Indo de modernos.

Deseño, fotografía, música, ilustración... As tendencias artísticas da Galicia moderna.

[indodemodernos]

Onte estivemos na inauguración do novo Portal 48, un espazo que pretende dar cabida ós novos artistas e colectivos dos arredores de Pontevedra e que ten como finalidade crear sinerxias entre o arte e as relacións humanas.

O novo espazo encóntrase na Avenida de Lugo, en Pontevedra e conta cunhas amplas instalacións onde podemos atopar dende obxectos de artista ata un skatepark indoor, onde os xa coñecidos Flying Rats poderán a partir de agora patinar aínda que a chuvia non o permita. 

Dentro do novo espazo encóntranse como colectivos o propio Portal 48, Producciones Mutantes , O'ras, Bolboretas de papel e Flying Rats, co mencionado skatepark. Ademáis contará con un plató de televisión e maquinaria para facer serigrafías, estampación... 

Con toda este conxunto de cousas molonas como non, Indo de modernos tiña que estar presente, así que alá fomos! 

Sen dúbida creemos que este novo espazo vai contribuír aínda máis a un espírito creador da cidade, onde sairán novos talentos artísticos e novas relacións profesionais. Desexámoslle toda a sorte do mundo! Noraboa! 

[indodemodernos]

Hoxe en Indo de modernos queremos presentarvos un proxecto máis que interesante: The Acoustic Mirror. 

The Acoustic Mirror é un proxecto de grabación de concertos acústicos nado na cidade de Pontevedra. O colectivo está formado por Yago Camarero e Miguel Puerto, antigos estudantes da Escuela Audiovisual de Vigo.

Ámbolos dous decidiron xuntar nun so espazo as súas paixóns, a imaxe e a música nun proxecto en conxunto e por iso decidiron crear este colectivo, ao que foron engadíndose máis persoas como Simón Martínez.

A finalidade é sinxela: dar a coñecer o panorama musical local e dos arredores facendo sesións en acústico que posteriormente difunden para que os artistas podan ter o recoñecemento que se merecen e poidan chegar lonxe coas súas cancións.

Ata agora polas súas cámaras e micros pasaron artistas como Óscar Avendaño, Gonzalo Arca, The Cillit Band ou Querido Extraño, entre moitos outros. 

Podedes botarlle unha ollada ao resto do repertorio a través do seu Tumblr e a súa páxina en Facebook. A qué agardades? Dalle o play! 

[indodemodernos]

Hoxe retomamos o noso Tumblr para presentarvos o excelente traballo de David Fidalgo Omil.

Este rapaz de Lugo é formado na facultade de Belas Artes en Pontevedra, e actualmente está a cursar o segundo ano do Máster en Álbum ilustrado e ilustración.  As súas curtametraxes e o seu traballo gozan dunha sinxeleza no contido pero logran transmitir diferentes emocións ao longo da súa duración. Xa dende neno sabía que o mundo que máis lle gustaba como profesión era o da animación, e como non seguindo a súa vocación hoxe en día é ao que se dedica. 

Expuxo múltiples dos seus traballos en diferentes exposicións e festivais, participando por exemplo no festival Baixada Animada (2012) ou tamén no festival de Cans 2013 coa súa curta "Luna, te quiero". Ademáis gañou os premios ao mellor corto de animación que outorga a Universidade de Vigo durante os anos 2010, 2011 e 2013 cos seus traballos "Una vida animada", "That's life" e "Play", respectivamente. Tamén o primeiro premio no concurso a nivel galego Novos Valores 2012 e o premio ao mellor corto de animación da Universidade de Burgos coa curta "Animación por animación". 

Participou ademáis en exposicións tanto a nivel galego como nacional destacando Ikasart 2012 en Bilbao, Bienal de Lalín (2011), a exposición "Do final ao comezo" celebrada en Pontevedra". Expuso ademáis no premio de Novos Valores ou a exposición "Entresijos" 2013 celebrada tamén na capital pontevedresa. 

Todos estes premios e recoñecemientos non serven para máis que para catalogar a David como un verdadeiro artista. Deixámosvos con un dos seus proxectos titulado "Luna, te quiero" se non antes mencionar que podedes botarlle unha ollada ao seu canal. A qué agardades?

[indodemodernos]

Xa temos os gañadores do Sorteo de dous packs de Cosas.zine. En primeiro lugar queremos darvos grazas a todos os participantes aínda que non conseguiran algún dos dous premios. 

E en segundo lugar queremos dar parabéns a Luis Navarro e a Miguel Anónimo, que son as dúas persoas que lévanse á súa casa un pack dos fanzines. 

