sa iyo? Hindi na bago sa atin ang makarinig ng katagang "selfie". Ito ay tawag sa pagkuha ng litrato ng sarili gamit ang kahit anong gadyet partikular na ang smartphones na madalas na ginagamit ng mga kabataan sa pang araw-araw na libangan. Ngunit alam mo ba na minsan ng nahawakan ng isang lugar sa Pilipinas ang titulo ng 'Selfie Capital of The World'?

Taong 2014 ng maging tanyang ang Lungsod ng Makati dahil nakuha nito ang titulo ng Selfie Capital of The World. Ayon sa pagsasaliksik ng Time Magazine, sa bawat 100,000 na tao sa Makati ay may 258 kataong kumukuha ng selfie! 258! Wow, napakarami noon!

Sa maniwala man kayo o sa hindi ay nagawang matalo ng Makati ang mga lungsod ng Manhattan at Miami na siyang pumangalawa at pumangatlo sa listahan ng mga lugar na pinamumugaran ng mga selfie-takers!

Napag-alaman ding nakakuha ng mataas na puwesto ang mga lungsod ng Iloilo, Cebu at Quezon sa listahan.

Talaga namang Filipino pride! Wow na wow!

𝘤𝘳𝘦𝘥𝘪𝘵𝘴 𝘬𝘢𝘺 𝘖𝘭𝘪𝘷𝘦𝘳 𝘚𝘶𝘭𝘭𝘢𝘯𝘰 𝘱𝘢𝘳𝘢 𝘴𝘢 𝘭𝘢𝘳𝘢𝘸𝘢𝘯

[bakafilipinoto]

Maynilad: Ang Manila ng Nakaraan!

Wow! Lingid sa kaalaman ng nakararami, hindi Manila ang unang pangalan ng tanyag na kabisera ng Pilipinas.

Ayon sa kasaysayan, bago ito napangalanang Manila ay nagsimula muna ito sa pangalang Maynilad na ang literal na ibig sabihin ay "May nilad" o lugar na may nilad. Isa itong uri ng namumulaklak na halaman na tumutubo sa pampang ng Ilog Pasig.

Sa paglipas ng panahon ay pinaikli ang katagang Maynilad at naging Maynila. Sa kasulukuyan ay pinaikli pa ito at kalauna'y naging Manila!

𝘤𝘳𝘦𝘥𝘪𝘵𝘴 𝘴𝘢 𝘮𝘢𝘺-𝘢𝘳𝘪 𝘯𝘨 𝘰𝘳𝘪𝘩𝘪𝘯𝘢𝘭 𝘯𝘢 𝘭𝘢𝘳𝘢𝘸𝘢𝘯