Sin título

[gciencia]

O amor, unha cuestión de química?

Un xesto, unha ollada, os trazos dunha persoa ou simplemente a súa voz. Calquera destes pequenos detalles pode espertar en nós unha atracción física, sexual ou emocional provocada polas nosas hormonas que, unha vez en acción, pódennos levar a sentir desexo, amor e cariño. Cada unha das fases da relación entre dúas persoas está asociada cunha parte do cerebro, desde o máis primitivo ata o máis racional, e é resultado do efecto de diferentes substancias químicas. Hoxe, en Desmontando Mitos, falamos da química do amor con Ana Garcia Deibe, catedrática de Química Inorgánica na Universidade de Santiago de Compostela.

[gciencia]

Os mosquitos teñen unha cor favorita?

Por que nos pican os mosquitos? Depende da cor da roupa que levemos? Carlos Otero, entomólogo da Universidade de Santiago de Compostela explícanos que determina a nosa condición de vítima e por que picarnos é unha necesidade das femias desta especie.

[gciencia]

Enerxías renovables e novos recursos

Este é o terceiro episodio do pódcast 'Todas as correntes levan ao CIM', un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na 'Corrente III' falamos de enerxía eólica mariña e undimortriz así como a súa viabilidade no contexto galego co investigador Xurxo Costoya.

[gciencia]

Os recrutados galegos da Segunda Guerra Mundial

O alistamento de emigrantes galegos nas forzas armadas de Estados Unidos durante a II Guerra Mundial non foi algo anecdótico. Da península, a maioría dos recrutados eran de Galicia, concretamente da Coruña. Un traballo da USC pretende alumear esta parte da historia descoñecida que acumula moitos baleiros de información. O profesor Javier Fernández explícanos neste episodio todo aquilo que non se contou sobre o papel e o perfil dos galegos que formaron parte do exército de Estados Unidos na II Guerra Mundial.

[gciencia]

Por que a intelixencia artificial tamén discrimina as mulleres?

Os nesgos de xénero están en todas partes: nas series que ves, nos libros que consomes, no teu traballo... E como non podía ser doutra maneira, tamén están presentes nos sistemas de intelixencia artificial. Neste quinto episodio de O Descodificador, un pódcast de GCiencia en colaboración co CITIC, trataremos de averiguar Por que a intelixencia artificial tamén discrimina as mulleres. Os datos cos que se adestran os sistemas e a falta de diversidade nos equipos de investigación son as claves.

[gciencia]

Todas as correntes levan ao CIM - Corrente 1

Estreamos o primeiro episodio de “Todas as correntes levan ao CIM”, un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Neste primeiro capítulo falaremos da biodiversidade e servizos ecosistémicos coa investigadora Beatriz Mouriño, que resultou gañadora do IG Nobel de Física. O seu estudo demostra que os peixes contribúen á produción de turbulencia e mestura oceánica nas rexións costeiras, polo que o papel que xogan na distribución de calor, nutrientes e osíxeno é máis importante do que se pensaba.

[gciencia]

As comunicacións vía satélite: que son e como funcionan

Que son as comunicacións vía satélite? Como funcionan? Cales son as súas principais vantaxes e inconvenientes? O investigador Fernando Agudo Agelet resolve todas as dúbidas arredor da principal alternativa ás comunicacións terrestres no novo episodio do pódcast de GCiencia en colaboración co Centro de Investigación en Tecnoloxías de Telecomunicación (atlanTTic) da Universidade de Vigo.

[gciencia]

O teu móbil escóitate? Estas son as tecnoloxías que hai detrás dos teus dispositivos

A Internet das Cousas (IoT, polas súas siglas en inglés) é un proceso mediante o que os teus dispositivos se conectan á rede para a transferencia de datos. Non só o teu teléfono móbil, tamén o teu asistente virtual ou a información que ofreces para facer unha compra en liña. Cales son os riscos e beneficios desta hiperconectividade? Como mellora a nosa vida? Como se garanten os nosos dereitos como usuarios? Estas e moitas outras preguntas respondémolas en O teu móbil escóitate? Estas son as tecnoloxías que hai detrás dos teus dispositivos, o novo episodio de pódcast de GCiencia en colaboración con atlanTTic, o Centro de Investigación en Tecnoloxías de Telecomunicación da Universidade de Vigo

[gciencia]

É realmente necesaria unha lei sobre intelixencia artificial?