1 Pack Cosas.zine. Inclúe: 1 Exemplar de "Cosas con las que no debes salir de casa", unha lámina "Manual para habitar", unha lámina "La falda", unha lámina "Rajoy division" e duas pegatinas de "Superguay": Luis Navarro. 

1 Pack Cosas.zine. Inclúe: 1 Exemplar de "Cosas con las que no debes salir de casa", una lámina "Manual para habitar", unha lámina "La falda", un "Rajoy fan pack" cunha lámina e unha pegatina: Miguel Anónimo.

Felicidades para os dous. Para facer oficiais os premios tendes ata mañá mércores para falar connosco e acordar algún punto de recollida ou as vosas direccións no caso de que teñamos que enviárvolos. No caso de que non faledes connosco faremos un novo sorteo de maneira inmediata para obter un novo gañador sen incluír os nomes dos actuais. 

 Moitas grazas a todos! 

[indodemodernos]

Hoxe e con motivo de que no noso Facebook chegamos aos cincocentos "me gusta" queremos celebralo presentando e sorteando dous packs de Cosas zine, unha revistiña que pretende facer un catálogo de cousas nimias e un tema en común que sirve como fío en cada un dos seus números.  

O seu primeiro número titúlase "Cosas con las que no deberías salir de casa" e nel propóñense iso, unha serie de obxectos cos cales non deberías saír á rúa dando unha explicación absurda e cargada de humor e ironía. 

Indo de modernos quere premiar aos nosos lectores primeiramente dándolles as grazas por confiar en nós e no noso criterio e por outra banda sorteando un pack de dous números individuais de "Cosas zine" máis dúas láminas de Miguel Ángel Acosta e Manuel Bouzas. Tamén unha serie de pegatinas e láminas feitas por Álvaro Montes, rapaz que xa mencionamos no noso blog. 

Para participar tan só tes que darlle a me gusta na nosa publicación en Facebook e responder a unha sinxela pregunta: ¿Con qué obxecto nunca sairías da túa casa e porqué?. Entre todos os participantes farase un sorteo ao azar e os dous nomes resultantes son os que se levarán os dous packs a súa casa. Tedes ata o luns 9 de setembro para participar (inclusive) e o martes día 10 daranse os nomes dos gañadores. 

Recordemos que cada un dos packs están compostos por: 

- Un exemplar de Cosas zine "Cosas con las que no deberías salir de casa". - Unha lámina de Manuel Bouzas titulada "Manual para habitar". - Unha lámina de Miguel Ángel Acosta titulada "La falda". - Pack de láminas e pegatinas por Álvaro Montes. 

Animarvos a participar e grazas a todos os que colaborades por facer que Indo de modernos siga adiante! Grazas! 

[indodemodernos]

Hoxe queremos presentarvos o traballo do vigués Carlos Portas, un rapaz que está a dar que falar con tan so vinte anos. Ten a técnica da acuarela dominada á perfección e é capaz de transmitir sensacións cos seus debuxos sinxelos sen enchelos de elementos secundarios. Traballando en disciplinas como a ilustración, o graffiti ou o retoque fotográfico, Carlos  vai construíndose un portfolio que seguro que a máis de un lle encantaría ter.

A nós encántanos o seu estilo persoal e sinxelo e estamos convencidos de que chegará lonxe. Podedes botarlle unha ollada ao seu traballo a través do seu perfil en Behance e ver se estades de acordo connosco. A qué agardades? 

[indodemodernos]

Esta pasada estivemos no Marisquiño, celebrado na cidade de Vigo. Formato onde se combinan diferentes deportes de risco como o skateboarding ou o BMX, cumpre o seu trece aniversario e estivo cheo de sorpresas, bo ambiente e moita calor neste mes de agosto.

Durante os tres días que durou este festival desprazáronse millares de persoas procedentes de multitude de países. Non soamente os participantes das diferentes modalidades, habendo rusos, xente de Estados Unidos, Portugal ou Arxentina, senón tamén entre o público asistente, que aproveitou a ocasión para visitar a cidade. 

Skate, BMX, Breakdance, Graffitti, ou MTB foron unhas poucas das modalidades presentes no festival, o que levou que participaran centos de persoas en cada unha delas e ofrecer un espectáculo diferente e divertido. O público participou activamente en todas e cada unha das modalidades, e para eles houbo tamén regalos e sorpresas.

