#ang buwan

[definitelynotdang]

Ang Buwan

Pagmasdan mo ang buwan

Napakaganda, perperkto ang hugis

Hindi masakit sa mga mata

Doo’y naninirahan ang isang diwata

Pagmasdan mo ang buwan

Hindi ba siya nalulumbay?

Sa gabi liwanag ay binibigay

Napakaganda, ngunit mag-isa.

[markhersonhuelgas]

Ang Hiling Ko Sa Mga Bituin

"ANG HILING KO SA MGA BITUIN"

Ang hiling ko lamang sa mga bituin

Ikaw ay laging di mawala sa paningin

Ikaw ay gabayan sa pagsapit ng dilim

Ikaw ay iturong muli pabalik sa akin

Ang hiling ko lamang sa mga tala

Ay isang sampal pa sa aking mukha

Upang sa bangungot na ito'y magising

Upang ituwid muli nawalang mithiin

Ang hiling ko lamang sa mga bulalakaw

Ibigkis ang puso, ng ako at ng ikaw

Magsilbing tanod sa hiwalay na landas

Sapagka't ang sunod ay di na kakalas

Ang hiling ko lamang sa kalangitan

Na ang lungkot ay pawiin at punasan

Mga luhang maaaring muling pumatak

Ang pusong hindi na hahayaang mawasak

Ang hiling ko lamang sa haring araw

Mga damdamin natin ay unting mapukaw

Ibalik ang dating bughaw na himpapawid

Buuing muling ang tulay na maghahatid

Ang hiling ko lamang sa gabi at buwan

Na sa puso ko ay huwag kang pakawalan

Sa ugoy ng hangin at init ng pag-ibig

Binibini, babalik akong muli sa bisig