Prizmanın Başqa Üzü

[perviz-alioglu]

Mühazirlərində " Namusa Təcavüz " dən danışacaq vəya danışmayacaq.

Ələkrəm Hümbətov . Azərbaycanın hal hazırdakı gündəmi. Ələkrəm Hümbətovun Ermənistana səfəri hərkəsin ağzını açıq qoydu. Hər ağzın açıq qalması hər sözün çıxmasına səbəb oldu. Doğrusunu desəm Ələkrəm Hümbətovun bu qeyri adi səfəri mənə vız gəldi. Hətta güldüm deyə bilərəm. Səbəbi ; 1. 1992 – 1993 cü illərdə Qarabağ uğrunda döyüşlərdə fəallığı və qəhrəmanlıqları ilə dastanlara çevrilən “Talış Batalyonu” nun komandiri Ələkrəm Hümbətov idi. O komandir və o batalyon ermənilərin qorxulu rüyasına çevrilmişdi. Halhazırdakı Fizuli rayonunun Qoradiz qəsəbəsi və bir sıra kənd və rayonu 73 günlük işğaldan qurtaran , yüksək əsgəri taktikaları ilə çoxlu erməni əsgərinin ölümünə səbəb olan və ən əsası işğal olunmuş Azərbaycan torpaqlarından zərrə qədər də olsa geri qaytaran yeganə insan Ələkrəm Hümbətov deyilmi ? 2. 1993 – 1994 cü illərdə həbs olunmuş siyasi dustaqlar içində məhbuluğunu , cəzasını çəkdikdən sonra vətənindən qovulan yeganə insan Ələkrəm Hümbətov deyilmi ? 3. 20 il əvvəl çoxlu ermənini qanına qəltan edən və halhazırda alnı açıq başı dik Ermənistanın üniversitetlərində , erməni gənclərinə mühazirə oxuyacaq qədər cəsarətli yeganə insan Ələkrəm Hümbətov deyilmi ? Bugün xalq Əlikram Hümbətovun Ermənistana getməsini xainlik kimi dilə gətirir. Bu adamı Dövlət rəsmi şəkildə vətən xaini çıxardaraq , vətənindən ,evindən qovub. Sizin vəya hamımızın ona xain deməsi onun üçün nə yazar ? Bu insan vətəndaşlarını qırdığı ölkəyə cəsarət edərək gedib. Bunun üçün anlamaq lazımdır ki, Ələkrəm Hümbətovun bizə görə xainliyi başqa prizmadan qehremanlığına çevrilir. Fərqli Nüanslar Mən bir Lənkəranlı vətəndaş kimi Ələkrəm Hümbətovun 1993 cü ildə “Talış Muğan Respublikası” adında dövlətçilik iddiasına düşməsini şiddətlə pisləyir, cənub bölgəsinin halhazırda iqtisadi və sosyal cəhətdən çox geridə qalmasını , onun yanlışlarının nəticəsi kimi görürəm. Ələkrəm Hümbətov Ermənistanda Talışşünaslıq barəsində universitetlərdə mühazirə oxuyacaq. Bu onun hələ talışçılıq xülyalarında olduğunu göstərməkdədir. Eyni zamanda bu qədər əziyyət və zillətdən bezməyərək hələ də öz mübarizəsini davam etdirdiyini göstərir. ƏL QƏRƏZ : Ələkrəm Hümbətov Ermənistana səfəri haqqında özünü haqlı çıxaracaq bir sıra fikirlərə sahib olduğu məlumdur. Ama imkanım olsa idi ona şəxsən bu sualı vermək istəyərdim. “ Yoldaş Hümbətov Ermənistanda Talışşünaslıq mühazirələrinizdə , 1918 ci il 31 martda ermənilərin talış bölgələrində , babalarınızı , nənələrinizi , o vaxtkı körpələri necə öldürdüklərini, (olubsa əgər) namusuva təcavüzlərini” təsvir edə edə izah edə biləcəksənmi? Əgər iddiasında olduğunu bu talışçılıq tarixini doğru deye bilməyəcəksənsə , bugünkü cəsarətin qorxaqliğa çevrilib səni xain edəcək. Yox əgər doğruları deyib erməni gəncləri bizə istehza ilə güldürəcəksənsə yenədə xain olacaqsan. “Əhməd Haradadır” filmində övladlarından şikayətlənən qudaların dialoqunda belə bir söz var. “Gör hələ mənim qızım nə deyir”. Bugün Ələkrəm Hümbətovun Ermənistana səfərini xainlik kimi izah edənlər sizə sual edirəm. 2 gün əvvəl Azərbaycanın Xarici İşlər nazirinin “ Biz Ermənistana kömək etməyə hazırıq” açıqlamasına ,fikrinə nə deyəcəksiniz? Siz Ələkrəm Hümbətovun Ermənistana getməsini pisləyən zaman ,dövlətimiz neft borularının Ermənistandan keçib getməsini müzakirə edir. Haqqı Var.

[perviz-alioglu]

Fəzail Ağamalı və Hakimiyyət Üçün Facebook Qorxu Duası

Bu araşdırma bir saatımı aldı. Yəni Bir saat yetir xalqın müxalifətə olan etibarını və güvənini görməyə. Bir saat yetir "liderlərin və liderciklərin"  boş danışdıqlarını hiss etməyə. Bir saat yetir Fəzail Ağamalı və hakimiyyətə qorxu duası yazmağa. Və bir saat yetir öz fikirlərimin doğru olduğuna yenidən inanmağa.

Ama deyil bir saat , günlərdir , aylardır , illərdir boş vəədlərə qulaq asan çox azda olsa yenə bu xalqdır. Hətta o qədər azdır ki, bütün nüfuzlu müxalifət təmsilcilərini bəyənənlərin toplamı, sadəcə xalq artisti belə olmayan bir müğənnini vəya bir ucuz geyim və telefon mağazasını bəyənənlər qədər deyil. Telefon mağazası belə bu xalqa müxalifətdən daha çox fayda verməkdədir.

Vəziyyətin gərgin olduğunu və nüfuzun hərgün düşdüyünü anlayan, müxalif lider , çox əziyyət çəkmədən , sadəcə video kameranın düyməsinə toxunaraq özü üçün videoxütbə verir. Sonra bu xütbəni youtube vasitəsi ilə yayımlıyaraq xalq üçün böyük bir fədəkarlıq etdiyini deyir və buna özü belə inanır. Daha sonra isə "liderciklər" həvəsə düşərək özlərinə televiziya kanalı açmaq fikrinə düşürlər. Və çox təəsüfki, yenə o sayı az olan xalq bunların xalqı , vətəni qurtarmaq üçün olduğuna inanırlar.

Bu araşdırmaya baxanda və milli məclisdəki deputatların bəzilərini yada salanda həqiqətən fikirləşirəmki , müğənni Röya  xalq artisti olmadan Millət Vəkili ola bilər. 

Əl qərəz. Bizim müxalifət liderlərinə məsləhətim odur ki ; Siyasətlə nüfuz toplaya bilməyəcəyinizə bizi kimi siz də inanın. Ama yenə nüfuza ehtiyacınız varsa Röyanı təqib edin. O bu pilləyə necə gəldisə məncə siz də eynisini edin. Yox illada siyasət desəniz , o zaman evə gedin. Çünki sizin siyasətiniz ancaq evinizdə gedə bilər.

P.S. İqtidar nümayəndələrini facebookdakı nüfuzlarını araşdırmağı heçkim fikirləşməsin. Əmin olunki, müxalifətdən daha betərdir.

                                                                                                                                                                       Pərviz ƏLİOĞLU

[perviz-alioglu]

Mümkün Olsa Daim Yazıp, Değil Kafa , Gözünüze Sokarım

Ben. Benden ayrı , gayrı memnun dinlemem.

İster acı , ister tatlı , özel sohbet dinlemem.

Varsa eğer devlet ağzı konuşana bakarım ,

O da yoksa memnun olan başkan dahi dinlemem.

  Hal bu iken , hal dışında tek kelime söylemem.

İktidarın yanlışları büyük iken , doğruların zikr ederim , yüksek sesle söylemem.

Muhalifet yalan oldu , artık inad her sözüne takarım,

Doğru olsa , hiç karışmam , selam bile söylemem.

  Üç ay oldu yazdıklarım ilgi çekti. Korkup merak eylemem.

Doğru yerde fırsat verip , yanlış hamle eylemem.

Mümkün olsa daim yazıp , deyil kafa , gözünüze sokarım ,

Heder olsa istikbalim , ahu figan eylemem.

                                                                                   Pərviz ƏLİOĞLU

[perviz-alioglu]

Azərbaycanda Dindarlar və Siyasi Müxalifətin Birlik və Qardaşlığı "Körpünü" Keçənə Qədərdir.