Ademáis houbo un mercadillo onde participaron diversas tendas e colectivos da zona, vendendo os seus produtos e servizos e sorteando tamén regalos entre os asistentes.  Tamén concertos para amenizar as noites da cidade con grupos como Carbon Airways, Million Bucks ou Les Castizos, que fixeron vibrar o porto vigués as noites do festival. 

Indo de modernos xa leva anos asistindo a este festival que cada ano supérase con creces, a pesares dos malos tempos que corren económicamente falando, que obrigou a organización a prescindir nesta ocasión dun dos seus módulos máis vistos na pasada edición: O chimpo do carallo, unha megarampa para facer manobras de todo tipo en skate ou BMX.

Aínda así este ano a organización estivo impecable, tanto en cuestións de a construcións dos parques das modalidades como nos premios e nos concertos ofrecidos. 

Esperamos con moitas ganas a celebración do Marisquiño XIV e que siga habendo a calidade que hai sempre en cada unha das competicións que se celebran neste festival galego made in Galicia.

[indodemodernos]

Hoxe queremos presentarvos o traballo do pontevedrés Álvaro Montes. Traballando en numerosas disciplinas como son os collages, o debuxo, a fotografía ou o deseño gráfico, este rapaz destaca pola súa orixinalidade na combinación de imaxes e a súa capacidade de narrar cunha linguaxe puramente visual.

Tamén é moi doado a utilizar o humor mediante a creación de pegatinas, en forma de crítica aos esteriotipos da sociedade e sobretodo ao afán de consumir grandes marcas. 

Combinando técnicas dixitais coas tradicionais consegue un resultado diferente aos dos seus condiscípulos, dominando o tratamento das imaxes que manipula. Podedes botarlle unha ollada ao seu humilde traballo a través do seu blog. A qué agardades?

[indodemodernos]

Esta pasada fin de semana estivemos na segunda edición do festival Portamérica. Celebrado en Nigrán (Vigo), este formato que xa causou moito balbordo o ano pasado volveu a cumprir expectativas. 

Un recinto máis grande esperando un maior aforo cá súa xornada predecesora e unha chea de grupos que ofreceron un espectáculo único e variado.

Artistas como Arizona Baby, os ingleses Editors, os platenses Él Mató A Un Policía Motorizado, os clásicos Lori Meyers ou os repetidores nesta segunda edición Vetusta Morla deron como resultado tres días de festa, con sol, praia e gratas experiencias.  Tamén moitas sorpresas, coa aparición in extremis de artistas como Xoel López e Iván Ferreiro que sorprendéronnos cun par de cancións entre concerto e concerto. Tamén Eladio y Los Seres queridos, tocando xusto antes do concerto de Vetusta Morla.

Ademáis nesta ocasión a organización tamén contou con varios postos de mercadillo e con sesións de auténtica mestría gastronómica por parte do colectivo Nove, unha asociación de cociñeiros de vangarda que conta con 22 membros e nada máis e nada menos que con 9 estrelas Michelín. Nomes como Pepe Solla ou Yayo Daporta fixéronse soar a bocados durante toda a xornada. 

Boa música, bo ambiente, boa compañía e grata esperiencia. Esperamos con entusiasmo a terceira edición deste festival que xa dende hai tempo que promete. Agardámosvos! 

Fotografías: Álvaro Montes.

[indodemodernos]

Esta fin de semana estivemos nas segundas xornadas de autoedición no Liceo Mutante de Pontevedra. O evento coñecido como Grapo grapo reuniu a diversos artistas e colectivos para amosar e vender o seu traballo e todo tipo de obxectos para os amantes da filosofía do "Faino ti mesmo". Colectivos como os skaters Flying Rats, Firecream, Cosas Zine, ou artistas como Pepa Loba, Cardos Bueu ou Tayone foron unha pequena mostra do que aconteceu durante este fin de semana de verán. 

Nós esperamos que se celebren máis edicións deste interesante proxecto organizado polo Liceo Mutante. Unhas xornadas cheas de talento e moito arte. 

Fotografía: Manuel Bouzas Barcala.

[indodemodernos]

Onte estivemos no Pecha Kucha Night celebrado en Pontevedra no Portal 48. Unha sesión cargada de boas propostas e de moi diversas fontes de inspiración como a arquitectura, o skateboarding, a publicidade, o ganchillo...

Dende unha discográfica relacionada co mundo underground e a autoedición de cassettes como Seara Records ata Círculo Polar, que organiza diversos talleres onde pretenden combinarse diferentes disciplinas artísticas como a estampación de selos ou a ilustración. Tamén Freshysweet, unha axencia de publicidade junior que recentemente fixo unha campaña de captación de alumnos para a Universidade de Vigo. Ou Flying Rats, un colectivo de skaters interesados pola creatividade e os cales fabrican os seus propios módulos para patinar. 

