Puting Buhangin x Dampalitan x Borawan
Bilang dakilang lakwatsero, nagbiyahe kami ng mga kawork ko mula Batangas hanggang Padre Burgos Quezon marating lang ang Puting Buhangin, Dampalitan at Borawan Island na nadiskubre ko lang dahil sa mga travel blogs na binabasa ko.
Nung una, binalak naming maghanap ng mga package tour para iwas hassle. Pero ang ending, nagpaka backpackers na lang kami para may thrill.
At dahil naka do-it-yourself ang trip namin, natuwa ako nung first time kong sumakay sa mini-bus na biyaheng Unisan. Ang lakas lang makaprobinsya. Yung tipong pag nagpreno, mangangalas yung side mirror, bintana at manibela tapos mahahashtag tuhog ka.
Pagkadating namin sa Brgy. Basiao, sinalubong na agad kami ni Ate Vanessa. Siya yung contact person namin para sa bangkang gagamitin namin para sa island tour. At nakita ko lang din ang number niya sa mga travel blogs na nababasa ko. Buti na lang at provided na nila yung mga lutuan at kaldero na kakailanganin namin para sa 2 days and 1 night adventure.
Kasama si Kuya Ilong na aming bangkero for the day, nagsimula ang aming island tour at around 9 AM. Tinanong ko din si Kuya kung bakit “ilong” yung palayaw niya kung pwede namang “tuhod” o “yagbols” na lang. Pero sabi niya, Carmelo daw ang totoong pangalan niya. “Carmelo = ilong”. Yun na yon guys.
Ang first destination, Puting Buhangin. Ito daw kasi ang pinakamalayo sa tatlong island kaya ito ang inuna namin.
At nagets ko na kung bakit Puting Buhangin ang tawag nila sa lugar. Ieexplain ko pa ba?
Pagkababa ko ng bangka, sa halip na tumulong ako sa pagbabababa ng mga gamit, nagselfie muna ako siyempre. So pinicturan ko paa ko. Magkamukha kami eh.
Ito yung tinatawag nilang Kwebang Lampas. Yan yung tawag sa kanya dahil lampasan yung kweba. Galing ko magexplain right? Pero seriously, para siyang maikling tunnel na pag pasok mo sa loob, lalabas ka lang on the other side. Ito ang pinakatourist attraction ng isla dahil feeling ko, ang sarap tumambay at maglampungan sa loob lalo na kung tirik na tirik… ang araw. Okay?
Dito kami naglunch at nagstay for almost 4 hours. An sarap lang dahil ang gandang pagmasdan ng kulay ng dagat. Sobrang linaw pa kaya naengganyo kaming maligo kahit tanghaling tapat. Kulang na lang laklakin ko yung sunblock with SPF50 wag lang akong mangitim.
At around 2 PM, boat ride naman papuntang Dampalitan Island.( Less than 25 minutes from Puting Buhangin )
Unlike sa Puting Buhangin na puro puno ng niyog, puro pine trees naman dito sa Damplaitan. Mas mahaba din ang shoreline dito kumpara sa dalawang isla.Kaya naman, this is the best place for habulang-gahasa with feelings.
Dito namin naisipang magstay magdamag dahil mas mura ang overnight camping ( 60php ) compared sa Borawan at Puting Buhangin na almost 120 php. Kaya lang, 10pm pa lang pinapatay na nila yung supply ng kuryente kaya obligado kayong mag bonfire para may ilaw kayo sa gabi. Hindi din kase pwedeng magbonfire sa Borawan at Puting Buhangin kaya mas marami talaga ang mas gustong magovernight dito kapiling ang iba’t ibang species ng lamok.
At ang isa pa pinakamagandang part dito sa Dampalitan, kitang-kita mo ang sunset. Meron din namang sunset sa harap ng bahay namin pero dito, dalawang bagay lang yung mararamdaman mo. It’s either, “Hanggang kelan kaya ang forever natin?” o kaya “Ang ganda ng sunset. Ipopost ko to sa instagram.” Those feels.
After dinner, ( salamat sa mga kasama ko na nausukan sa pag-iihaw habang busy ako sa pagseselfie ), bonfire naman. Pero dahil hindi mo ulit ako maaasahan dito, nakatunganga lang ako habang pinagmamasdan ang mga bituin sa langit habang busyng busy rin ang mga lamok sa pagpapak sa legs ko.
Kinaumagahan, after breakfast, dumating si Kuya Ilong para sunduin kami para naman sa Borawan Trip namin.
It was named Borawan dahil sabi nila, pinagsamang Boracay at Palawan daw ito sa ganda. Medyo naconvinced naman ako sa parteng Palawan dahil sa mga astig nitong rock formations. Pero mukhang malayo kung icocompare sa Boracay kung ang magiging basehan ay ang white sand nito.
Sa tatlong isla, masasabi kong ang Borawan ang may pinakamagandang view dahil sa mga limestone formations nito. Mas hygienic pa ang mga CR at paliguan. Pero the best pa ring magswimming sa Puting Buhangin.
Ride a bus going to Lucena like JAM Liner or JAC Liner located in Buendia terminal or Kamias terminal. Estimate fare 210php from Buendia.
Ride a Supreme Bus going to Lucena located in Grand Terminal. First trip is 3 AM. Fare is 115php only.
From Lucena Grand Terminal, ride a mini-bus bound for Unisan and get off at Brgy. Marao or Basiao. Fare is 35php and travel time is around 45 minutes.
I recommend Ate Vanessa as your contact person. He can arrange your itinerary at sobrang accomodating pa niya. Mas okay din kung sa kanila na kayo kukuha ng tent which is half the price compare sa tent price sa Borawan, Dampalitan and Puting Buhangin. Tent Rental costs 300php only. Good for 4 pax.
Ate Vanessa ( 09151067594 )
1,800 - Borawan Island, Dampalitan Beach and Puting Buhangin/Kwebang Lampas
1,200 - Borawan Island and Dampalitan Beach
800 - Borawan/Dampalitan only
Buti na lang at walo lang talaga kami dahil walo lang din ang maximum pasahero na kayang iaccomodate ng bangka.
Backpacking in these 3 island will cost roughly around 1300php only inclusion of transportation, entrance fees, tent rentals, boat rentals and foods. Medyo matakaw pa kami dyan kaya umabot ng ganyan. I suggest na mamalengke muna kayo sa bayan ng Lucena para mas makamura. Pero kung mag aavail kayo ng tour package with the same inclusions, almost 1500php yung magagastos niyo.
This trip is a perfect getaway para sa mga katulad kong ayaw masyadong lumayo ng Metro Manila. May mini-Boracay experience ka na, may mini-Palawan experience ka pa.
kianamaiart
gummygunk
origamiaround