  Milli Təhlükəsizlik naziri Eldar Mahmudov bir neçə gün əvvəl beynəlxalq sosyal şəbəkələrin fəaliyyətini Azərbaycanda qadağan olunması ilə bağlı məsələyə fikir bildirərkən “beynəlxalq şəbəkələr, internet , radikal dini baxışların təbliğatında fəal rol oynamağa başlayıb” dedi. Halbu ki, Facebook kimi səhifələrin qadağan edilməsi məhz müxalifətin 10 mart aksiyasından sonra , hakimiyyət rəsmiləri tərəfindən gündəmə gətirilmişdi. Ama ən önəmli qurum olan MTN in , müxalif qurupları deyil , dindar qurupları diqqətə almasının hikməti bu günlərdə anlaşıldı. Buradan, hakimiyyətin heçbir müxalif quruplardan deyil , dindar kəsimdən ehtiyat etməsi  açıq şəkildə görünməkdədir.

Hər yeni yaranan müxalif qurup , hərəkat və partiyalar siyasətdə rəqabətdən dəm vururlar. Ama bacarıqsızlıqları və savadsızlıqları, bir birinə mane olmaqdan ,xalq içində hakimiyyətə şükür oxudmaqdan başqa bir işə yaramır. Belə halda xalq , müxalifəti iqtidarın “son beşik övladı” kimi görməkdən başqa bir fikir düşünmür.

Dindar kəsimin hər mütləq iqtidar üçün sıxıntılı olması isə, məzhəb və əqidədən aslı olmayaraq “azadlıq” şüarının , hərkəsin qəbul etdiyi bir qaynaqdan , Qurandan gəlməsidir. 1400 illik bir əmr  və o əmrə etimad edənlər,  hər zaman  müxalif hərəkat və partiyadan , eləcə də onun üzvlərindən güclüdür.  Belə bir gücün idarəsi hər hansı bir sui istifadəçinin vəya radikal bir qurupun əlinə keçməsi dövlətçilik üçün böyük təhlükədir. Bundan daha böyük təhlükə isə, siyasi müxalifətin yaltaqlanaraq və ən əsası aldadaraq bu gücü istifadə etmək istəməsidir. Birbirindən tam fərqli olan və olması lazım olan bu iki gücün bir araya gəlməsi hakimiyyəti radikal addımlar atmağa məcbur edir. Hakimiyyət siyasi müxalifətin üstünə gedərsə ,QHT lər, fərqli fərqli təşkilatlar, ən əsası Avropa dövlətin daxili məsələsinə qarışmağa cəhd edir.  Bu səbəbdən müxalifət və dindar kəsimi birləşməsinə mane olmağın tək və problemsiz yolu dindar kəsimin qarşısını almaqdır. Bunun üçün hakimiyyətə Avropa kimi “balduz”dan heçbir şikayət gəlmir. Və Hakimiyyət bizim gözümüzə soxur ki, 1400 illik əmr yox, 14 günlük  çürük müxalifətçi düşüncələri daha hörmətlidir.

İki gün əvvəl dindar Hacı Taleh adlı şəxsin həbs olunması ,  Bakı şəhəri Nardaran kəndində böyük mitinqə səbəb oldu. Bir gün içində təşkil olunmuş bu mitinq müxalifətin on günə təşkil etdiyi və sosyal şəbəkələrdə çox popular olan 10 mart aksiyasından daha böyük oldu. Bircə həbslə hakimiyyət balansı kontrol edə bildi. İlk baxışdan dindarların birlik və bərabərliklərinin müxalifətdən daha böyük olduğu anlaşıldı. Bir gün üzərindən keçməklə hakimiyyət daha bir addım atdı. Neft Akademiyasında hicablı xanımlar və saqqalı gənclər dərsə buraxılmadı.  Və indi bir neçə gün əvvəldən ,nazir Eldar Mahmudovun səsləndirdiyi “beynəlxalq şəbəkələr, internet , radikal dini baxışların təbliğatında fəal rol oynamağa başlayıb”  fikrin hikməti anlaşıldı.

Çox acınacaqlı bir hal budur ki, artıq Azərbaycanda dindar kəsim və siyasi müxalifət açıq şəkildə yaxınlaşmağa başladı. Dövlət bunun adını da “Radikal Dincilik” qoyur. Müxalifət “liderciklər” indən biri olan Emin Milli, Hacı Talehin həbs olunduğu gündən bir gün əvvəl onunla facebook üzərindən əlaqə qurduğunu, ona  "Salam, Emin! Sizə və yoldaşlarınızda bu zalim rejimə qarşı başlatdığınız işlərdə uğurlar diləyirəm. Qiyabi də olsa, mən də sizləri tanıyıram. Mən sizin Skype ünvanınızı qeyd etdim. Yaxın zamanda mütləq sizinlə əlaqə yaradacağam." kimi mesaj yazdığını bildirdi. Və bir gün sonra Hacı Taleh həbs edildi.

Həm müxalifətin , həm də dindar kəsimin istər açıq , istərsə də gizli fikirlərini az da olsa bilən bir insan kimi əminəm ki, bu iki qüvvənin yaxınlaşmasından dindarlar , xüsusən də şiə əqidəsinə sahib dindarlar zərər çəkəcək. Həbslərin davamı əksik olmayacaq. Bu həbsləri özlərinə fəxr sayan və həbs olunan dindarların güya hüquqlarının qorunması , azadlığını təmin etmək üçün müxalifətdən gələn birlik və bərabərlik təklifləri qəbul edəcək dindarlar  çox yanılacaq və peşman olacaqlar. Heç vaxt unudulmamalıdır ki, müxalifət və onu  güya dəstəkləyən təşkilatlar dinidar kəsimi sadəcə məqsədlərinə çatmaq üçün istifadə edəcəklər.

   davam edəcək...

                                                                            Pərviz ƏLİOĞLU

[perviz-alioglu]

Zavallı Müxalifətin Yeni Metodu və Qurbanları Üniversitet Gəncləri

Son günlərin modası gənclərin müxalifət sıralarına yazılma məsələsidir. Doğru və ya yanlış olduğu bilinməsə də müxalifət son günlərdə 150 nəfər gəncdən bu tələbin gəldiyini deyir. Buna səbəb kimi 10 mart aksiyalarından əvvəl və sonra bəzi aktivist müxalif gənclərin həbs olunmalarını göstərir. Və baş tutmuş həbslərin sosyal şəbəkələr vasitəsi ilə yüksək propaqandasına nail ola bilir.

Müxalif arenadan liderlər və gənc liderciklərdən bəziləri yayılmış son " video xütbələrində " eləcə də sosyal şəbəkələrdə gənclərə , iqtidarın zəif və aciz nöqtəsi olan, yersiz və mənasız həbsləri aşılıyaraq, kütləvi şəkildə müxalifət sıralarına qatılmalarını arzu edirlər. Məhz belə olduğu halda hakimiyyətə “Sizdən və həbslərdən qorxmuruq ” məsajının veriləcəyinə inanırlar. Əslində inanırlar demək doğru olmaz. Çünki bu duyğu sömürgəçisi olan liderlər və liderciklər “ Əsgər Ölümlərinə Son “ aksiyasında , xalqın zəif damarını  tutaraq, əsgər ölümü kimi ən yüksək duyğulardan qorxaqca istifadə etdilər. Qorxaqca deməyimin səbəbi odurki , aksiyadan öncəki həbslərə aldırmadan mitinqə çıxan mərdi mərdanələrin yanında min bir bəhanə  dilə gətirərək iştirak etmədilər. Gənclərin necə əziyyət gördüklərini, həbs edildiklərini , döyüldüklərini, qoruduqları , “ hər zaman yanınızdayıq ” dedikləri əsgər analarının polislər tərəfindən necə vicdansızcasına yerlə sürükləndiklərini mitinq meydanında yox, hərkəs kimi şəkillərdən , sosyal şəbəkələrdən gördülər. Və əsl inanmama səbəbi, 22 min nəfərdən artıq insanın gəlirik deyərək , sadəcə 500 nəfər gəlməklə müxalifətə və liderlərinə verdikləri qiymətdir. Bunu görən müxalifət üzərindən 3 gün keçmədən qollarını çırmayıb yeni kampaniyaya başladılar. Bu dəfə gəncləri  meydanlara yox , partiya sıralarına qeydiyyata keçməyə səsləyirlər.

Qısa müddətli planlama belə etməkdən aciz olan müxalifət bu dəfə öz strategiyasını, yəni gəncləri cəlb etmək məsələsindəki ümüdünü üniversitetlərə , təhsil ocaqlarına salıb. Bu metod, özünü ağıllı sayan müxalifətin ən böyük acizliyidir , zəifliyidir , bacarıqsızlığıdır. Bunu açıq şəkildə sübut etmək üçün aşağıdakı şəkildə Azərbaycan Gəncini vəya normal gəncliyi üç hissəyə ayırmağa çalışacağam.

1) İşləyən Gənclər – Bu sinifə hal hazırda müəyyən maaş qarşılığı hərhansı bir yerdə işləyən gənclər daxildir. Belə gənclər, işlərinin xatirinə və içlərindəki çalışdığı iş yerini itirmə qorxusuna görə, müxalifətin mitinqlərində iştirak etmirlər. Bu gənclər sadəcə iç çaxnaşmalarda müxalif gənclərə , iqtidar yönlü qarşılıqlar verirlər. Və mövcud hakimiyyət bu sinifə daxil olan gəncləri dəstəkləyərək , küçə döyüşlərində müxalif gənclərə qarşı  önəmli silah kimi istifadə edir.

