@detached55 - Tumblr Blog

I did it all I owned every second that this world could give

لسه الحياه قادرة تعطينا فرص ندرك ولو جزء من اللي فاتنا، طلع لسه فرصة تانية فعلا مهما اعتقدت انها راحت عليك، تعالوا شاركوني الإنجاز دا لأني بعتبر كتير من اللي هنا انهم صحابي فعلا وليهم مكانة بقلبي

A. Abbas SOUTH KOREA. Kyongju. 1998. Ancient royal tombs.

detached55

موقف حلو مستحيل انك تنساه ؟

نتيجة الثانوية كعادة مصر بيكون في ضغط كبير ع الموقع ومعرفتش اجيبها ،أخويا أصغر مني بس دخلناه مكان بعيد فدخل بدري فبقى معايا ف الثانوية وكنا بنمتحن مع بعض ف لجنة واحدة ،يوم النتيجة مرات خالي كلمت حد قريبها ف دبي فجابلها نتايجنا لسرعة النت هناك ،كلنا ف البيت متوترين وابويا بيراقب شهادة إعدادية دور ثان ف مكان بعيد عننا ساعات وإذ بصوت زغاريد جاي من بعيد وبيقرب ع البيت وانا متأكد ان المنطقة كلها مافيهاش حد ف ثانوي غيرنا ،وإذ بمرات خالي داخلة علينا ومعاها بيبسي وبتباركلنا ،ف البيت عندنا ٦ شقق كلهم اعمامي كل واحدة من زوجات اعمامي بقت تعلي ع التانية ف صوت الزغاريد واتملى البيت بعشرين ست كلهم بيزغردوا ف نفس الوقت ودا اكتر يوم كنت سعيد فيه ف حياتي ، ملحوظة ; ابن خالي كان معانا برضه ف نفس السنة