Blabbers of a Beast

One mad Man who thinks he can roam worlds beyond his own , engineer, project manager, self proclaimed musician and photographer..and kind of stubborn Cairo - Egypt.. Find me on Twitter - @GraveSpirit

[gravespirit]

غزل بنات..

زمارة بتاع غزل البنات صوتها جايب الشارع كله.. تفتكر نفسك وأنت عندك بتاع ست سنين وسمعت صوت الزمارة السحرية وتروح جري لجدو تقول له أنا عايز غزل بنات يا بابا حليم.. بابا حليم كان طول عمره راجل عجوز.. تدخين هيستيري وعصبية غير منطقية..  تولع سيجارة وتفتكر نسختك من ماقبل التاريخ لما كان عندك ست سنين وإحساسك بالذنب الفظيع وأنت بتسرق السجاير من علبة جدو.. وترميها من الشباك علشان خايف على صحته ومش عايزه يروح السما دلوقتي.. وتضحك .. على قد عصبيته وقدرته المنعدمة إنه يظهر أي حنان.. كنت عارف إن تقريبا مافيش حد بيحبك قده.. "حاضر يا حبيبي." وينزل بابا حليم يغيب نص ساعة يدور على غزل البنات ويطلع مايردش على جدتك وهي بتتخانق معاه وفي ايده غنائم انتصاره في المعركة.. كيسين قطن بيتاكل مسمينه غزل بنات..  جاب أكياس بمبى مع إنك مش بتحب البمبى.. بس تتكسف تقول له كده علشان شكله مبسوط وتعبان وعرقان من اللف في الشارع في الحر ده.. يكمل خناق مع جدتك وفي النص يبصلك وإنت قاعد على الكنبة قدام التلفزيون مجبر تتفرج على الماتش مع خالو مع إنك مش بتحب الكورة.. بس بتاكل من الكيس الأولاني.. وبوستك على خده الأسمر المجعد لسه غالبا معلمة.. ويسيب الخناقة ويضحك.. مات بابا حليم بعد سرطان متعب.. وتفتكر زعلك من ربنا وأنت بتقول له إنه أناني علشان خد بابا حليم معاه مع إنك مش موافق.. وتقرر تعاقبه بإنك تخاصمه وتبطل صلاة علشان مايعملش كده تاني.. وتفتكر بعدها بكام سنة إنك مابطلتش صلاة.. ولا هو بطل يعمل كده تاني.. آخر مرة شفت غزل بنات كان بعدها بيجي خمسة وعشرين سنة.. بياع في التحرير اللي حضروا اشتباكات محمد محمود عارفينه كويس.. الدنيا والعة من حواليه وهو ماشي وسط الغاز بلفة اكياس غزل بنات.. معظمها بمبى برضه .. ماشي في هدوء ورتابة عبثية وسط ساحة حرب... وبيزمر برضه.. وبرضه تضحك تاني والغاز عامي عينيك.. تقفش تسلسل أفكارك في النص.. إيه يا عم الجو ده مالها قالبة نوستالجيا كده الليلة دي! تفكر تنزل تجيب غزل بنات احتفالا باللحظة.. بس تفكر إنك مش عارف البياع وصل لفين دلوقتي.. وتكسل.. تفتكر تاني الراجل اللي نزل وهو عنده بتاع خمسة وستين سنة علشان يبسطك.. ماعلينا.. الله يرحمه ويرحمهم جميعا..

[gravespirit]

صباح آخر جمعة في نوفمبر لعام الرب 2013 ..