2) İşsiz Gənclər – Bu sinifə daxil olan gənclər uzun illərdir işsiz qalanlar , iş yeri tapa bilməyənlərdir. Bu gənclər, ümüdi hər zaman çevrilişdə , yeni hakimiyyətdə və yeni rejimdə görən gənclərdir. Müxalifətə hər zaman çıxış yolu kimi baxarlar. Bu qurup gənclərə çox zaman işsiz yaşlılar və imkansızlıqdan çox az maaşa çalışan yaşlılar və gənclərin  qatıldığı üçün sayları daha çox olur. Bu gənclərin ən böyük xüsusiyyətləri itirəcəkləri heçbir şey olmadığı üçün mitinq meydanlarında daha aqresiv olmalarıdır.

3) Təhsil Alan Gənclər – Adından da məlum olduğu kimi üniversitet və digər təhsil ocaqlarının nümayəndələridir. Dünya praktikasında bu qurup gənclər çoxlu inqilablara cəhd etmişlər. Çox zaman inqilablar alınsa da bəzi zamanlarda kütləvi şəkildə gəncliyin məhv edilməsinə səbəb olmuşdur. Bu qurup gənclərin etdiyi inqilablar əsasən siyasətində sol və sağ tərəflərin kəskin fərqlənən ölkələrdə baş tutub. Daha çox dinlə dövlətçiliyin qarışdığı ölkələrdə belə hallar baş vermişdir.

Azərbaycan müxalifəti bu son həmləsində sosyal medyadan və “video xütbələrdən”  təhsil alınan gənclərimizə üzünü tutaraq birlik bərabərlik məsajları verir. Həbs olunmuş 5 gənci istifadə edərək sıralarına oxuyan gəncləri cəlb etmək istəyir. Açıq olaraq təhsil müəssələrində orqanizə olmağa çağırır.Buradan görünən odur ki, daim işsizliyi əlində bayrağ edən bu müxalifət , İşsiz Gənclikdən belə dəstək ala bilmir. Müxalif xüsusiyyətləri  və savadları o qədər aşağıdır ki, əsas problemli olan İşsiz Gəncliyi deyil məhz Oxuyan Gəncliyi istifadə etmək istəyir. İşsiz Gəncliyin müxalifətə ehtiyacı olduğu halda belə , Azərbaycan Müxalifəti bu qurupu cəlb edə bilmir. Çünki artıq müxalifət anlayır ki, xitab edə biləcəyi kütlə sadəcə sosyal medyadan anlayanlardır. Ama çox təsüf ki o kütlənin belə son aksiyada 97 % müxalifəti aldatdı. Həqiqətən də çox maraqlıdır ki əsas kütlə hələ yatmaqdadır. Müxalifət və İqtidar birlikdə bu kütlənin beşiyinə lay-lay çalır.

Hərçənd bu yola girdiniz, o zaman bir təklifim var müxalifət liderlərinə və liderciklərinə. Son aksiyada ağzınızın süddən necə yandığını bilirsiniz. Yəni güvəndiyiniz xalqın sizi , sizin xalqı necə aldatdığını hamımız gördük. Odur ki əlinizdəki “qatığı” üfləyib içməyiniz məsləhətdir. İllərdir işsizlik deyə bar bar bağırsanız da, bununla yanaşı rüşvətdən də çox danışdınız. Ən son işsizlərin sizi saymadığını da gördünüz. Geriye oxuyan gənclər qaldı. Bunları yaxşı imtahandan keçirdmək lazımdır ki, keyfiyyətini görəsiniz.  Bu gəncləri təhsil binalarından meydanlara salmağın yolunu axtarırsınız. Ama ən böyük meydanın halhazırda üniversitetlər olduğunu anlamırsınız, görmürsünüz.  İki ay sonra təhsil ocaqlarında imtahanlardır. O imtahanlar sizə meydandır. Haq və ədalət axtarışında olan , rüşvətdən şikayət edən o gənclərimizə deyin ki, ilk mübarizələri imtahanlar vaxtı alınan rüşvətlərlə etsinlər. Imtahandan keçmək üçün rüşvət verməsinlər. Verənlərin qarşısını alsınlar. Alanları şikayət etsinlər. O mübarizələrdə istəsə belə polis sizə müdaxilə edə bilməz. Məhz o zaman Azərbaycan Müxalifəti olaraq , bu xalq üçün nəsə etdik deyə bilərsiniz.

Azərbaycan Müxalifəti o qədər acizdir ki, oxuduğu universitetdə rüşvət verən gənclikdən hakimiyyətə gəlmək üçün kömək istəyir. Haq olan, o gənclərin ilk öncə oxuduğu universitetlərdə rüşvət verməməsidir. Və rüşvətin aradan qaldırılması üçün əziyyət çəkməsidir.

Mən Qafqaz Üniversiteti tələbəsiyəm. Mən və digər tələbə yoldaşlarım heç bir zaman təhsildə rüşvət vermədiyimiz üçün, müxalifətə bu barədə rahat rahat , alnı açıq meydan oxuya bilirəm.

                                                                                        Pərviz ƏLİOĞLU

[perviz-alioglu]

"10 mart" Müxalif Xalqın Nizam-İntizam Mədəniyyətinin Olduğunu , Hakimikyyətin isə...

 “Əsgər Ölümlərinə Son” aksiyası həm müxalifət həm iqtidarın xalq içində olan siyasi gücünü göstərdi. Siyasi güc , əhatəsində olan xalq faktorunun kəmiyyəti deyil , məhz o xalq içində sahib olduğu etibarın keyfiyyətidir. Son aksiyada 500 nəfər iştirakçıya istehzayla gülən iqtidar, üzərində durduğu dünyanın sayca az insanla çoxlu inqilablara şahidlik etdiyini unutdu.  Hal hazırda mövcud hakimiyyətə müxalif olan partiyaların hakimiyyəti zamanında mərhum Heydər Əliyev 91 imzayla dəvət edilib hakimiyyətə gətirildi. Göründüyü kimi kəmiyyət aşağı olsada , o imzaların keyfiyyəti yüksək idi. Bugün həm iqtidar , həm müxalifət xalq içində siyasi savadsızlığın fərqindədirlər. Bu hal hər zaman üçün mütləq hakimiyyətlərin işinə yarıyır. Yəni iqtidar heçbir zaman xalqın siyasi savada sahib olmasını istəməyəcək. Belə bir savadlılıq ancaq hakimiyyət şərabını içənə qədər müxalifətin işinə yarayar. Xalq içində siyasi savadlılıq özünü üfüqdə göstərməyə başladığı zaman iqtidar ilk öncə kiçik islahat tədbirlərinə başlayar. O görünən qara buludların miqyası ilə bərabər islahatlar böyüyər.

10 martda Fəvvarələr Meydanı hər iki tərəfin bilək və güc yarışının ünvanı idi. Təşkilatlanmaq üçün on gün gecə gündüz çalışan müxalifətin bu qədər zəhmətinə qarşılıq , hakimiyyət üç gün əvvəldən güclü monevr edərək ipləri əlinə aldı. Üç aktiv gəncin tutulması ilə, müxalifətə və özünü siyasi savadlı sayan həvəsli xalqa böyük məsajlar verdi.  22 min nəfərin söz verib 500 nəfərin gəlməsindən agah oldu ki, verilən məsaj doğru ünvanlara doğru zamanda çatdı. Həm xalqın sayca az olması , həm də müxalifətdən heç bir liderin orada olmaması bu məsajın sübutu idi. Yanlış vəya doğru . Burada iqtidarın etdiyi bir siyasi zərbə idi və tutdu. 

Bu ölkədə keçmişdə baş vermiş kriminal hadisələrdən bilirik ki, kimlərinsə evinə əl bombaları və qumbaralar atıldı. Dəfələrcə əl qumbarasından istifadə olunan bu toplumda “molotov kokteli” i ilk dəfə bu oyunda eşidildi. Tutlan üç gəncdə narkotik və böyük məbləğdə pulun olması bəlkə də normal ola bilər. Ama bu kokyeyllərin hakimiyyətin siyasi menüsünə  yeni girdiyi şübhəsizdir.

Hal hazırda aksiyaya qatılanları siyasi təxribatlarla günahlandıran hakimiyyət, üç təcrübəsiz gənc müxalifətçiyə yükləmədiyi günah qalmadı. Onların tutulması ilə gözü qorxmayıb meydanlarda olan ən qaymaq müxalif gənclərin içində başqa yoxmuydu ? O gənclər ki, bri daş belə atmadılar. Fəvvarələr meydanında olan o qədər mağazalardan birinin belə şüşəsi tökülmədi. Bir polisin burnu belə qanamadı. Sadəcə benzin və şüşədən ibarət olan o kokteyli başqa bir nəfər belə atmadı.  Halbu ki aksiyada tutulub polis maşınlarına salınan o gənclər bunları etsələrdi belə eyni məsuliyyəti daşıyacaqlardı.

