The Calamanseed

Dela Cruz | Evardone | Pangantihon

[malamansi-blog]

Isa. Isang halaman ang aming napagpasiyahang itanim. Dalawa. Dalawang layunin ang dapat naming magawa, ang makapagpatubo ng halaman at i-blog ito. Tatlo. Tatlong naglalakihang mga tao ang nasa likod nitong mga blog. Apat. Apat na paso ang aming tinaniman, inalagaan, at tinyagang palakihin ang mga kalamansi. Lima. Limang kalamansi ang pinitas upang kuhain ang buto nito at itanim. Anim. Anim na araw ang hinintay at muntikan nang mawalan ng pag-asa. Pito. Pito ang butas ang nilagyan ng mga buto ng kalamansi. Walo. Walong taong walang sawang sumubaybay at sumisilip sa progreso ng aming halaman. Siyam. Siyam nalinggong walang sawang nag-aruga at nag-uulat ng pag-laki nito sa blog araw araw. Sampu. Sampung halaman ang aming napatubo sa sampung paso, lahat ay buhay at patuloy na lumalago. Isa, Dalawa, Tatlo, Apat, Lima, Anim, Pito, Walo, Siyam at Sampu. AGOSTO 15, 2017 Mabibilang sa daliri ng kamay. Hanggang doon na lang.  Maliit, maikli, sulit ang hirap at pagod na inalay namin upang ma-update lamang ang aming blog. Lahat talaga ay may katapusan. Tulad nito, ito na ang huling mensahe namin para sa lahat ng sumubaybay sa amin.  Laking pasasalamat namin dahil tumubo ang aming pinakamamahal na kalamamsi. Mabagal man ang paglaki nito, magiging matayog din ito balang araw.  Ayawan niyo man ngayon, pagsisisihan niyo sa takdang panahon. Kapag ang kalamansi namin ay tumanda, ito ay laging may asim pa. Malungkot kami dahil ito na ang huli para sa atin. Ito na ang huling mensahe mula sa aming pangkat. Nawa'y nasiyahan kayo sa aming blog at sa halaman. Nagpapasalamat din kami kay Sir Genesis, kung hindi dahil sa kaniya, hindi namin makukuha uun. Salamat sa mga tumulong para sa aming blog upang maisakatuparan ito.  Malapit na magtapos ang aming  huling pahina at nauubusan na rin kami ng sasabihin. Muli Kaming Tatlong kalamansi (Malamansi)  maalaga at maaalalahing mga kaibigan. Kaming tatlo ay lubos na nagpapasalamat dahil nakarating na tayo sa araw na ito ngunit nakalulungkot rin isipin na huling post na ito. MABUHAY!!! MULA SA TATLONG MGA BIIK NAGPAPAALAM. DELA CRUZ • EVARDONE • PANGANTIHON

[malamansi-blog]

Calamansi Funfact #6 Minsan, kailanga nalang talaga natin magpakasaya para labanan ang kalungkutan. Hayy, second to the last post :(

[malamansi-blog]

Adobong Pork Ribs in Calamansi

KainangPinoy dishes out the video recipe of Adobong Pork Ribs in Calamansi. Calamansi, also known as Calamondin, is a citrus fruit from the Philippines which...

Kain Tayo!

Masyado nang nagiging madrama ang blog na ito magmula ng lumisan si FranSIX Crick upang manirahan pansamantala sa aming paaralan. Hindi masustansya para sa katawan ang malungkot at mamroblema ng sobra tungkol sa mga bagay bagay. Alam namin na nararamdaman niyo rin ang kalungkutang aming nadarama kaya naman ngayon ay magbabahagi kami sa inyo ng isang putahe na makakapagpaalis ng ating kalungkutan. 

Sabi nga nila, kapag ikaw ay nalulungkot, ikaw ay mangulangot. Pero joke lang yun, ako lang ang nagsabi nun. Ang tunay na sinabi ng ating mga lola ay kapag tayo’y nalulungkot ay ikain na lamang natin ito. Kaya naman tara na’t magluto na tayo ng Adobong Pork Ribs in Calamansi!!

[malamansi-blog]

Lemon Water at Calamansi Water, at 10 Kakaibang Health Tips - ni Doc Willie at Liza Ong #353

Lemon Water at Calamansi Water, at 10 Kakaibang Health Tips Video ni Doc Willie Ong at Doc Liza Ong LIVE (4/11/17, Part 2) #353 1. May konting benepisyo ang ...