صباح آخر جمعة في نوفمبر لعام الرب 2013 .. صباح تاني لطيف جدا الحقيقة.. أول بصة في المراية تتفاجيء بابتسامة لسة مستغربها واخدة وشك بالعرض.. خير خير.. قهوة ساخنة و جرعة دخان من تبغك المفضل اللي كنت بتدور عليه من زمان.. أم كلثوم في الخلفية بصوت مش عالي قوي .. وإحساس إن الصباح كله جزء من حلم طيب مكمل معاك من امبارح.. علاء عبدالفتاح كالعادة اتقبض عليه وغالبا مراته اتضربت برضه.. من كتر التكرار حفظنا إن دي علامة في الزمن بتحصل لما السلطة بتتجنن و تقرب من الانهيار..  .. ~ .. كل ليلة وكل يوم .. أسهر لبكرة في انتظارك يا حبيبي.. ~ .. التايم لاين كله مليان محاولات بائسة وحزينة من "شباب الاخوان" - كالعادة بنفس نص الكلام - للتصالح ولم الشمل.. كلهم نسخ كربون من بعض.. تقرر إن الرد والنقاش أصلا مالوش أي لازمة من بابه.. معلش كل واحد دماغه مريحاه.. ,..~ .. صولو قانون عبقري في طلعة أغنية معرفهاش للست..~ مين الوحش اللي بيلعب ده؟ صورة لبيجامة السيسي.. اللي وصل بشكل ما للبس البيت بتاع الست المصرية.. ستاتنا حاليا بيتبهدلوا ويتلمسوا ويمكن يغتصبوا في الشارع.. نشاط محبب للعيال والشباب والصيع وقوات الأمن على حد سواء.. وفي بيتها لابسة السيسي واحنا لسة فاكرين نفسنا رجالة وملو هدومنا.. حاجة تكسف والله.. وإحساس قذر بالعجز.. .. ~ .. قربك نعيم الروح .. ونظرتك سهم .. ~ ..  هو أنا إزاي مابسمعش الست دي كتير؟ أخبار الكوكب كلها مأساوية.. وداخلة تحت تصنيف السريالية .. نشجب ونندد بمذابح سوريا ونعمل سبوبة من الأسلحة الكيماوية.. تركيا وكردستان بيتفقوا إزاي هيبيعوا بترول العراق والعراقيين على سبيل الاحتجاج بيموتوا بعض.. امريكا وإيران اكتشفوا إنهم حبايب والاسرائليين كالعادة في ساحة المسجد زي كل أسبوع.. تولع سيجارة وأنت مقتنع إن الكوكب المفروض ينفجر كله بس لسة موجود بمعجزة ما.. ..~.. إزاي يا حبيبي إزاي اوصفلك قبل ماحبك كنت إزاي..~.. * أنا واحشني أسمع ريشة Mohamed Samer Aonogy وهو متسلطن واحنا على المسرح.. الراجل ده عظيم! تعمل كباية قهوة تاني.. وتعيد تجميعة الست من الأول.. احنا كبرنا ولا إيه! المصريين لسه بيكتشفوا اليونيفورم فتيش بس لسة مش واخدين بالهم.. وفي السكة بيحاولوا يقنعوا نفسهم إن البنات فعلا ماخدوش 11 سنة في بلالين.. بين تبرير وبين أي هري إن ال -11 سنة مجموع أحكامهم... بؤس! ..~.. خليني جنبك خليني في حضن قلبك خليني.. وسبني أحلم.. سبني..~.. بداية حياة في الشارع والمصريين بيصلوا الجمعة وبيخرجوا من القداس.. أهم حاجة يفضل شكلنا متدينين مش مهم أي حاجة تانية.. هو الناس اللي بتعبد الشمس كانوا بيعملوا إيه يوم الجمعة؟! تولع سيجارة تاني.. هي السجاير بتخلص بسرعة كده ليه؟ سيبك سيبك.. احنا نعلي صوت الست اللي اكتشفناها تاني من الأول دي ونشوف الكوكب ده هيعمل إيه..