A intelixencia artificial rexe unha gran parte de ámbitos da nosa vida cotiá e laboral pero aínda non hai unha lexislación que regule o seu uso. A Unión Europea aprobou en xuño o proxecto de lei sobre este tecnoloxía, co obxectivo de garantir a seguridade da cidadanía e dos usuarios. Pero... É realmente necesario? Abordamos esta cuestión no cuarto episodio de O Descodificador, un pódcast de GCiencia en colaboración co CITIC. Nesta ocasión contamos con Patricia Faraldo, doutora en Dereito da Universidade da Coruña.

[gciencia]

A saúde dos solos galegos

Non todos os residuos permanecen na superficie e son tanxibles. Nitratos, pesticidas e antibióticos que se filtran poden chegar ás augas e posteriormente ao ser humano. A evidencia científica demostra diariamente que a contaminación non só é un problema de plásticos, Analizámolo con Rosa Mosquera, catedrática de Producción Vexetal, a voz experta da USC que nos pon ao día sobre as últimas investigacións neste eido e sobre o nivel de contaminación dos solos galegos

[gciencia]

Que son os robots autónomos? Riscos e beneficios para o futuro

No terceiro episodio de O Descodificador, un pódcast de GCiencia en colaboración co CITIC, entrevistamos ao investigador RIchard Duro. Líder do proxecto PILLAR-Robots, busca con esta iniciativa conseguir que os robots sexan o máis autónomos posible pero... Que implicacións, tanto positivas como negativas, pode ter de cara ao futuro?

[gciencia]

Protonterapia: Un disparo no corazón do cancro

O Centro de Protonterapia de Galicia estará operativo en 2025. Asentarase en Santiago e contará cunha área destinada exclusivamente á investigación, o que o converterá nun referente europeo. Falamos con dous expertos na materia, Faustino Gómez e Pablo Aguiar da USC, que nos explicarán todos os detalles desta terapia e os preparativos que se están a realizar para recibir a nova tecnoloxía que, esperemos, cubra a demanda que existe e cure a moitas persoas en Galicia.

[gciencia]

O recuncho da IA

Intelixencia artificial é un dos conceptos que máis se repite ultimamente nos medios. Acapara portadas de xornais e aparece na televisión en prime time. Pero tamén protagoniza conversacións cotiás. Quen non probou xa Chat GPT? Este é o mellor exemplo do que poden ofrecer os sistemas de intelixencia artificial pero, tamén, dos riscos que supón. Como enfrontan nas escolas redaccións feitas con este chat bot? Ou artigos científicos dentro da academia? O recuncho da IA é un pódcast de GCiencia en colaboración con Atlanttic, o Centro de Investigación en Tecnoloxías da Telecomunicación da Universidade de Vigo. Neste episodio abordaremos da man dos científicos José Luis Alba, Rebeca Díaz, Jaime González e Andrea Busto para que serve a intelixencia artificial e en que debemos enfocar a investigación neste eido.

[gciencia]

A ética, a tarefa pendente da intelixencia artificial

Chat GPT revolucionou a informática, os medios e ata se podería dicir que a sociedade. Os últimos avances da intelixencia artificial eran impensables hai tan só uns anos. Pero máis alá da novidade e dos potenciais riscos e beneficios, moitos expertos piden que se regulen estes novos sistemas. Cales son os pros e contras? Cal é o camiño que debe seguir a ética no eido da intelixencia artificial? Neste novo episodio de O Descodificador, o pódcast de GCiencia en colaboración co CITIC, falamos cos expertos en intelixencia artificial Verónica Bolón e Carlos Gómez.

[gciencia]

Chegará a alerta por seca en Galicia?

Este novo episodio de Investigar na USC responde á pregunta que leva por título: Chegará a alerta por seca en Galicia? Para facer unha análise completa da cuestión, entrevistamos a Alberto Martí, profesor de xeografía. Conversamos con el sobre as reservas de auga en Galicia, os plans das institucións e as medidas de aforro, o tipo de consumo de auga por parte dos galegos, a conciencia ecolóxica, o fenómeno 'El Niño' e moito máis.

[gciencia]

Como se mide a contaminación lumínica?

Un equipo do CITIC desenvolve un fotómetro para medir a contaminación lumínica. É máis barato que os que hai actualmente no mercado e tamén é open source. Máis alá do seu uso por parte de institucións e afeccionados, os investigadores buscan concienciar á poboación sobre os riscos deste tipo de contaminación. Primeiro episodio de O Descodificador, con Daniel Boubeta Portela e José Carlos Dafonte Vázquez

[gciencia]

Que nos queda por facer para romper a fenda de xénero?

As desigualdades entre homes e mulleres tamén chegan á ciencia. Que se pode facer para romper a coñecida como 'fenda de xénero'? Falamos coas investigadoras galegas Verónica Bolón, Susana Ladra e Ana Belén Crujeiras, que achegan a súa perspectiva como académicas e mulleres.