12 Agosto 2017

Ilang linggo lamang ang nakaraan mula ang aming blog post tungkol sa paggawa ng kalamansi water. Ngayon naman ay nais naming ipaalam sa inyo ang mga benepisyo ng pag-inom nito. Panoorin ang video na ito nina Doc Willie at Liza Ong! 

[malamansi-blog]

CALAMusta Mundo nati'y pinaglayo. Sa aking piling Ika'y wala ngayon. Nag-iisip; Nangangamba. Iyong kalagayan Tila wala ng katiyakan. 'Di ko lubusang maisip Kung paano ka nabubuhay? Na wala na ako sa iyong tabi; Ang tanging nag-aalaga sa iyo. Ang siyang nagbibigay ng iyong pangangailangan. Pagka't simula nang ika'y mawalay Mistulang nawala ng parang bula Mga dahilan upang ako'y patuloy na mabuhay. Naiinis. Nagagalit. Tila wala akong magawa. Tanging kaya ko na lamang gawin Ay Sambitin ang mga salitang "Kamusta ka?" AGOSTO 11, 2017 BIYERNES SANTO (BLACK FRIDAY) Ito ay isang pag-alala para sa Kalamansing nahiwalay mula ka kaniyang mga mahal sa buhay. Si FranSIX Crick ay napunta sa aming paaralan at doon siya nakapirmi. Ito ay para sa kaniyang ikabubuti. Subalit ang kapalit nito ay mawawalay siya mula sa kaniyang mga mahal sa buhay na ngayo'y nangungulila at bumubulong sa hangin kung kamusta na ba siya. Sa ngayon din ay patuloy pa rin ang paglaki ng aming mga halaman. Gayon din si FranSIX Crick na nasa Paaralang Pang-Agham ng Lungsod ng Las Piñas.

[malamansi-blog]

Lima.

Limang beses kitang tinitignan kada araw

Sinisigurado kung maayos ba ang lagay mo

O kung may problema ba

Lima.

Limang sigaw ang aking nasambit noong namasdan ko ang pagusbong mo

Hindi ko mapigilang mapangiti

Hindi ko kayang hindi maging masaya, o hindi maging maligaya

Lima.

Limang patak ng luha ang tumulo sa aking mga mata

Sa sandaling kinuha ka nila sa akin

Hindi ko na alam paano pa magiging kagaya ng dati

Sapagkat ngayon ay nagbibilang na

Ang lima.

Limang araw bago ka tuluyang mawala. 

10 Agosto 2017

Limang araw na lamang ang natitira bago tuluyang magwawakas ang aming blog. Hindi man katuwa- tuwa ang balita na ito, sana ay subaybayan ninyo ang huling mga serye namin bago ang pagtatapos. Sama-sama tayong mag-alala ng mga panahon kasama ang mga Calamansi bago pumatak ang ika-15 ng Agosto.

[malamansi-blog]

Visit Original Link

CalamanSING with me 🎤 🎤

Kung liligaya ka sa piling ng iba At kung ang langit mo Ay ang pag-ibig niya Tututol ba ako kung kagustuhan mo? Sapat na ang minsa'y minahal mo ako May bakas ka bang nakikita sa aking mukha? Masdan mo ang aking mata, mayro'n bang luha May hinanakit ba ako sa 'yo Sa palagay ko'y wala Ginusto mong magkawalay Wala akong magagawa

Bakit - Imelda Papin

09 August 2017

May mga bagay talaga na kailangan nating bitawan. Mga bagay na kailangan nating parayain para na rin sa kabutihan ng lahat. Oo, mag-iiwan ito ng sakit at katanungan sa ating puso’t isipan ngunit kailangan nating makuntento. Matuto na lang tayong magpasalamat para sa mga oras na nakapiling natin ang mga bagay na naging malapit sa atin. Mahirap umasa, ngunit wala namang mawawala kung ipagdarasal natin na bumalik ang mga lumisan. Nangungulila na ang mga kapwa scientist ni FranSIX Crick sakanya. Nasasabik na rin sila sa inaasahan niyang pagbabalik.