[gravespirit]

and he stood in front of the young eager to play musicians and said: " We begin with Beethoven's Opus 131. It has seven movements and they're all connected. For us, it means playing without pause, no resting, no tuning.. Our instruments must in time go out of tune each in its own quite different way.. Was he maybe trying to point out some cohesion, some unity between random acts of life?  What are we supposed to do, stop or struggle to continuously adjust to each other up to the end even if we are out of tune?  I don't know.. "

~ A Late Quartet

[gravespirit]

صباح الأول من سبتمبر - القاهرة

صباح مشمس شكله لطيف.. صحيح صاحي على دوشة حد قرر يحفر في الأرض الساعة سبعة الصبح.. بس النهار والمزاج مش بطال خالص.. جميل في الحقيقة نمسك الخشب

*** ناس كتير شكلها رايق و أكيد مش رايحين الشغل.. مبتسمين و بياخدوا قهوة في كافيه مشهور في حي راقي.. جو أوروبي النزعة أو على الاقل بيحاول

*** مزيكا لطيفة وسيجارة في العربية - حاسب.. هاتلبس في المقطورة

- الله يخرب بيته.. بيهبب إيه ده ماشي في عرض الطريق!

تقرب من السواق وأنت مقرر أنه لازم يتضرب بالرصاص.. تبصله.. تلاقيه تقريبا قرص ترامادول طلعله بني آدم.. ويصعب عليك..

***

ترمي عقب السيجارة وتقفل شباك عربيتك تاني علشان هوا التكيف الساقع يعزلك عن صهد الكوكب.. راجل عجوز لسة عايش وقادر يقف بمعجزة: -ساعدني يابيه بأي حاجة ربنا يستر طريقك.. 

*** مطبات وحفر وعربيات وزحمة وناس ماشية في نص الشارع على إنه طرقة بيتهم.. وتفكر جديا تديهم التحية الشهيرة بمراية العربية.. - بس هو الرصيف مافيهوش مكان يمشوا عليه فعلا.. حتى لو حاولوا! 

*** مصطفى كامل بيغني أسوأ حاجات في التاريخ.. كم مرعب من الاغاني يخليك متأكد إنها اتكتبت واتلحنت واتوزعت واتسجلت في ربع ساعة.. وبمعجزة مش قادر افهمها..الناس بتسمع!

*** حُط السماعات وشغل فريق روك قديم حنين كنت نسيت إنه موجود أصلا لحد ما واحد صاحبك عمل بوست لأغنية نسيت إنها كانت مفضلة عندك.. - بس هو ليه ماحدش جايب سيرة سد النهضة بتاع أثيوبيا؟ - كان جزء مهم من ضرب مرسي تحت الحزام ومالوش لازمة دلوقتي.. صحيح مرسي أكتر واحد استاهل ضرب تحت الحزام في العالم.. بس مابنقولش على النت.. وبعدين ماما بتحب السيسي!

*** - بس القاهرة فعلا من أكتر مدن العالم تلوث.. احنا عايشين بمعجزة.. تهز راسك وتوافق وتولع سيجارتك مع تالت كباية قهوة..

*** - إيه أخبارك يابني؟ وإيه أخبار المزرعة اللي كنت عايز تعملها تعيش فيها في الزقازيق؟ - يا اخى الله يحرقك بحواراتك و حياتك دى.. أنت فين يا زفت؟

***  750 واحد خدوا تجديد حبس لكشة واحدة - ممكن آخد سندويتش فراخ على الجريل مع جبنه بارميزان من فضلك؟ - نورت مكانك يا فندم..

[gravespirit]

عن 30/6 الغل والحسد لكل اللي حسم موقفه..