10 mart aksiyası xalqın , hətta müxalif xalqın nizam intizam mədəniyyətini , mərdliyini, hakimiyyətin isə nəqədərə aciz və qorxaq olduğunu göstərdi. Hakimiyyəti təmsil edən polis, ölmüş əsgərlərin ana və atalarını yerdə sürüməklə əslində bu hakimiyyətin içində bir qorxunun olduğunu sübut etdi. Hakimiyyət bu qədər mi aciz ki, üç yaralı ananın nəsə edə biləcəyindən qorxsun ?  O tablo acizliyi deyil vicdansızlığı göstərdi. Xüsusi titizliklə qoruduqları dövlət nizam intizamının məhz hakimiyyət tərəfindən pozulduğunu göstərdi. Qarşıdakı hər hansı problemlərdə Azərbaycan Qadınının polis tərəfindən belə hallara düşəcəyini göstərdi.

Halımızın yaman olduğunu göstərdi...

                                                                                         Pərviz ƏLİOĞLU

[perviz-alioglu]

Odur ki, ay Ana Can Ağla Yaman, Dinməz Otur

Meydanə çıxıbdır ki, Oğul öldürəni tapsın Ana,

Tutdular əl qolundan bağlı, sürütdəndi Ana.

  Dedilər Xalqa lal ol, dinmə daha qal bi yana,

Qoymadı Xalq oturub əsgər üçün dərdə yana.

  Görmədi ordudakı yarə nədir , diqqət ala

Gördükü bu hökmətin dağılmağı , ümid varki, Feyse(*)  qala.

  Gülürəm o halə ki, müxalifət qalib ola

Bu müxalifətmidir , bu başıyla iqtidara talib ola ?

  Odur ki ay Ana can, ağla yaman dinməz otur.

Vaxtı var partlayacaq baaşı çiban, yarə qotur. 

  (*) Facebook

                                                                                                                                                                         Pərviz ƏLİOĞLU

[perviz-alioglu]

Amandır Qoymayın Üstümə Facebook Gəlir !

  “Əsgər Ölümlərinə Son” adı altında təşkil olunmuş ,ordudakı rejimə etiraz aksiyası 10 gündən sonra baş tutdu. Ama 11 martda görünən o olduki , Azərbaycanda müxalifət yox , az-maz Facebooka güvənib meydanlara çıxan gənclərimiz var. Biraz zaman ayırıb Prizmanın Başqa Üzündən baxanda , o mitinq meydanında çox çox fərqli nüansların olduğu görüldü.

Saat 15:00 a planlanan aksiyayanın keçiriləcəyi meydana , meydan oxumaq üçün bir neçə saat əvvəldən iqtidar partiyanın icraçı katibi Əli Əhmədov təşrif buyurdu. Jarqonla desək İqtidar mitinq başlamadan , üst mərtəbə məmurlar vasitəsi ilə Siyasi Blöfünü etdi. Mən həqiqətən bu addımı çox bəyəndim. Çünki  demokratiya yoxdur diyilən dövlətin, üst mərtəbə məmuru , mitinq arenasında alışılmayan cəsarət göstərdi. Mitinq olacaq meydanladra sadəcə polis rəislərinin iştirak etməsi normal bir vəziyyətdir.  Həqiqətən digər demokratiya yoxdur deyilən ölkələrdə belə hallar yaşanmır. Mən o tabloyu görəndə , barmağımı dişləyib özözümə güldüm. Çünki mən belə “axmaqcasına” o mitinqi gözümdə böyüdmüşdüm. Ama Əli Əhmədovu orada görəndə yanıldığımı bildim. Çünki “Razılaşdırılmayan Mitinq Dövlətin Nəzarətindədir ”  kimi açıq aşıkar məsaj verildi.

İqtidarın blöfünə qarşılıq müxalifət “pas” deyib geriyə çəkildi. Xalqın yarımçıq tanıdığı müxalifət liderlərindən biri belə orada olmaq cəsarətini göstərə bilmədi. Adını gənclər hərəkatı qoyaraq sudan quru çıxdılar. Çox təəsüf ki, gənc “lidercik”lərdən də bəziləri min bir bəhanəylə təşkil etdikləri aksiyada iştirak etməkdən boyun qaçırdılar.  Hamımızın demokratik media dediyimiz avropa mediasından olan Euronews kanalı iştirakçıların sayını 500 nəfər olaraq bildirdi. Həqiqətən də gülməli bir hal odur ki, sosyal şəbəkələrdə iştirak edəcək , yənni “gəlirəm” deyənlərin sayı  22 min nəfərdən çox idi. Buradan riyazi bir nəticə çıxaranda aydın olur ki, müxalifətin sosyal şəbəkələrdə güvəndiyi xalqın 97% i yalan danışaraq qarşılıqlı güvəndikləri müxalifəti aldadır.  Ama müxalifət liderləri bu xalqı yaxşı tanıdığı üçün , “ ayə bunlar bizimlə məzələnirlər ” deyib , ofislərindən bayıra çıxmadılar. Əgər 22 min yox , 10 min nəfərin gələcəyinə inansaydılar bütün müxalifət partiyaların liderləri orada iştirak edəcəkdilər. Nəticə olaraq gördük ki, dövlət  bu təmtərahlı  mitinqi bir saat içində sadəcə polis qüvvələri ilə dağıtdı.

Mitinqdən bir gün sonra 11 martda  AVP sədri Fəzail Ağamalı Facebook sosyal paylaşım şəbəkəsinin Azərbaycanda fəaliyyətinin dayandırılması barədə təklif irəli sürüb. Fəzail Ağamalının fikrinə görə Facebook  qarşıdan gələn Prezident seçkilərinə mənfi təsirini vura bilər. Mən elə fikirləşirəmki , dövlət məmurları mitinqə gələn 500 nəfəri görüb narahat oldular, ama gəlirəm deyib “məzələnən” 11.500 nəfəri görüb gülməyi fikirləşmədilər. Halhazırda bu qorxu isə müxalifətə bir sevinc bəxş etdi. Bir pillə qalxdıqlarını iqtidara göstərmiş oldular. Eyni zamanda sevinclə yanaşı müxalifətin içinə bir qorxu da düşdü. Çünkü aldanma paylarını 97% ə salan Facebookun , əllərindən çıxması narahatçılığa səbəb oldu.

Amerikalı siyasi spekülator George Soros bir neçə illər bundan əvvəl maliyə gücü ilə dünyanın bir çox ölkələrində rəngli inqilablar edə bilirdi. Və bunu dəfələrcə şəxsən etiraf edib.  İndi Amerika bu məqsədli fəaliyətlərini o qədər irəlilətdi ki, bunun nəticələrindən biri Facebookun bu qeder populyar olması oldu. Amerikanın milli məhsulu yerini alan Facebook , Amerikanın stratejik siyasətində yer alacağı mütləqdir. Amerika kimi dünya hegemonu bir dövlətin gələcəyə yönəlik strategiyasında hər hansı bir dövlətdə inqilab varsa, təbiiki sahib olduğu bütün güclərdən istifadə edəcək. Hal hazırda Azərbaycan belə qurbanların siyahısına girmədiyi məlumdur. Belə olduğu halda Facebook müxalifətdən çox iqtidarın işinə yarıyır. Çünki müxalifətin gücünü oradan rahat rahat izləyə bilir. Keçən yazılarımın birində müxalifətə bir məsaj verərək demişdim ki, “ Əmin ol ki, müxaliflər o mitinqlərdə iştirak edəcək qədərdir.” Bunu dövlət hərkəsdən yaxşı bilir.  Məlumdurki Facebook bir mərkəzdən idarə olunan bir gücdür. Dövlətlərin Amerika ilə “qardaşlıq” münasibətlərinə görə o mərkəz istədiyi şəkildə dövlətlərin iqtidarlarına ya xidmət edə bilər , ya da mane ola bilər. Bəlkə də müxalifəti yanıldan 97 % in əsas hissəsi bu “Qardaş oğlunun” bir oyunudur. Və bəlkə də bu izi itirmək üçün dövlət bu gün gündəmə bu məsələni gətirdi.  Əgər hər hansı bir dövlət artıq  “Böyük qardaşın” qəzəbinə düçar olubsa, onun  “oğlunu” (Facebooku) incitməklə daha da qəzəbini artırmış olar.

Əlbətdəki  Facebook vasitəsi ilə insanların küçəyə çıxması böyük narahatçılıq törədəcək. Ama müxalifətimizin Facebooku bu məqsədlə istifadə etməsinə hələ uzun illər var. Çünki Azərbaycan müxalifəti  Facebook istifadəsində yarım oyanıq xalqa küçələrə çıxması üçün hələ yalvarma mərhələsindədir. Gizli maskaların arxasında xalqı mitinq üçün alçaldıcı sözlərlə təhrik etməkdədir. Leşə qonmuş qarğa kimi Əsgər Ölümlərini istifadə etməklə , qəhrəmanlıq sərgiləməkdədir.

