- Bu gün ən sevindiyim hadisə evdən qriphot tapmağım olub.
Çoxdandı yazmadığımən fərqindəyəm. Düşündüm bu gün hiss etdiklərimi harasa qeyd etməliyəm ki, unutmayım.
1 həftə əvvəl göz əməliyyatı olmuşam. 20 illik eynək istifadəsinə son qoyuldu. Əməliyyatdan sonra 5 gün Bakıda qalıb geri Varşavaya gəldim, gəldiyimin 2ci günündə qripəm. Xəstə olduğumu ailəmə bildirmədim ki, əməliyyat sonrası narahat olmasınlar.
Bu gün evdə xəstə yatanda düşündüm ki, özümü heç bu qədər tək hiss etməmişdim. Qrip səbəbilə olan baş, göz ağrısı əməliyyatdan sonra göz quruluğuna qarışıb, tuta bilmirəm ki hansına görə ağrıyıram.
Keçən dəfə bir tanış xəstə olanda zoğal mürəbbəmi ona aparmışdım, səhər yadıma düşdü ki, zoğal hələ ondadı. Yazdım soruşdum ki gətirə bilər, dedi az qalmışdı, bitib. Amma dönüb soruşmadı zoğal nəyinə lazımdı.
Dostlar söhbət qrupunda görüşək deyəndə dedim xəstəyəm, eyni evdə olan dostum qapımı açıb demədi, necəsən. Biri xəstəyəm deyəndən sonra da axşama nəsə plan qurmaq istədi. Sonra da dönüb soruşmadılar necə oldun.
Özümə gələndə evdə qrip dərmanı axtardım, gördüm tapmıram. Yenə söhbət qrupunda soruşdum kimdə qriphot var. Dedilər artıq evdən çıxmışıq. Qeyri-iş günündə bütün qonşuluqda açıq olan tək aptekdə növbə gözləməmək üçün özümü inandırdım ki, mən onsuz heç vaxt qriphot içən olmamışam.
Bütün günümü uzanaraq səssiz səmirsiz keçirəndən sonra axşamüstü bir ümid baxdığım səyahət çantasından qriphot tapdım. Bu gün sevindiyim tək şey bu ola bilər.
Həkimdən hər şeyi soruşmuşdum, amma əməliyyatdan nə qədər müddət sonra ağlamaq olar soruşmağı unutmuşdum.
Qriphotu içib uzanmışam və hələ də heç bir tanışım soruşmayıb ki, necəsən..
Mən heç vaxt qavramların qarışdırılması tərəfdarı olmamışam, ailə kimiyik ifadəsini də sevməmişəm. Bu gün də gördüm ki, ailə ailədi, dost dost və heç kim sənə ailə ola bilməz öz ailəndən başqa.
Bu da özümə not olsun, qayıdıb blogu oxuyanda yadım düşər.
stormborns
vaporwave
discoholicmusic
yousharknotpass
romaincrisis