حبة جد بقى..بقالي كتير قوي في مزنق جوه دماغي بخصوص بكرة.. اليوم ابتدى بحلم لطيف.. لحماس وواقع بيتحقق.. للخبطه وسخافة ..  و كالعادة لما مابعرفش أفكر.. باكتب.. تسلسل الكتابة بيجبر مخي إنه يرتب افكاره ويفهم فيه إيه بالضبط.. من ناحية أنا فعلا مابحبش العنف ولا الدم.. وكل المرات اللي اتحشرت فيها في احداث أو اشتباكات كنت واقف بتضرب وبس وانتصاري كان إني مخافش أو بمعنى أصح.. إني أفضل واقف حتى وأنا خايف.. وفشلت إني اجبر نفسي إني ارمي طوبة.. حتى وأنا شايف العنف والغل والعطش للدم في الطرف اللي قدامي.. دايما كان جواية فكرة إن اللي قدامي في الاخر عسكري شطرنج.. واخد فلوس أو اوامر أو مضحوك عليه ومتعشم بجنة وكام حورية تبل ريقه في العيشة الهباب اللي هو عايشها .. والفكرة كانت بتاخد مساحة كبيرة جدا جوه دماغي وبتمنعني من اذيته حتى وأنا متأكد من رغبته مش بس قدرته إنه يقتلني لو قدر.. ومن ناحية تانية.. اليوم فعلا بيتركب من قبل مايتم.. عندنا ايتام البيادة اللي هيموتوا على حكم عسكري يمشيهم بالكرباج.. العبودية دايما أسهل ودايما اقرب لدماغ وتفكير المصري.. وعندنا ايتام مبارك اللي حتى لو ماكانوش مستفيدين من فساده بشكل مباشر.. بس حظهم السعيد خلاهم في الطبقة اللي قادرة تتعايش وتخلص مصالحها بالمعارف والفلوس.. طبقة.. أنا منها.. بعيد جدا عن معاناة الفقر والمرض واحتمال التعذيب والإغتصاب في اقسام الشرطة.. واضح جدا إن القوة اللي ورا الستارة عايزه اليوم يقلب لعنف ودم .. تمهيد طريق إن الجيش يمسك البلد.. في الوقت اللي فلول مبارك فعلا كلهم "على الاسفلت" بفلوسهم ومعارفهم وشبكة بلطجية وشرطة قادرة إنها تعمل أي حاجة.. بس في نفس الوقت نظام الاخوان تعدى مرحلة إنه خطر احتمال يحصل.. الناس دي فعلا بتلبس البلد في الحيطة تماما.. وحتى على المستوى الشخصي بتدمر كل اقتنعاتي بالحرية في أسلوب حياة الاشخاص وبترعى الارهاب والتقسيم ولو البلد مانهارتش اقتصاديا ودخلنا مرحلة البزرميط.. هنخش في مرحلة اقتتال أهلي وقتل على الهوية أو الانتماء الفكري أو السياسي.. كاره جدا إني أنا وأصحابي نبقى عساكر شطرنج.. نموت في معركة هدفها تمكين الجيش والمحافظة على شبكة مصالح وفلوس اعقد من اننا نفهمها.. وفي نفس الوقت كاره جدا إني دي تكون حجة واقعد في بيتنا وأنا شايف نظام اخواني بيقتل حلم في بلد عندها كل القدرات إنها تقوم على رجلها.. كاره جدا إني انزل في يوم ممكن يقلب الوضع فيه قاتل أو مقتول.. وفي نفس الوقت لو قعدنا في بيتنا احنا فعلا كلنا يا إما مقتولين.. يا إما عبيد عايشين زي ما هما عايزين في كل تفاصيل حياتنا .. حاولت اقنع نفسي إني مش شخص بيفكر لبعيد كده.. وإني شايف الاخوان كابوس فـانزل اتخلص منهم وبعدها ربنا يحلها.. بس فشلت.. يمكن السن أو الخبرة أو أيام تقيلة عشتها.. بس مابقتش عارف احسب ببساطة كده..  الخلاصة؟ الله يلعن الاخوان ومرسي وشيوخهم و كلابهم.. دمروا فرصة إن البلد دي تقوم بينا كلنا وحطتنا في فعلا اختيارات كلها زي الزفت.. لو قاعد في بيتكم وضميرك مستريح.. أنا بحسدك.. ولو نازل المظاهرات وضميرك مستريح.. برضه أنا بحسدك.. ياللا كله خير.. أنا دلوقتي نفسي في بطيخة ساقعة وبكرة ربنا يحلها.