Moitas foron as propostas, todas igual de boas e nós quedámonos con máis ganas de Pecha Kucha. Un bo ambiente rodeado dunha boa compañía a organizadora, a xa mencionada en anteriores posts Maya Kapouski fixo de anfitrona en conxunto co espazo de creación de arte Portal 48.

Quedamos todos encantados e esperamos unha nova edición do Pecha Kucha Night en Pontevedra nos próximos meses. Bótadelle unha ollada ás fotos da sesión a través do perfil en Facebook da organización. A qué agardades?

[indodemodernos]

 Seguramente máis dunha vez non soubestes qué fotografía de perfil poñer nas túas redes sociais. Hoxe presentámosvos a solución definitiva: Instachán.  Fotografías con calidade de estudio e made in Galicia ao 100% que pretenden conseguir un novo rostro para ti e camelar aos teus amigos no Facebook, no Twitter ou onde ti queiras. 

Básicamente trátase de mellorar a imaxe da xente da rúa nas redes sociais e así parecer máis modernos e ter por fin unha foto de perfil como Deus manda. Se queredes saber máis sobre a iniciativa podedes seguilos no seu perfil en Facebook e o seu Pinterest. A qué agardades?

[indodemodernos]

Hoxe retomamos o noso blog para presentarvos unha nova produtora audiovisual. Chámase Nexus Videoworks e están a facer videoclips para artistas locais como Querido Extraño, con raíces folk e country. A pesares de ser unha nova produtora teñen gran experiencia no sector e esperan presentar próximos proxectos pronto.

Aínda que están a empezar teñen o noso apoio incondicional para saír adiante nestes tempos de crise, onde a creatividade e o esforzo son valores indiscutibles. Moita sorte para eles! 

Nós deixámosvos con "El hombre castigo" de Querido Extraño. A que agardades para botarlle unha ollada?

[indodemodernos]

Neste (breve) día de descanso queremos presentarvos o son de Thee Blind Crows.

Son un dúo pontevedrés de garaxe/blues/punk que beberon durante anos de multitude de bandas, sobre todo de grandes como The Black Keys ou Cramps, para crear un son único cada vez máis primitivo.

A forza e a entrega destes dous rapaces lévalles a salas de case toda Galicia onde sorprenden cada vez que soan en directo.

Namoraron ó publico e xurado do Fest 2013, celebrado en Pontevedra, do que resultaron vencedores. O premio, un videoclip do cal disfrutaremos proximamente.

As datas próximas para disfrutar deles, soan de cara ao verán, de momento deixámosvos con un concerto en directo.

Podedes seguir as súas andaduras en Facebook ou escoitalos en bandcamp e myspace.

[indodemodernos]

Hoxe queremos presentarvos as fotografias de Juan Vidal, un xove fotógrafo nado en Ferrol.

Gústannos con especial entusiasmo o seu traballo, coas súas instantáneas con esceas coidadas, fruto do actuar da natureza en conxunto coa civilización humana. Os seus encadres arriscados e o seu uso da luz fan que as súas imaxen destaquen por sí mesmas. 

Este xove rapaz coruñés está a dar oidas no mundo, aparecendo en numerosas revistas e artigos, e nós non queríamos ser menos! Podedes botarlle unha ollada ao seu traballo a través do seu Flickr, Facebook e mercar algunha das súas instantáneas a través da súa tenda en Etsy. A qué agardades? Veña! 

[indodemodernos]

Hoxe traémosvos o traballo da ilustradora Natalia Umpiérrez. Combinando un estilo máis natural e orgánico con outro máis sucio e desenfadado, esta ilustradora afincada en Pontevedra realiza o seu traballo como forma de expresión dun xeito irónico e cínico. Mentres tanto, Natalia tamén realiza colaboracións de diversa índole como o son os posters de concertos do Liceo Mutante, asociación pontevedresa que está a loitar pola cultura e música a nivel galego dun xeito formidable.

Podedes encontrar máis das súas referencias a través do seu blog. Botádelle unha ollada! 

[indodemodernos]

Hoxe presetámosvos o traballo de Siloseno estudio. Deseño gráfico, tipografías moi orixinais e cun certo ton irónico da man de Bernardo Paz Codesido. O seu estilo destaca pola espontaneidade e as ideas simples, pero sempre gozando de gran orixinalidade, sendo creativas todas as pezas que Bernardo fai.

Podedes botarlle unha ollada ao seu traballo a través da súa chula páxina web. A qué agardades? Veña!