[malamansi-blog]

Nagdaan ang mga araw Na tayo'y magkapiling. Loob ko'y patuloy mong napupukaw, Sa sayang 'yong hatid na sadyang nakahuhumaling. Bata pa ang oras para sa ating dalawa. Sa dalawang sabay na patuloy na nabubuhay. Titiyaking sa mundo ko'y ika'y di mawawala. Pagkat iyong paglisan ay sa loob ko'y s'yang papatay. AGOSTO 08, 2017 Sa pagpapatuloy ng pagdaan ng mga araw ay siya ring patuloy na paglaki at pagtayog ng mga halaman. Ang ika-anim na halaman na si FranSIX Crick ay nahiwalay sa kaniyang kasamahan at ngayo'y nakalagak sa aming paaralan sa Mataas na Paaralang Pang-Agham ng Lungsod ng Las Piñas. Maghiwa-hiwalay man ang mga halaman ay para rin ito sa kanilang ikabubuti. Tila mabagal ang paglago ng aming mga halaman kung ihahalintulad sa mga halaman ng ibang mga pangkat. Gayumpaman, tiyaga at oras lang ang aming kailangan at tiyak mas magiging matayog pa ang aming halaman.

[malamansi-blog]

Ang buHAIKU

Sa isang iglap

Haplos ng iyong yakap

Huling Paalam

07 Agosto 2017

Isang nakapanlulumo na pangyayari ang naganap kanina sa paghihiwalay namin sa isa sa aming mumunting halaman. May mga bagay talagang kailangan mong isakripisyo para sa ikabubuti ng lahat, gaya ng halaman na ito kapalit sa grado ng aming grupo. Hindi namin malilimutan ang lahat ng oksihenong naibigay samin ng calamansi na ito sapagkat maaaring mawala ang isang bagay sa piling mo, pero hinding-hindi maglalaho sa iyong puso’t isipan, paalam, Calamansi.

[malamansi-blog]

Katuwa-tuwang Katotohanan patungkol sa Calamansi #6

[malamansi-blog]

05 August 2017

Kung mapapansin ninyo, ang halaman naming ito ay matingkad ang pagka- berde. Ito ay dahil sa kanyang chlorophyll o ang pigment na nagbibigay kulay sa mga halaman. Matatagpuan ang ito sa chloroplast ng isang halaman. Bukod sa pagbibigay kulay sa halaman, ang chlorophyll ay isa ring importanteng sangkap para sa photosynthesis ng mga halaman. Tinutulungan nitong isalin ang enerhiyang nagmumula sa araw na maging enerhiyang kemikal o chemical energy.

[malamansi-blog]

Tiyaga Magaling sabihin, sinubukang gawin, wala Salitang sa una lang gumagana Halimuyak lang ng bibig ang nagdala Samahan pa ng mapipungay na mga mata. Salitang bumabalot sa akin noon Dadalhin sa harap ng Poon Magkasama dito at doon Nasaan na ngayon? Mga sinabi mo sa akin Tinangay na ng hangin Napunta sa ibang iyong mithiin Sa kaniya mo na binilin. Nahihirapan Nasasaktan Pero anong magagawa ko Ikaw pa rin ang gusto Maghihintay Masasanay Ang nawala na Aasang babalik pa. Magtatiyaga. 04 AGOSTO 2017 Isang maulang umaga ang nagpatid ng uhaw sa aming mga halaman. Ang araw naman ang nagbusog sa kanila. Tulad nila, uhaw kami sa kanilang paglaki. Halintulad ng aming tula. Kami magtatiya. Marahil mabagal ang pagtayog ng aming halaman, naniniwala kami na lahat ito ay lalaki at mamunga. Bagkus, ang patuloy na pagmamahal at pag-aaruga sa aming mga halaman ang siyang magpapatunay sa aming malugod na tiyaga.