O zaman facebook qorxulu olacaq ki, xalq avam deyil, arif olacaq. Şiti çıxmış siyasi söhbətlərdən istifadə edən liderlərin oyunlarına alət olmayacaq. Facebook sadəcə zamanı və yeri göstərəndə təhlikəli olacaq.

Bu xalq o qədər mi avam ki, iqtidarını Facebookdan tanısın ? Düşdüyü vəziyyəti , yaşayışını , haqqının tapdandığını kor olub görməyən və qaza gəlib Facebookdan öyrənən xalq nə qədər təhlükəli ola bilər ki? 

                                                                                   Pərviz ƏLİOĞLU

[perviz-alioglu]

Perviz muelim sheirler size mexsusdu?

Salam. şeir deyil cizma qara desək daha doğru olar.acizanə mənə məxsusdur. sahibini bildiyiniz üçün fikrinizi də söyləməyi unutmayın.

[perviz-alioglu]

Yataqda Olanlar Başıza Gəlsin.

  Birinin istidir yatağı , birinin daşdan

Bu gediş çıxardar ağlını başdan.

İsti yataqları oğurlayanlar,

Qurtarmaz canını xalqla savaşdan.

  Bugün su şırnağı , sabah güllələr

Önündə bitəcək axır pillələr.

Tutub, nahaq yerə dama saldığın

O gənclər gün gələr səni şillələr

  Heç mi yox bu xalqdan doğru danışan ?

İclasda od tutub yanan, alışan,

Heçnə yoxmuş kimi dəvam eləyən

O məmurlarmıdır düzgün danışan ?

  Mənasız bir bölgü eyləyib Nadan

Ordu xalqın olub, küçələr meydan.

İki min toplanıb, bulvarda gəzən

Oxuyur şərbəşər polisə meydan

  İsti yataqlarda tək onlar deyil,

Bu xalqı küçəyə salanlar da var.

Bugün döyülənlər , dama girənlər

Oyuncaq olmanız planlarda var.

  Qoy isti yataqdan səsiniz gəlsin

Tamahı olanlar səsizə gəlsin

Keyf ilə yataqdan xalqa baxanlar

Yataqda olanlar başıza gəlsin.

  Xalqı min dərd ilə süründürənlər,

Meydanə çıxmaya vadar edənlər,

O məqam gələr ki, darda qalanda

Səsizə İNŞALLAH Əzrail gəlsin.

                                                                                    10 mart 2013 Moskva                 

                                                                                     Pərviz  ƏLİOĞLU

[perviz-alioglu]

Mənmi Öləcəyəm yoxsa Sənmi Öləcəksən ?

Təxminən beş altı il bundan əvvələ kimi “sakitçilik” idi. Daha sonra, heç kim səbəbini anlamasa da , ama yavaş yavaş hiss etməyə başladıqki , bu xalqda bir problem var.  Ama elə bir dərdə düçar olubki, dərmanını  heyyy ki axtaracaq. Lal oldu ki dinməyə , kor oldu ki, görməyə , zəlil oldu ki, otursun “xarabasında”. Nə işi var meydanda ? Nə işi var küçədə? Çıxdı bu xalqın içindən bəzi  ağıllılar ki, dərmanı qoyub, dərdi araşdırdılar. Kimi dedi teksundandır , kimi dedi İrandan gələn mallardandır, dəliqanlılar dedi arağdandırki , içinə dimedrol vururlar. Adamın “qeyrətini”  lap öldürür. Yəni hamı bu korluğa , lallığa , zəlilliyə bir səbəb tapdı.

 Daha sonra, son iki ildə vaxtı məqam yetişdi  bir  “Xızır” peyda ola gəldi , əlində məlhəm. O “ Xızır ” ki, bu korlar onu gördü , lallar onla söhbət etdi , zəlil-i vücudlar əlindən tutub, yanında getdi.  Hamı dediki dərdə dərman var bu “Xızır” da . Çün bizə qədər xeyli  timsali dərdli görüb. Aşıq olub hər kəs ona , hərcür məlum  bu dərd ona.  Dedilər :  “Mədəət ya Xızır. ver dərdə dərmanı bizə ” . Əlində dərman dediki : “ Yarə açun , qanuz çıxa olaki xeyri dəydi sizə!“ .  Bunu deyib gözdən itə. Növbə gəldi quduz itə. Çıxmaq üçün bu zillətdən , gərək tökə qan millətdən.

Bu xalq yatmışdı uzun yuxada.  Ayılanda agah olduki, insanıqsa haqqımız var. Ama bizdə deyil. Bizi yuxuya verib əlimizdən alıblar. Yuxudan durub , ayılmaq üçün, üzünə su vurmaq misalı baxdı Livyaya , baxdı Misirə və birdən o sərin su onu ayıltdı. Dedik ki, bax budur ! Tapdıq dərmanı. Çox yalvardıq , çox yaxardıq. Uzun zamandan sonra Ədalət libasında , Demokratiya timsallı “Xızır” bizə də gəldi.  Gec gəldi, çünki Suriya çox uzun çəkdi.

Əl Qərəz : 10 mart mitinqini gözümdə çox böyütmürdüm. Ama nə hikmətsə , bir əsgərə görə təşkil olunmuş bu mitinqə qədər bir neçə əsgər daha öldü (və ya şəhid oldu). Yanvar ayındakı mitinqdə ortalama hesabla üç min insan iştirak etmişdir. Bu dəfə hava şərtləri də əl verdiyi üçün bu rəqəm beş minə yaxın ola bilərdi. Ama daha sonradan ölən əsgərlərin yaratdığı, kimi tərəfə görə “problem”, kimi tərəfə görə “fürsət” bu sayını ən az iki qat artıracaq. Ortada olan bu problemin propagandasında müxalifət tərəfi fəal görsənir. Hərçənd ki , “gəlməyənin qeyrəti yoxdur ! ” , “vətən anadır , gəlməyən anasını, bacısını qorumaqdan danişmasın!” , “sabah sənin də övladın öləcək ! ”  (və.s) kimi şəxsiyətsizcəsinə ifadələr lə bu yarım oyanıq xalqı təhrik edərək meydanlara toplamaq istəyirlər. Gülməlisi də odur ki, haqlı olduğuna inanan əksər müxalifətçilər  , bu propagandaları sosyal şəbəkələrdə gizli maskaların arxasında edirlər. Yəni kimliklərini , əsl şəxsiyyətlərini deyil , ləqəblərdən istifadə edirlər. Ama bundan daha gülməlisi odur ki, qarşı tərəf yəni əsgərindən məsuliyyət daşımalı olan iqtidar , özünə görə mənasız olan bu ithamlara qarşı televizora millət vəkili Qənirə Paşayevanı çıxardaraq , əsgər ölümlərində əsəs günahkarın orta məktəblərdəki  hərbi müəllimlərimizin olduğunu bildirir. Yəni orta məktəblərdə bizə düzgün təhsil verilməyib. Sanki hərbi iqtidarın , orta məktəblər isə müxalifətindir. Hal hazırda görünən odur ki, gafiyəni açan müxalifət , ev tapşırığına yaxşı hazırlanan müxalifət , sinədən deyən müxalifət , auditoryadan səs toplayan da müxalifət. Ama əsəs məsələ odurki münsüflər heyyətini “görən , razı salan ”  müxalifət deyil. Yəni bu dəfə ki “ De Gəlsin ” nin də qalibi mən bilən İqtidardır.

Dərdim : Mən,  “çevriliş” , “inqilab” kimi şüarlar istifadə edərək , niyyət və məqsədini  açıq aşikar göstərib mitinqə gedən , o yarım oyanıqlara sual edirəm. Kimin müdafiəsinə gedirsiniz ? Kimi kimdən qorumaq istəyirsiniz ? Kimin arxasında durmaq istəyirsiniz ? Əsgəri mi qoruyursunuz? Ordunumu müdafiə edirsiniz ?

Arzu etdiyin çevriliş baş tutarsa , gözünə “ Xızır ” kimi görsənən Avropa , Amerika , BMT ədaləti və məlhəm  zənn etdiyin onların bomba və raketləri köməyimizə gəlmədən , sapı bizdən olan balta bizi qıracaq. Sənin müdafiə etdiyin əsgər , qoruduğun  ordu xalqı güllə qabağına qoyacaq. Və o zaman da səni küçələrə əsgər üçün çıxardan müxalifət  daha "Əsgərlər ölməsin , vətən morqa dönməsin" deməyəcək. Müxalif ordu qurub , sonra bir ad taxıb "Azad Azərbaycan Ordusu" deyəcək. Və o orduya indi müdafiə elədiyi Azərbaycan əsgərinin öldürülməsi üçün əmr verəcək. İndi bil ki, o demokratiya görünüşlü “ Xızır ” ,

Bunun üçün dedi bizə,

Yarə açun , qanuz çıxa !

Olaki, xeyri dəydi sizə !

Bunu deyib gözdən itə

Növbə gəldi “quduz itə”

Çıxmaq üçün bu zillətdən

Gərək tökə qan millətdən.

