Usapang Pag-Ibig: Expectation Vs. Reality
Kapag mag-aaway kayo ng boyfriend/girlfriend mo.
Expectation: Mag-aasaran. Tatawagin ka niyang lumot, panget, alien, tatawagin ka niyang payatot, tatawagin ka niyang maliit pero para lang siyang lambingan. Magkukunwari kang galit, tapos susuyuin ka niya. Sasabihan ka niya na “Alam mo namang hindi ako sanay na ini-express yung feelings ko pero ang totoo niyan mahal talaga kita. Sorry na, mahal ko.” Parang Wattpad lang.
Reality: Magsisigawan! Magsisisihan! Mauungkat yung mga nangyari sa nakaraan! Minsan magmumurahan! Tapos yung akala mong susuyuin ka niya kasi kasalanan naman talaga niya, ayun hindi nangyari. Siya pa tong galit at siya pa tong hindi mahagilap. Walang text, walang chat, walang paramdam. Kaya yung maliit na problema mas lalong lumaki.
Kapag marami ng naging past yung current boyfriend/girlfriend mo.
Expectation: Past is past. Wala na lahat yun kasi ikaw na ang mahal niya ngayon. Nagbago siya para sayo at yun yung dapat na panghawakan mo. Minsan nakakaselos pero nilalambing ka naman niya at binibigyan ng assurance. Minsan din pinag-aawayan niyo pa yung past niya pero nauuwi lang din naman sa lambingan.
Reality: Sakit sa ulo! Maraming nakikisawsaw! Maraming nagkukumpara sayo! Yung selos na selos ka na tapos dedma lang siya, puro “babe naman, matagal na yun.” Pero wala namang epekto kasi yung ex niya nandyan lang sa paligid at wala man lang siyang planong gawan yun ng paraan. Sa panahon ngayon hindi na uso ang “past is past”, kung malandi talaga kay potensyal na mang-agaw!
Kapag LDR kayo ng boyfriend/girlfriend mo.
Expectation: Kakayanin niyo kasi mahal niyo ang isa’t isa. Marami namang paraan eh, may text, tawag, chat at Skype. Kapag monthsary niyo, pwede kayong mag Skype-date. Pwede rin naman kayong mag-ipon para magkita kayo. Mas mamahalin niyo pa ang isa’t isa kasi papatatagin kayo ng mga pagsubok.
Reality: Hindi sapat ang text, tawag, chat at Skype. Miss mo na siya at wala kang magagawa para mabawasan man lang yun. Minsan nakakapagod na hanggang tawagan nalang kayo. Minsan nakakasawa na yung kapag magagalit o magseselos ka, walang yayakap sayo. Mahirap din na hindi magselos at magtampo. Sobrang hirap kalaban ang distansya.
Kapag naghiwalay kayo ng boyfriend/girlfriend mo.
Expectation: Malulungkot siya ng sobra. Apektado lahat ng ginagawa niya. Hindi siya makakain, hindi siya makatulog, lagi ka niyang hinahanap. Hinihintay mo lagi na magtext pa siya. Umaasa ka na sana makita mo na may chat siya sa Facebook. Iniisip mo siya gabi-gabi, “sana iniisip mo din ako ngayon.” At kapag bibisitahin mo yung Facebook niya, ramdam mo na malungkot siya,
Reality: Parang wala lang nangyari! Pagbisita mo sa Facebook niya, tatambad sayo yung status niyang ***** is now Single. Tapos puro malalanding babae yung nagcocomfort sa kanya sa comment section. Kaya pala hindi na nagpaparamdam, busy pala siya sa galaan kasama mga kaibigan niya. Mukha naman siyang okay. Ang blooming niya pa samantalang ikaw, umaasa pa rin!
vaporwave
areudirty
origamiaround
turnnoffyourmind
kianamaiart
blakekathryn
tangentwithtanner