[gravespirit]

عن الايمان والمعجزات ومثل هذه الأشياء!

لسّه مش قادر استوعب حجم النقاش و المجهود الضايع و العصبيه فى اثبات او تفنيد موضوع النور اللى بيخرج من قبر المسيح كل سنه.. السؤال الحقيقى.. هتفرق؟؟  بمعنى.. لو انت مختار تؤمن بأى حاجه هل فعلا محتاج "معجزه" تؤكد ايمانك؟ و لو انت مختار عدم الإيمان كده كده أى حاجه هتحصل قدامك هتعرف تفنّدها و تهدّها من بابها.. الخلاصه.. فكرة الإيمان فى حد ذاتها بأى اله و أى دين و أى فلسفه فيها قوه غير مرئيه أكبر من حدودنا كبشر هى فكره يستحيل اثباتها أو نفيها بشكل قاطع.. و الموضوع كله فى الآخر بيقع على اختيار الإنسان انه يؤمن أو لأ كجزء من حساباته و اختياراته علشان يعرف يعيش.. الموضوع مش مستاهل نقاش أصلا.. لو انت مؤمن النقاش ملوش معنى.. و لو مش مؤمن النقاش مفيش منه فايده عليك.. سيب كل حد من اخواتك فى السلاله يختار هيعيش عمره ازاى...الحياه لوحدها مش سهله و ملهاش لزمه تهد قناعات أو دفاعات حد.. مش ناقصه و الله.

ما علينا.. صباح الفل :)

[gravespirit]

أعزائى شركاء الوطن.. تحيه طيبه و بعد

أعزائى شركاء الوطن.. تحيه طيبه و بعد/ ثانيه.. الجمله دى بايظه.. تصحيح: رساله الى البشر (فقط احتراما للصفه التشريحيه اللى بتحطنا ضمن فصيله الهومو زفت سابين) اللى لسبب مش فاهمه لقيت نفسى عايش وسطهم على حتة الأرض اللى بنضحك على نفسنا و نسميها وطن. تحيه على قد نيّتكم و بعد/ 1- عزيزى المسيحى.. والله عارف ان "الرب يدافع عنكم و انتم صامتون" و "احبوا اعدائكم و باركوا لاعنيكم" بس ممكن كمان نفتكر ان المسيح عنّف و زعّق و طرد اللصوص و المرابين من الهيكل؟ بمعنى تانى.. بس لما تبقى قوى و اللى بيعتدى عليك واقع تحت ايدك و رحمتك.. وقتها بس تسامحك و محبتك يبقالهم معنى و قيمه.. غير كده حضرتك هتفضل ماشى جنب الحيطه لحد ما الحيطه تتطربق على دماغك و تدفنك تحتها.. 2- عزيزى المسلم الوسطى.. والله خلاص عرفت ان الإسلام دين تسامح و ان الرسول وصى على النصارى و من آذى ذميا فقد آذانى.. بس تفتكر كلامك.. اللى هو على عينى و راسى.. ليه أى قيمه وسط المهذله اللى بتتعمل باسم دينك دلوقتى؟ شايف اللى بيحصل غلط انزل صلّحه.. و اسمحلى اغلس عليك و اسألك هل موقفك هيبقى بنفس التضامن لو اللى بيتفشخ فى الشارع بهائى وللا هندوسى؟ لو الإجابه لأ اعرف انك طائفى برضه بس تفسيرك مختلف مش أكتر.. و تبقى مش بتتضامن مع الحق.. لأ انت برضه بتدافع عن دينك بس من وجهة نظر مختلفه.. 3- عزيزى الملحد و اللادينى.. معلهش انا عارف ان الوقت مغرى جدا انك تورينا قد ايه الأديان وحشه.. بس استحمل شويه و اخرس دلوقتى.. الدم يخلص و نقعد نهيص زى ما انت عايز.. 4- عزيزى الإخوانى.. بلاش عزيزى دى مش ناقصه كدب هى.. و اللى بيدافع عن الإخوان بس بيحلف انه مش اخوان.. فكرة انك أصلا ليك عين تتكلم دلوقتى ما يتقلقش غير خلى عند اهلك دم.. انت مش فاهم انه قدامك شويه و هتمشى تبص وراك فى الشارع؟ 5- العن فئه.. الرجل الفاتر/العقلانى/المحايد/العلق .. اخص عليك و على المرايه اللى بتبص فيها كل يوم و على مراتك اللى لسه مفهماك انك راجل.. انا معنديش حلول.. ولا فى ايدى اغيّر.. اللى اعرفه ان فيه ميت حلّ و خطه معموله لتنضيف الداخليه و تطبيق القانون.. و ألف مقترح بعقوبات عنيفه ضد خطاب الكراهيه.. بس اللى برضه عارفه ان لا الرئيس ولا الحكومه ولا الجماعه عايزين يحلوا المشكله.. و صراحه بصراحه..ايوه عارف اننا شعب ضعيف مبيعرفش يحس برجولته غير لما يستقوى.. على مراته بقى وللا على الأقليات وللا حتى على كلب ضال فى الشارع.. الحل؟ اغضب الأول يمكن تفوق و بعدها نشوف هنحلها ازاى. سلام. للى يستاهله.