Dövlətdən qoruduğun əsgər məgər o dövlətin malı deyilmi ? Əmrinə tabe deyilmi ? Sənə qarşı istifadə edəcəyi silahı deyilmi ? Hər mütləq iqtidarın varı , yoxu deyilmi ? Üzünə su vururmuş kimi Misirə , Livyaya, Suriyaya baxıb yuxudan oyandığını fikirləşən Qafil . O su səni ayıltmadı , üzünü yara edib gözünü kor etdi. Görmədinmi ki, Livyada , Suriyada xalqı qıran öz əsgəridir ? Bilmirsənmiki bütün inqilablarda xalqın qanını ordusu, əsgəri töküb ? Səni öz əsgərinə qırdıran , sabah səni çevriliş üçün küçələrə tökən o “ İblislər ” , ana balasız qalanda , bala atasız qalanda , qanımız su yerinə gedəndə (onlar ) sizi meydanlarda yox ,başqa ölkələrdəki  hotellərdə ,istirahət otaqlarından seyr edəcəklər.      “ İlk Axşam Yeməyi ” ndən sonra özlərinə müvəqqəti hökümət quracaqlar. “Xeyriyyəçi ” dövlətlərdən “Sabunlu Pullar ” alıb , yeni hökumətin büdcəsini quracaqlar. Daha sonra öz əsgərimizin tökdüyü qan o “Xızıra” və “İblislərə” az gəldiyi üçün ətrafdan “ Cihad ” deyib qan tökənlər çıxacaq. O da yetməyəcək və nəhayət o “məlhəm” dediyimiz bombalar mehman gələcək. Və...

Əgər mən yanılıramsa mənə deki, misalını çəkdiyimiz dövlətlərin hansında bunlar olmadı və bizdə niyə olmasın ? “İblis” deyir ki, nəticə əldə etmək üçün qurbanlar lazımdır. O zaman mənə deyin bu qurbanların kim olduğunu və nə qədər olacağını kimlər təyin edir? Mənmi öləciyəm  yoxsa sənmi öləcəksən? Atamı öləcək yoxsa balamı öləcək ? Bunların cavabını kim verəcək ?

Əsgəri müdafiə eləmək insanlıq, vicdan borcudur. Ama müdafiə etmək. Leşə gələn qarğa kimi bir ölüdən fürsət tapıb çevriliş demək deyil vicdan borcu.  Malı , varı , yoxu olan əsgərin ölüm səbəbini  mərdcəsinə demək və qarşısını almaq dövlətin borcudur.

   BU XALQ ...

Son bir ildə nələr gördü

Şəhid deyil ölü gördü.

Sudan quru çıxan dövlət

Buna çarə nə iş gördü?

    Helə dedi intəhardır

Gah da dedi bu qəzadır

Səni şərə qoyan köpək,

Zatı murdar haradadır?

    Ölü qədər dustaq varmı ?

İpə, sapa gələn varmı?

Bir ikidənə zabit tutub.

Əsas başdan xəbər varmı?

         ...məcburən bu yazımın davamını yazacağam . çünkü “ o zaman fikrin nədir ? ” deyənlər olacaq.

                                                                                            Pərviz ƏLİOĞLU

[perviz-alioglu]

İndi Kozer Sağımdadır , Solda isə Ordu Var.

    Sağa baxdım müxalifət , solda durub iqtidar.

Bu başımıza gələnlərin hələ xeyli ardı var.

Gediləsi yol tapmadım, dedim bır də düzə bax

Düz baxanda qaranlıqdır, aydınlığa ümüd var.

  Nə sağımdan , nə solumdan gəlməz mənə bir fayda

Girmək üçün bir birinə tapılacaq bi qayda.

Hamı xalqdan mədət umur , xalqda sanki hünər var

Hərkim ki qalar  ortalıqda, vay salacaq. Çi fayda?

  İndi kozer sağımdadır , solda isə ordu var.

Hər bir xalqı, ordusuna qırdırmağın yolu var.

Bil Ey Qafil ! küçələrdə əsgər üçün ağlayan.

O əsgərin əmr aldığı dövlət kimi dərdi var.

  Görünürki əsgərini qoruyandı müxalifət

O əsgər ki, çevrilişdə xalqı vurub fəxr edəcək.

Qaçıb hardan dillənəcək ? nə deyəcək müxalifət ?

Türkiyədənmi, Rusyadanmı xod gedəcək müxalifət?

  Mən  heç  kəsə sataşmıram. Xalqım məni dəli edir

Felə gedib , qulaq asan bu xalq  məni dəli edir.

Hər nəyi də sözə salıb , don geydirən bu iqtidar

Elə bilki düşmənidir, bu xalqı lap dəli edir.

                                                                                      Pərviz ƏLİOĞLU

[perviz-alioglu]

Əlini Mənə Bəsdərəci , yoxsa Mən Səndən Küstərəci

  4 mart 2013 ci il tarixində Kəlbəcər və Laçın rayonları İcra Hakimləri prezidentin sərəncamı ilə dəyişdirildi.

 Mənim məskunu olduğum Lənkəran rayonu işğalda deyil. Mənim həyətim , torpağım var. Bunu ona görə vurğulayaraq deyirəm ki, halhazırda və bundan əvvəlki İcra Başçılarımız əhalinin torpağı və əmlakına istədiyi gözlə baxa bilir. Yəni mən həyətimdə “ tualet ” tikmək istəsəm kimləri isə görməyim lazımdır. Kimin ixtiyarı varki həyətində vəya həyətindən kənarlnda daşı daş üstə qoysun. Vətəndaş kimdir ki, övladına rahatçılıqla həyətində ev tiksin. Vətəndaş evinin üstünə yıxılan , küləkdə , tufanda evini hədələyən köhnə , çürümüş ağacı məcbur olub kəsəndə o ağacı hardaysa həmin vətəndaşın...... Ama İcra Hakimiyyəti ən gözəl ağacları gözünə pis görüküb kəsəndə abadlıq işləri deyilən rayondur mənim Lənkəranım.  Fikirləşirəm ki, Prezidentin dəqiq bilibdə, adını açıq söyləmədiyi, iclasda “sahibkarlardan abadlıq məqsədi ilə haqsız pullar toplanır ” dediyi rayonlardandır mənim Lənkəranım. Dəfələrcə dumanlı , qarlı havalarda, içində ailəsi olan maşınla Lerik-Lənkəran yollarının uçurumdan düşüb , meydləri çətinliklə tapılan xalqdır Cənublu. Ama o yollara deyil , Xəzər dənizinin önünə , İcra Hakiminin iradəsiylə kilometrələrcə hasarların çəkildiyi yerdir Lənkəranım.  Xalq dilində “ Qərar Pulu ” nu vermədi, ama İcranın dilində “ Qanunsuz Tikili ” adı qoyulub, təmirli mağazaların önünə divar çəkilən yerdir Lənkəranım.

Əl qərəz. İcra Başçıları dəyişən,  işğal altında olan bu rayonların İcra Hakimiyyətləri olsa da torpaqları yoxdur. Bu İcra Hakimləri əraziyə deyil əhaliyə xidmət verirlər sadəcə. Və o əhali ki pis yaxşı qayğılarına Dövlət qalır , Qeyri Hökmət Təşkilatları qayğı göstərir . Demək istədiyim odur ki, əhalinin yükü belə bu İcra Başçılarının çiynində deyil.

Başqa rayonların ərazisində məskunlaşmış , həyəti yox tualet tiksin, torpağı yox övladına ev tiksin , ağacı yox küləkdə başına düşsün , ərazisi yox abadlıq adıynan sahibkarlardan pul toplansın , dağlıq uçurumları yoxki ailəsiylə yuvarlanıb düşsün, dənizi yox önünə divar çəkilsin və ən əsası odur ki, torpağı yox ki    “ Qərar Pulu ” versin Laçınlı və Kəlbəcərli.

İndi bilmək istəyirəm nədir hikməti ki, istəsə belə əhaliyə ziyan vura bilməyən İcra Başçılarına “ Tı kto takoy davay dosvidaniya ” ama digərlərinə isə “ Əlini Mənə Bəstərəci , Yoxsa Mən Səndən Küstərəci”.  Və əminəmki bu mənasız “ zamenləri ” bizə qarşıda islahat deyə itəliyəcəklər.

Bu yazdıqlarımı yuxuda görmuşəmaaaa :)) Qətiyyən inanmayın !!!

                                                                                                                                                                                                                     Pərviz ƏLİOĞLU

[perviz-alioglu]

Deyirlər ki, Xalq Gələcək Ərşəyə.

    Kim nə deyər sizdə olan qeyrətə ?

Varsa əgər göstər onu millətə.

Ümüd tutub bircə ölən əsgərə,

Fikirləşmə xalq gələcək ərşəyə.

  Xalq içində hər qurupun  dərdi var.

Çoxlu namərd, bir iki dənə mərdi var.

Namərd deyir gün güzaran yaxşıdır,

Mərdin isə çörək pulu dərdi var.

  Sağda solda gəzib mədət axtaran

Məgər səni  varmı xalqdan axtaran ?

