١٥حاجه تعملها في الحظر وانت في البيت
.ازيكم يا جماعة عاملين ايه أنا حابب أتكلم النهاردة على الحاجات اللي نقدر اننا نعملها من البيت بعد قرار الحكومة بحظر التجول علشان تحد من أنتشار فيروس كورونا بحيث وقتنا فى البيت يكون له لازمة و مش ضايع على الفاضى.
الاستفادة من الوقت ده هتختلف من شخص للتانى فيه أشخاص بيحبوا يقضوا وقتهم انهم يتعلموا حاجة جديدة أو انهم يعرفوا معلومات جديدة و فيه اللى بيكون عايز يشتغل على لياقته البدنية و مش عارف يروح الجيم و فيه النوع اللى أنا منه عايز حاجة اسلى بيها وقتى و خلاص بغض النظر أذا كنت هستفيد و لا لأ.
1.كورسيرا
هبدأ مع الناس اللى عايزة تستفيد فيه كورسات كتير ممكن تاخدوها أونلاين من كورسيرا فى كل المجالات و بعضها اما بتخلص الكورس تقدر تاخد شهادة انك اخدت الكورس ده و فيه منها 3800 كورس مجانى
2.كامبريدچ
كمان جامعة كامبريدچ اتاحت الدخول على أكتر من 700 كتاب تعليمى من كتبهم للطلبة اللى عايزين يدرسوا و يتعلموا. بسبب الضغط على الموقع، موقفينه الفترة دي وهيرجع يشتغل تاني قريب
3. Open Culture
عليه كورسات كتير أونلاين ببلاش بالأضافة لكورسات أوديو و كتب و أفلام وثائقية تعليمية Open Culture
4. NASA
وكالة ناسا للفضاء فتحت مكتبتها للناس علشان يقدروا يدخلوا على الميديا اللى فى المكتبة مجانا
5.The International Documentary Film Festival Amsterdam
تقدر تشوف تشكيلة كبيرة من الأفلام الوثائقية من على موقع المهرجان الدولي للأفلام الوثائقية أمستردام
6. The French Experiment
تقدر تتعلم و تعلم أولادك اللغة الفرنسية عن طريق قصص مبسطة للأطفال من موقع The French Experiment
7. شيزلونج
حتى شيزلونج قدمت جلسة علاج نفسى مجانية للمصريين اللي محتاجين خدمة العلاج النفسي في كل أنحاء مصر بسبب اللى احنا فيه ده
8. باولو كويلو
المؤلف باولو كويلو نزل بعض الكتب ليه بالأنجليزى و البرتغالى و الأسبانى علشان الناس تقراهم مجانا
9. متاحف
تقدر تاخد 12 جولة أفتراضية لمتاحف حوالين العالم
- British Museum, London - Guggenheim Museum, New York - National Gallery of Art, Washington, D.C. - Musée d’Orsay, Paris - National Museum of Modern and Contemporary Art, Seoul - Pergamon Museum, Berlin - Rijksmuseum, Amsterdam - Van Gogh Museum, Amsterdam - The J. Paul Getty Museum, Los Angeles - Uffizi Gallery, Florence - MASP, São Paulo - National Museum of Anthropology, Mexico City - The Louvre
10. تمارين فى البيت
أما الناس اللى عايزة تتمرن و محرومة من الجيم يقدروا يعملوا تمارين فى البيت و متابعة التمارين ديه
11. Netflix
أما بقى الناس اللى عايزة تتسلى و خلاص ممكن يشتركوا فى نيتفلكس هتلاقوا كميات مهولة من الأفلام و المسلسلات.
في جوجل كروم Extension بتديلك الفرصة انك انت واصحابك تقدروا تشوفوا اي حاجة على نتفلكس مع بعض من غير ما تكونوا في نفس الأوضة
12. Coloring Books
ممكن تلونوا فى كتب تلوين بتضيع وقت برضه
13. Global Radio
اسمعوا محطات راديو من أماكن مختلفة فى العالم
14. محميات طبيعية
اتفرجوا على 33 محمية طبيعية حوالين العالم
15. ديزنى
اأتفرجوا على جولات أفتراضية من ديزنى
مفيش عندكم انترنت أو انترنت بتاعكم محدود، تقدروا دايما تعملوا حجات كتير. قراية الكتب مفيش أحسن منها. انك تقعد مع أهلك برده خاصة أنها انقرضت دلوقتى و أحلى مع كوباية شاى أو قهوة و بسكويت اتفرجوا على التليفزيون أو اسمعوا الراديو، العبوا يوجا، جربوا افتكاسات و أكلات جديدة فى المطبخ من برامج الطبخ فى التليفزيون، اتصلوا بصحابكم و قرايبكم اللى بقالكم كتير متكلمتوش معاهم، تقدروا تتخيلوا و تكتبوا قصص، ستجموا فى البلكونة فى الشمس و الهوا القعدة ديه دماغ. جربوا تصلحوا حاجة كانت بايظة من زمان عندكوا جربوا انكم تعملوا حملة نضافة فى البيت و تنضفوا كل حاجة. طبعا الناس اللى عندها بلاى ستيشن أو اكس بوكس .مش عايزين كل الكلام ده
أهم حاجة فعلا انكم متنزلوش من بيوتكم فى الظروف ديه إلا للضروريات
# Stay Home # Stay Safe