[monaeltahawy]

August 14, 1932

Anaïs :

Don’t expect me to be sane anymore. Don’t let’s be sensible. It was a marriage at Louveciennes—you can’t dispute it. I came away with pieces of you sticking to me; I am walking about, swimming, in an ocean of blood, your Andalusian blood, distilled and poisonous....

[gravespirit]

The Revelation of Sonmi 451 - Cloud Atlas

"

To be is to be perceived, and so to know thyself is only possible through the eyes of the other. The nature of our immortal lives is in the consequences of our words and deeds, that go on and are pushing themselves throughout all time. 

Our lives are not our own. From womb to tomb, we are bound to others, past and present, and by each crime and every kindness, we birth our future. I believe death is only a door. When it closes, another opens. If I care to imagine heaven, I would imagine a door opening. And behind it, I would find him there. Waiting for me.  Fear, belief, love. Phenomena that determine the course of our lives.These forces begin long before we are born and continue after we perish. "

[gravespirit]

a Dance of Light..

[gravespirit]

عاركة في خمارة

تفتح التايم لاين وتولع سيجارة وتتفرج على تفاصيل احداث بقت تقريبا عاملة زي عاركة في خمارة كل اللي فيها عارفين ومستنيين اللحظة اللي الكرسي هايترزع فيها في الكلوب وتقلب ضلمة..  وييجي على بالك المشهد الاجباري بتاع كل أفلام الأكشن ..البطل ينقذ البنت اللي واخدة جرحين في اماكن استراتيجية من وشها ومايضرش لو كم الفستان اتقطع .. ياخدها من ايدها ويمشوا ..ومن وراهم أي حاجة من ممتلكات شرير الفيلم بتنفجر وهم مايبصوش على الانفجار اللي بالحركة البطيئة ..  تضحك مش قادرتفهم إيه اللي جاب المشهد الكليشيه ده في دماغك وإنت بتتابع أخبار بلد الدم مطرطش على كل حتة فيها.. وتكتشف إنك بتمارس الحيلة الشهيرة.. كل كام يوم لما الدم والقهر يزيد عن قدرة احتمال انسانيتك بتفصل .. بتتعامل مع الاحداث كأنك مش جزء منها ولا عايش في نفس البلد وقاعد على بعد كام كيلو أو حتى يمكن جوه العاركة و الأحداث .. وتحمد ربنا إن آخر حيلة دفاعية جوه دماغك لسة شغالة علشان تحميك من الجنون كمصير محتوم..  متزعلش لو حسيت إنك مش حاسس.. ده مش معناه إنك مش مهتم.. بالعكس.. ده غالبا معناه إنك مهتم قوي لدرجة إن مخك محتاج يحميك.. شوية صغيرين وهتكون جاهز ترجع تاني.. ربنا يدينا ويديك النفس الطويل 