Dün hicaba bugün ölüyə  bağlanan

Fikirləşmə xalq gələcək ərşəyə.

  Bir iki ərəb görüb həvəslənərsən,

Misir yaxşı , Livya yaxşı deyərsən.

Gün gələcək bomba yağar başımıza,

Onda, Əsəd bundan yaxşı deyərsən.

  İqtidardır,yavaş yavaş titrəyən

Narahat olma, hələ tezdir mən bilən.

Bu camaatı boğaza yığıb bezdirən

Artıq inan! Xalq gələcək ərşəyə.

                                                                                        Pərviz Əlioğlu

[perviz-alioglu]

Vay Halımıza . Vay ki, Nə Vay.

Bir öncə yazdığım “Hicab Bağlamaq İstəyənlər Somalidə Yaşasın.”  Başlıqlı yazım bu yazının giriş hissəsi idi. Əsər qəhrəmanlarımla kiçik tanışlıq məqsədi ilə yazdım. Ama tam olaraq bir gündəm mövzusu oldu. Bu yazımda “Müqəddəs Ana” və qardaşının ən son nəaliyyətlərinə Prizmanın Başqa Üzündən baxdım və fikirlərimi paylaşmaq istədim. Bu yazını kiçik variantını təxminən iyirmi gün əvvəldən facebookda bəzi yoldaşların paylaşımlarına bir neçə dəfə şərh kimi yazdım. İndi isə biraz geniş olaraq fikrimi bildirmək istəyirəm.  Belə ki ;

2 fevral 2013 tarixində xəbərlərdə gördümki, “Müqəddəs Ananın” Qənirə Paşayevanın şöhrət ordenli qardaşı Hüseyn Paşayev  “ vətənşüvənlik” borcunu yerinə yetirmək üçün  ABŞın Ağ Ev səhifəsinə Xocalı Soyqırımı ilə bağlı petisiya yerləşdirib. “peti” ile başlayan bu sözü ilk dəfə eşitdiyim üçün Google vasitəsi ilə araşdırma etmək istədim. Araştırarkən gördümki, bu “peti” ilə sən demə biz Xocalını geri qaytaracayıq. Bütün saytlar bu “ peti “ söhbətini yazır. Bu “ peti ” nin də məqsədi odurki  “qardaş” ABŞın prezidenti   Barak Obama Xocalı Soyqırımı ilə bağlı bəyənat verəcək.

Bir iki gün içində bütün sosyal media , televizorlar və xəbər saytları ən gözəl dəvətnamələri hazırlayıb sağa sola yolladılar. Ən çox bu aksiyada yenədə hərzamanki kimi " Müqəddəs Ana" baş rolda idi. O günlər də kimə salam verdimsə hamısı məndən səs verib vermediyimi soruşdu. Hətda Obama müəllim demişki, “Əgər  100 min səs toplasanız sizin üçün bəyənat verəciyəm.” Sanki qərdəşimiz Ağ Evin facebook səhifəsinə like toplayır.

Yuxarıda satirik üslubda mövzuya giriş etsəm də, məsələnin çox ciddi olduğu danılmazdır. Çünki halhazırda hamımıza məlumdurki Ağ Ev Xocalı  Soygırımı haqqında heç bir bəyənat vermədi. Hətda Ağ Ev kişi kimi bütün imza göndərən vətəndaşlarımıza cavab verdi.Cavabda  bildirdiki, “Barak Obama petisiyada qeyd olunan məsələ ilə bağlı rəsmi açıqlama ilə çıxış etməyəcək  .”

İndi mən bir vətəndaş kimi niyə imza vermədiyimi və hansı prizmadan məsələyə baxdığımı izah edim.

Dünyada iki nəhəng diaspora və lobbi olduğu hərkəsə məlumdur. Yəhudi – Sionis və erməni lobbisi. erməni lobbisinin ən güclü qərərgahı məhz Fransa və ABŞdır. Bu Erməni lobbisi Fransa kimi ikinci vətənlərindəTürkiyəyə qarşı Qondarma erməni Soyqırımı məsələsində istədiyi nəticəni əldə edə bilmədi. Ama alınmasa da diasporalarının güclü olduğunu bir daha gözümüzə soxdular. Sizcə bu lobbi və diaspora kongresmen , senatlarının belə olduğu ABŞ kimi  üçüncü  vətənlərində bu bəyənata icazə verərlərmi? Buna kim inana bilər ? inanın ki Hüseyn Paşayev özü belə buna inanmaz. Ən son Amerikada Azərbaycan diasporasının sədri bu biyabırçılıq üçün açıqlama verəndə belə erməni  lobbisinin ABŞda çox güclü olduğunu etiraf elədi. Hətda ABŞ ın Azərbaycandakı keçmiş səfiri deyib ki , ay kişi siz nə danışırsız ? “Səfir Kozlariç deyir ki, dağınıq Azərbaycan diasporundan fərqli olaraq, erməni lobbiçiləri bir əsrdən artıq ABŞ-da kök salmış mühacirlərdir. Qondarma erməni soyqırımı kimi stereotiplər uzun onilliklərin nəticəsidir: “Bu Amerikanın erməni icmasının illər uzunu apardığı məqsədyönlü siyasi təbliğatın nəticəsidir. ”Məhz bu düşüncəyə sahib olduğum üçün burada bir oyunun olduğuna inandım. Davamında fikirləşdimki,

1) ABŞ etməyəcəyi iş üçün niyə söz versinki ? Əgər belə bir yalan vəəd verirsə deməli bunun arxasında bir iş var. Və ya sözü bizə çatdıran “ dayımız ” onun adından bizə yalan danışıb. Siyasətdir mümkündür. ABŞ ın işinə yarasa hər yalanı danışmaq mütləqdir.

2) erməni icması, lobbisi uzun illərdirki ABŞ prezidentinə  “erməni Soyqırımı ” kəliməsini dedizdirə bilmir. Ama necə oldusa Hüseyn Paşayev bunu edə biləcəyinə inandı və xalqı da “vətənşüvənlərlə” birgə bu yalana inandırdı.

3) Məlumdur ki , bu məsələ sadəcə xalqla “məzələnməkdən” ibarət deyil. İşin pərdə arxası daha vahiməlidir. Bəlkə inanmayacaqsınız ki, sapı özümüzdən olan baltamızla yeni qurulmaqda olan, formalaşan diasporamızı , lobbiçiliyimizi kökündən kəsdilər. O 100 mindən artıq imzaları atan əlləri o baltaynan dibindən kəsdilər.  Necə?

Petisiyanın tanıtım kompaniyasında deyilirki, bütün imza atanların IP adresləri qeydə alınır. Eyni IP dən ikinci dəfə imza atmaq olmaz. erməni və Yəhudi lobbisinin vətəni, ABŞ kimi elektron aləmdə güclü olan bir dövləti , öz diaspora məhrəmimizə soxduq. Daha açıq dildə desəm ; Artıq istər erməni , istər Yəhudi lobbisi istərsədə ABŞ, Vətənpərvər Azərilərin hansı ölkədə , hansı şəhərdə və hansı ünvanda yaşadığını dəqiqliklə bilir. Atılan imzaların içindən Azərbaycan daxilindən atılanlar heçkəsə maraqlı deyil. Maraqlı olan qurulan diasporanın , Azəri-Türk lobbisinin fəaliyyətləridir. Artıq bundan sonra bu məlumatlar diqqətə alınaraq bizə , Azəri-Türk lobbisinə qarşı yeni strateji siyasətlər tətbiq olunacaq. Qarşıda xaricdə yaşayan həmvətənlərimizi hansı miqrant qanunları gözləyir, onu da bir ALLAh bilir.

Atılan 100 mindən çox imzanın çox azı Azərbaycanın daxilindən olduğuna dəqiqliklə inanıram. Çünki bizimkilər ən əhəmiyyətli seçkilərdə ,milyonlarca görsənsələr belə 50 min nəfərdən artıq getmədiyini hamımız bilirik. Və bəzi insanların səs verməyənlərin yerinə səs verdiklərini də hamız bilirik. Bunu bilən “ böyük qardaş ” ABŞ imza atmalara məhdudiyyət qoydu. Hər kəs sadəcə bircə dəfə səs verə bilər dedi. Deməli ən çox səs verənlər xaricdə yaşayan Azərbaycanlılar , diaspora oldu.

Vay hallarına, vay ki nə vay!

Keçən yazılarımdan birində bir millət vəkilinin bulvar sərgüzəştlərinin necə stratejik siyasətə döndüyünü yazmışdım. İndi də “Müqəddəs Dayının” başımıza açdığı oyundan.Belə bir xarici siyasətlərə bizim bəzi siyasətçilər qurbanmi gedir , bilərəkdənmi alət olur bilmirəm. Axı mənim fikirlərim kiməsə görə yersiz belə olsa, risk payı , olma ehtimalı yüksəkdir. Burada söhbət ABŞın Ağ Ev saytından gedir.

