bernerbars @bernerbars-blog - Tumblr Blog

Eine Bar ist nichts als die Fortsetzung der Bibliothek mit weniger trockenen Mitteln

Peter Richter

#zitat #peterrichter #richter #bernerbars #bar #bibliothek

Die Zeit heilt alle Wunden. Aus Napoléon ist ja mittlerweile auch ein Cognac geworden.

Alfred Biolek

#zitat #alfred biolek #biolek #napoleon #cognak #bernerbars

They say the only people who tell the truth are drunkards and children. Guess which one I am.

Stephen Colbert

#stephencolbert #colbert #zitat #bernerbars #truth #drunkards #children

Toi et Moi

Super gäbig grad am Bahnhof gläge und are erschtklassige Location, isch ds Toi et Moi ja eigetlech zum Erfolg verdammt. Es isch hübsch dinne u dusse u bietet feins Ässe (u.a. Yumi Apéro) und e sehr gueti Uswahl bi de Getränk.

Aber äbe: derzue gits leidr meischtens schlächti Bedienig. Nid nume ig, aber o es paar anderi Chunde hei müesse merke, das es nid immer grad gyget, wenns i däm Resti um Bedienig geit.

Fazit: Vom Lokal u vo dr War här gseh sy si beschtens ufgstellt, nume stelle si sech sälber es Bei mit dr wenig ufgschtellte und unufmerksame Bedienig.

http://www.restaurant-toietmoi.ch/

#toietmoi #bernerbars #barreview #restaurant #bahnhofbern #burgerspitalbern #bern #bärn

There is no bad whiskey. There are only some whiskeys that aren't as good as others.

Raymond Chandler

#raymond chandler #chandler #zitat #whiskey #bernerbars

Café Marta

Bim Marta isch vil los und alles mit emne sehr britische Flair. Uf de Tische heissts zwar Bedienung an der Bar, aber meischtens isch öpper wie vo Zouberhand grad denn bi eim am Tisch, weme sech entschide hett. E breiti Uswahl a Cider, Whiskeys, Iistee, feine Drinks u interessante Bier (Aare Bier u Specials) wird ergänzt mit Länggass-Tee, Scones, u Cakes.

Drnäbe hett ds Marta o sehr vil cooli u abwächsligsrichi Aaläss ufem Programm (Pubquiz, Konzärt, Läsige, Poetry Slams, ...).

Fazit: E heimischi Atmosphäre, Cider u anderi britischi Spezialitäte wärde kombiniert mit coole Events. Top!

http://www.cafemarta.ch/

#bernerbars #cafemarta #martabar #barreview #kramgasse #bern #bärn #marta

Oh, you hate your job? Why didn't you say so? There's a support group for that. It's called everybody, and they meet at the bar.

Drew Carey

#zitat #bar #bernerbars #supportgroup #drewcarey #carey

Les Amis

Klein aber oho! isch ds Les Amis. Wie bimne britsche Pub (public house) isch d Mischig vo de Bsuecher u di familäri Atmosphäre zentral. Ussertdäm: wo schüsch isch dr Endo vo Stiller Haas so hüfig z gseh wi hie? Wy u Portwy si exzellänt (und es wird generös iigschänkt), ds Bier Feldschlösschen (auso nid mi Favorit), u zu de Drinks chani nüt säge, i drum dert no keni gha. We eim e Wy passt, chame ne o no grad bir Huseigene Wyhandlig bstelle.

D Konzärt chöi o aues, öb dusse under de Loube oder dunde im Wohnzimmer. U trotz de änge Platzverhältnis u de vile Lüt fingt sech immer no ne Platz für öpper meh.

Fazit: I ga nid wägem Bier, um so meh wägem Wy, em Portwy und dr fründleche Ambiance.

#lesamis #bernerbars #barreview #rathausgasse #bern #bärn #bar