[malamansi-blog]

ATNAL

Sakim kung tawagin ang mundo

Hindi lahat ng bagay ay positibo

Mga matang kumikinang ay nagniningning sa luha

Ang bibig na nakangiti ay puro lamang salita

Hindi sa lahat ng pagkakataon ay sasabayan ka ng takbo

Minsan ika’y may pagkakataong gumuho

Mayroon o wala ka mang ginawa

Ang balik sa iyo’ymaaaring biyaya o sumpa

Ngayon, ako’y naririto bilang isang halaman

Unti-unting nagiging tsokolate sa kasalukuyan

Ang bigay ng pag-asang akin ay inihandog

Tila napalitan nang paglaruan ang kapalaran kong bilog

03 Agosto 2017

Labis naming ikinalulungkot na ibalita ang paglanta ng kaunting bahagi ng isa sa aming sampung itinanim na halaman. Hindi namin inakalang hahantong ang munting halaman na ito sa hindi kanais-nais na lagay sa kabila ng aming pagaalaga rito, baka sadyang may mga bagay lamang talaga na kahit gaano mo iniingatan ay sadyang kaya ka paring iwan (BOOM) Gayunpaman, nakikita naming may potensyal pa itong mabuhay at maging malusog muli kagaya ng dati at kagaya ng kaniyang mga kasabayang halaman.

[malamansi-blog]

AGOSTO

Noon at Ngayon

Agosto ko’y ikaw lang,

Magpakailanman.

02 Agosto 2017

Ang mga halaman na aming itinanim halos dalawang buwan na ang lumipas ay patuloy na nagpapakita ng magagandang senyales ng pagtubo. Inaasahan namin ang kanilang mabilis na paglago upang makapamitas na kami ng mga magiging bunga nila.

[malamansi-blog]

KALAMANSI Kailan lang noong itinanim namin kayo, Ang alaga kong puno ng pagmamahal at aruga. Laman lagi ng isip, kapakana'y inuuna. Aligaga sa patuloy na paglaki ninyo. Mga buto pa noo'y, halaman na ngayon. Ang dating lupang tigang, nabuhay dahil sa pagdating niyo. Naging makulay noong tumubo ang inyong mga dahon. Simbolo ng paglaki ninyo ang oras at pagmamahal na ibinuhos namin. Inaasam na kayo'y tumayog hanggang langit at mamunga ang aming pinaghirapan. AGOSTO 1, 2017 Ang agosto ay kilala bilang buwan ng wika. Ito ay ipinagdiriwang upang gunitain at pagbibigay pugay sa wika ng ating Inang Bayan. Ito rin ay nagsisilbing pagkilala sa mga Pilipino. Bagkus, ang aming mga ipapaskil dito ay pawang wikang Filipino lamang. Makikita sa larawan ang pitong halaman ng kalamansi. Mapapansin ang pagtaas nito at pagdami ng mga dahon. Simbolo ito ng aming pag-aalaga sa aming mga itinuturing na anak. Dahil kapag namatay sila, patay na din kami. Biro lamang. Sila ay araw-araw na dinidiligan maliban sa mga araw na malalakas ang ulan na nagsisilbing tagapagdilig nila. Ang mga halaman ng Kalamansi ay inaasahan na lalago at lalaki pa sa paglipas ng panahon. Taon pa ang bibilangin upang ito ay maging isang matayog na puno at mamunga ng mga kalamansi. Ito ang aming ulat sa araw na ito. Antabayanan ang mga susunod pang ulat sa mga susunod na araw. MABUHAY!

[malamansi-blog]

Iisang Mundo

Tayo’y nasa iisang mundo

Iisang galaw, iisang punto

Ligaw sa kamalayan, hanap ay ang dulo

Tanong sa sarili, nasaan na ba ako?

Sabay ng pagkumpas mo ng iyong pluma

Ay and pag-angat ng aking mga sanga

Liko kung saan sa tingin makukuha

Liwanag na inaasam, siya’y palapit na

Tayo’y nasa iisang mundo

Iisang landas, iisang pagtungo

Kaunlaran sa sarili, ikaw at ako

Sabay tayong hahanap, nasaan na ba tayo?

31 July 2017

Ahhhh! The last day of the month, yet not the end for the growth of our beloved calamansi plants. Time was a bliss, just like how fast our plants unveiled their natural beauty and flourish. Each of the plants is still well in condition, watered daily, and shows changes in terms of height addition. Also, after several days of our country being exposed to rainfall, as well as the fact the the months of July, August, and September are known to be the wet seasons, we’ve been expecting ourselves to have a lesser duty in terms of watering the plans since the rain will be responsible for it in the meantime. However, we ensure that we would still provide supervision for the plants’ safety and well - being.

[malamansi-blog]

CALAMANSI FUNFACT #5 Source: http://foodrecap.net/health/calamansi-uses/