:)

[gravespirit]

Sweet Kill..

[gravespirit]

" In the slaughter house of love, they kill only the best.. none of the weak or deformed..

Do not run away from this dying.. whoever is not killed for love is dead meat.. "

~ Rumi

[gravespirit]

.. and in times our leaders deny footage captured on video, lie with poker pig faces, focus their efforts on killing all possible form of freedom and dignity and have their pass time dwelling in their sexual frustrations and women's breasts that evolved from being unclean to being covered in mud..THIS was happening on the other side of the planet!

http://www.theverge.com/2013/2/20/4008180/google-glass-ui-previewed-in-new-video

[gravespirit]

المجد للغلاسة

 افتكرت لما من كام سنة كنت في بيروت.. وقد إيه كنت مستغرب ثقافة الناس اللي حياتها الطبيعية شغل وسهر وفرفشة ومظاهرات واشتباكات وأخبار ضرب.. ومكنتش فاهم إزاي عايشين الحياة الهيستيريه دي عادي جدا كإن مفيش أي حاجة... 

  بقى جزء طبيعي من حياتنا إنك تبقى مرتب الدنيا هتمشي إزاي لو مت.. وإزاي دايما تحاول تبقى صافي ومش شايل من أي حد علشان في كل نزوله من دول إنت عارف إنك ممكن مترجعش..

  مهندسين وولاد ناس وبقينا بنعرف نوع السلاح من صوته.. واتعلمنا بالطريقة الصعبة يعني إيه كر وفر.. جيل كامل كبر ونشف بدري.. واتعلم يعني إيه يحمي واحد جنبه ميعرفهوش.. زي ماحد برضه ميعرفهوش حماه هو شخصيا قبل كده.. جيل اتعود يمشي في جنازات لاصحابه ويحلف ياخد بتارهم.. جيل بيبقى مسحول ضرب وتعذيب وخارج بيضحك ويهتف ضد اللي مسكه وبهدله.. 

  جيل سقفه بقى فوق قوي.. مابيقبلش بأنصاف الحلول ولا الرمادي بتاع العواجيز.. شايف الحق حق وبيزعق في وش التخين.. من أكبر راس في دينه لحد رئيس الدولة شخصيا..جيل متمرد على نفسه.. بيتحدى افكاره هو شخصيا.. بيغلي ويطحن في الشارع كل يوم.. بيتعلم من الراجل الغلبان اللي جنبه قبل اللي معاه دكتوراة.. جيل بيكبر قوي.. وعضمه بينشف قوي.. وفي عز الغم قادر يحب ويشتاق ويعطف ويشارك اللقمة.. 

  الجيل ده مش هيعرف ينحني ولا ينهزم.. فا ملوش غير إنه يا يوصل.. يا يموت.. وأعتقد إن احنا كتير قوي إنهم يعرفوا يموتونا كلنا.. ولحد مانوصل هنفضل احنا الشوكة اللي في جنب كل واحد من الرمم يفكر يحاول يركبنا..

  المجد للغلاسة :)

[gravespirit]

Wahaj..

..وهج..

" The time has come to turn your heart into a temple of fire.. Your essence is gold hidden in dust.. To reveal its splendor, you need to burn in the fire of love.. " ~ Rumi Home, Cairo February 2013 © Beast’s Eye - 2013

[gravespirit]

الاسئلة الغلط..