Belə vətənşüvənlərə Mövlananın diliyə demək istəyirəm ki ; “ Ya göründüyünüz kimi olun , yada olduğunuz kimi görünün!!!”. Öz dilimdən isə deyirəm ki “ Evə Gedin !!!”

                                                                                           Pərviz Əlioğlu

[perviz-alioglu]

Hicab Bağlamaq İstəyənlər Somalidə Yaşasın.

Mərhum Şimali Kipr Türk Cumhuriyyəti qurucusu olan Rauf Denktaşın cənazə törənini canlı yayımla televizordan izləyirdim. Tarix 17 yanvar 2012 ci il. Protokolda Türkiyə ilə yanaşı Şimali Kiprə dost və yaxın olan başqa dövlətlərin də nümayəndələri var idi. Nə hikmətsə Azərbaycan oraya dövlətimizi təmsilən sadəcə Qənirə Paşayevanı göndərmişdi. Ama Qənirə xanım oraya əli boş getməmişdi. Gedərkən (xalq dilində desək) " şitini çıxartmaq üçün " 50 kvadrat metrdən böyük olan bir Azərbaycan bayrağı da aparmışdı.

Evinin həyətində ailəsi , yaxınları və dövlət nümayəndələri cənazənin qarşısında saygı duruşuna durublar. Televizorlar da ön cərgədə duran qonaqları bir bir tamaşaçılara göstərir. Sıra qadınlara gələndə gördümki Qənirə xanım da ön sırada rəhmətlinin xanımı və qızlarının yanında durub və ondan sonra da bir çox qadın var. Dövlətimizin rəsmi üzü kimi cənazəyə qatılan Qənirə xanım bütün xanımlardan kəskin seçilirdi. Çünki qışın oğlan çağı yanvar ayında, cənazədəki bütün qadınlar şubalarda olduğu halda sadəcə bizim dövlət təmsilçimiz mini ətəkli, qolsuz bir libasda idi.

Sonra aylar keçdi , birgün Facebook məllim mənə göstərdi ki, mini ətəkli libas üçün narahatçılığım əbəs yerə imiş. Şəkillərdə gördüm ki Qənirə xanım artıq uzun libaslı və hətta başı bağlıdır. Bu dəfə də nə hikmətsə Qənirə Paşayeva Azərbaycanın sosyal yardım kompaniyası ilə Afrikaya Somaliyə gedib. Tarix 8 avqust 2012 ci il. Bütün sosial şəbəkələrdə bu xanımın şəkilləri. Yayın qızmar çağı Qənirə xanım uzun libas və qara yaylıqla başı bağlı. Şəkillərin ardı arası kəsilmir. Yemək bişirən yerdə , uşaqlarla qucaqlaşan yerdə , hətta həkim kimi uşaqları müayinə edən yerdə. Şou biznes mənsublarından bircə addım geri qalmadı. Ən son sosyal media bu xanıma da ad qoydu " Müqəddəs Ana ".

Mən arasında bir neçə ay fərq olmaqla bu iki hadisədən gördüm ki, bu xanım üçün fəsillər yox , sadəcə yer və zaman var. İstədiyi yerdə istədiyi zamanda fərqli sifətdə ola bilər. Sanki bir xristian ölkəsinə səfər zamanı baş bağlamış kimi qürurlanan Qənirə xanım bilmirki , Somalidə başını bağlaması kimsəyə maraqlı deyil. Cəsarət öz xalqına lisan-i hali ilə bu  dəstəyi verməkdədir. Lazım gələrsə baş bağlamağı münasib görən Qənirə Paşayeva bugünə kimi ölkəmizdə baş vermiş Hicab məsələlərində  niyə xalqın yanında durmadı ? Niyə belə vaxtlarda başını bağlayıb problemli bolgələrimizə Lənkərana , Gəncəyə və başqa rayonlara getmədi ? Türkiyənin daxili siyasətinin, qəbul olunmuş qanunlarının ksero kopiyasını çəkib, televizorlar qabağına çıxıb öz fikri kimi səsləndirən bu xanım deputatımız niyə hicabla bağlı bircə fikir söyləmədi ?

Bu xanım Somalidə ki uzun libası ilə, başını bağlaması ilə bizə nəyin məsajını vermək istədi. Yoxsa onun içində gizli bir İslam sevgisi , məhəbbəti mi var? Somali bunu açıq göstərmək üçün uyğun yerdir ama Azərbaycan isə kafir ölkəsimidir?Məncə bu millətimizin vəkili bu xalqa bircə məsaj verdi ; " Hicab bağlamaq istəyirsinizsə Somaliyə gedin !!! "

                                                                                                                                                         maraqlı dəvamı var...

  Pərviz Əlioğlu...

[perviz-alioglu]

Senatoru Ağlatdıq və Problemimiz Bitdi

Bir gün Bakı Beynəlxalq Avtovağzalından bir rayona avtobusla getməli oldum. Yolda fikrimi saxlamaq üçün bir qazet almaq istədim. Qazet köşkünə yaxınlaşıb satıcı dayıya dedimki, " Ay dayı bu qazetlerden hansı biraz düzdürsə onu ver mənə " . Dayı dediki " Ay bala 12 ildirki qazet satıram. Ən son onu öyrəndim ki , bizim qazetlərdə sadəcə ayın tarixi doğrudur. Sən ən yaxşısı krasvord alki , bəlkə nəsə öyrənərsən ." İnanın ki bu məsləhət hələdə yerini qoruyur.

Mən vətəndən kənarda olduğum üçün Azərbaycan haqqında xəbərləri müəyyən saytlara baxmaqla almağa çalışıram. Əslində Azərbaycanda çayxanalarda olan xəbərlər və söhbətlər bu saytlardan daha real , daha canlıdır. Ən azından məsələyə qulaq asıb fikrini bildirə bilirsən. Saytlar isə yazdığımız şərhləri belə yayınlamaq istəmir. Ama burda xəbər , kanal və qazet saytlarına baxmağa məcbur qalırıq. Daha facebookdakı admini kim olduğu bilinməyənlər xəbər səhifələri var. Hətta bir neçə gün əvvəl birinə şərh yazıb , verdiyi xəbərin qaynağını istədim. yazdıki, " İndi marşurutdayam , telefondan yazıram. Evə gedəndə sizi xəbərin qaynağını yazmağa çalışaram."

Nə isə , gəlim mənim bu dəfəki dərdimə . Belə saytlardan biri də ANS Press dir. Artıq əminəmki özünü bir sıra mövzularda dəqiq , vicdanlı , qərəzsiz kimi " именовать " edən və ən böyük " Vətənşüvən" bu medya şirkətimizin bircə dərdi var. O da  ki , " Xoca " filmi. Bu şirkətin verdiyi xəbərlərin 20 % dən çoxu bu filmin propaqandasıdır. Ay Londonda belə oldu , ay Amerikada senatoru ağlatdı , ay falan dilə tərcümə oldu. Bunlar yaxşı , gözəl də ,  məni bir şey düşündürür. " Nİyə mən hələ də bu filmə baxmamışam ? "

Bu məsələyə Prizmanın Başqa Üzündən baxanda gördüm ki, özünü Vətənsevər adlandıran  " Vətənşüvənlər " adı çəkilən filmi Azərbaycan xalqına televizorlarda deyil məhz pulnana kinoteatrlarda satdılar. Ən maraqlısı da odurki , tariximizi öyrədən orta məktəblərdə , bu filmi şagirdlərin izləməsi üçün , ənənəvi üsuldan istifadə edərək məcburu biletlər satdılar. Məni də maraqlandıran budurki , bu Vətən sevməkmi oldu yoxsa Vətən sevgisini bəhanə edərək pul qazanmaq kampaniyasımı? Vahid Mustafayevin bu qədərmi ehtiyacı var idi məcburi satılan biletlərdən gələn gəlirlərə ? Əlbətdəki yox. Bunun tək cavabı Vahid Mustafayevin kino işində bacarıqsız olmasıdır. Çünki bundan əvvəl çəkdiyi nə teleserial tutuldu , nədə ki " Seçilən" filmi. " Seçilən " filmi üçün məcburi biletlər satılmamışdı deyə reyting toplamadı. Filmə baxan bəzi yoldaşlar " ət tökmək " üçün , o filmi diet programı kimi istifadı etməyi məsləhət gördülər. "Xoca" filmi artıq Vahid Mustafayev üçün qürur məsələsi olmuşdu.

Bugünki xəbərlərdə oxudum ki dünən bu filim Qırğızıstan telekanallarında  göstərilib. Bu gün isə Nizami kinoteatrında pulsuz nümaiş ediləcək. Mən tam dəqiq bilmirəm ki, bu filim nə vaxtsa ANS tv də nümaiş olunub ya yox. ama onu bilirəmki Qırğızıstan xalqı pulsuz , Azərbaycan xalqı pulla məcburi satılmış biletlərlə bu filmə baxdılar.

Senatorun ağlamasını deyən Vahid Mustafayev , qardaşın Çingiz Mustafayevin kadrları bu xalqı pulsuz dəfələrcə ağlatdı. ALLAH ona gəni gəni rəhət etsin.

Pərviz Əlioğlu...