رُمانه

اعملنا كوبايتين شاي وتعالى نتسامر

[rromana]

مش بحب الايام اللي بكون مضغوطه فيها ، بحس جسمي لما بيكون تعبان مش بيدور ازاي يرتاح بالعكس بيدور ازاي يتعب اكتر ، نفتكر حاجات بتضايقنا من تاني ، نتخيل سيناريوهات تفشخنا من اول وجديد ندخل في لووب عارفين انه بندخله بسهوله فشخ لكن عشان نطلع منه بيكون بطلوع الروح بس .. الله المستعان

[rromana]

افراح مصر الشعبيه دي حاجة حقيره ، لا في احترام لمواعيد شغل ولا ناس تعبانه وعايزه تنام ولا اي حاجة منهمممم لله

[rromana]

بتحبي الشغل ليه

العصايه السحريه بتاعتي 🥰

[rromana]

في مشاعر صداها جوايا اعلى من الحب شوية وبتمنح العلاقة استمرارية واستقرار اكبر من كونها مبنية على حب وبس!

زي إني أكون مفهوم، متشاف، مسموع، امِن، متطمن، متونِّس، ماهونش ومايبقاش فيه مساحة لجفاء أو قسوة، عيني وعقلي وقلبي بالترتيب كدا مليانيين ومرتاحين، قادره اكون انا، مقبوله وبتحب من غير شروط، اتشاف كبيره وبقيمتي، احس إني كفاية، وأحس بمدى أثري الجميل على روح شريكي، احس إني كفايه تاني ، نعرف نتشارك الوحش والحلو بكل طمأنينه ، بيننا لغة تواصل وحوار، مايبقاش جوا اي حد فينا ذريعه للكدب او الاستهانه بمشاعر الآخر ، يبقى جوه كل طرف فخر بامتلاك الآخر، احترام مساحتي الشخصية ومساحة أمانيَ واحلامي .. بضحك معاك من قلبي وهو كله خِفه بوجودك ، احس اني كفايه تالت..

والأهم من ده كله إنه يوصلي بالطريقة اللي أحب إنه يوصلي بيها ..

واخيراً وليس آخراً .. نعرف نختلف .

رفض شخص لعلاقة محبوب فيها ده مش جحود.

ممكن تبقى بتحبني عادي .. بتحبني وبس!

وده مش كفاية إني أشوفك :")

[rromana]

الرجاله بتحب اي حاجة بعيد عن ايديهم ، حتى لو كانت جوا باسكت زباله بس مش بتاعتهم يمدوا ايديهم وياخدوا الزباله دي عادي جداً! عالم غريبه والله 😂

[rromana]

كل مدى بتحس انك بتقرب للهاوية اكتر والطريق بيخلص على حاجات عمرك ما كنت تتخيل انك توصلها ، اصعب حرب ممكن تعيشها هي الحرب اللي مع نفسك لا انت قادر تسيب وترتاح ولا عارف تكمل مرتاح.

[rromana]

يدوك بالقلم على وشك ويبهدلوك ويطلعوا اسوأ ما فيك ، يأذوك في مشاعرك وروحك ونفسك ويحسسوك انك مغفل وعبيط ومش كفايه بعد كل اللي بتعمله ، وفي الاخر انت ازاي سايب نفسك لدماغك وشيطانك يزعلوك ويخربوا عليك حياتك كدا!

[rromana]

مش كفايه انك تبقا مبسوط .. مش هيبقا كفايه لو طول الوقت انت قلقان وخايف ومش متطمن ومش قادر تلمس الحاجة اللي بتجيلك بمشاعرها الحقيقيه ..

مع الوقت اكتشفت انه اهم بكتير من انك سعيد ومبسوط هو انك تكون مرتاح ومتطمن ، عالاقل وقتها هتعرف تنبسط بكل حاجة في حياتك مهما كانت بسيطة .

[rromana]

يارب هونها شوية بس طبطب على قلوبنا والطف بينا واجعل لنا شوية راحة وسعاده اكتر من كدا شوية ..

[rromana]

الحال ملخصه ايه اليومين دول..

بخاف مني على الدنيا وبخاف من الدنيا على قلبي ، أنا مش حابب القسوة ومش حابب كمان طيبتي

[rromana]

شكله مافيش سنين هتصلح ما افسدته سنين اخرى فعلاً

[rromana]

القلوب ليها طاقة .. تستحمل مرة مرتين تلاتة .. حتى العفو محتاج قوة عظيمة تفوق قوة الانتقام .. ومشقة الإنسان في الوصول للتسامح لا تعني أنه إنسان سيئ أبداً

[rromana]

ازاي حبايبي بيواسوني لما الحياة بتقسى عليا 🩷

[04k96]

[rromana]

سن ال٢٤ .. شاطره ، جميله ، ناجحة ، مستقله مادياً .. حققت حاجات كتير كان نفسي فيها بفضل الله وكرمه

ولذلك برافو يا رُمانه عملنا حاجات كتير في سن صغير الحمد لله 🤍

Self reminder عشان اي مره اقول اني تعبت اعرف انه في حاجات كتير تستاهل التعب دا 🤍

[rromana]

تخيل تبقا خايف تاخد اجازه من شغلك عشان مايزيدش الوقت اللي دماغك وافكارك ومشاعرك بتاكلك فيه اكتر من المعتاد ..!

[rromana]

ماكنتش اتخيل اني اقول كدا بس .. امتتتتى ارجع الشغل تاني

دا الحياه في المنزل طلعت موحشه اكتر من العالم الخارجي 😅

[rromana]

تخيل تبقا خايف تاخد اجازه من شغلك عشان مايزيدش الوقت اللي دماغك وافكارك ومشاعرك بتاكلك فيه اكتر من المعتاد ..!