#foleja

[kafsho]

[kafsho]

[kafsho]

Princ Wied-i e dinte se, politika gjermane nuk kishte interesa direkte në Shqipëri, madje ajo ishte skeptike ndaj misionit të tij në Shqipëri. Jo vetëm Wilhelm-i II, por edhe politika gjermanee konsideronte situatën në të cilën do të gjendej Wied-i në Shqipëri aq të komplikuar dhe të vështirë, saqë në Reichstag (Parlament), pas zgjedhjes së Wied-it, si Princ i Shqipërisë, do të thuhej se “është më e rehatshme dhe e pranueshme të ulesh mbi një fole milingonash, sesa në fronin mbretëror shqiptar”.

Marenglen Verli, Shqipëria 1914

[kafsho]

Së fundi më kanë tërhequr vëmendjen dy deklarata kontradiktore që vijnë nga opozita. E para, është një letër e kryetares së Bashkisë së Shkodrës, Voltana Ademi, e cila iu drejtua një numri ambasadorësh perëndimorë, me kërkesën e ngritjes së një komisioni ndërkombëtar për të zgjidhur çështjen e Shkodrës, së cilës iu përgjigj ambasadori austriak duke i thënë se jemi në vitin 2019 jo në vitin 1913. E dyta, ishte një deklaratë e kryetarit të PD-së, Lulzim Basha, sipas së cilës, problemet tona duhet t’i zgjidhim vetë, jo të na i zgjidhin ndërkombëtarët. Janë dy qëndrime që shprehin një moment të dyzuar të mendimit politik shqiptar që tregojnë se, në një anë, Shqipëria mbetet ende, siç thoshte Fishta në vitet 1913, si ai zogu në fole që pret të vijë ta kojë “nana Evropë” dhe, nga ana tjetër, nevojën për të dalë nga këta shpërgënj e për të fluturuar. Fatkeqësisht, për momentin, letra e Ademit është tregues i kulturës dominante politike, kurse thirrja e Bashës mund të konsiderohet si ndër cicërimat e para të zogut që kërkon të dalë nga foleja

Fatos Lubonja, Manipulo dhe korrupto ndërkombëtarët, që të shtypësh shqiptarët

[kafsho]

[kafsho]

Sheshi “Skënderbej” në Tiranë është kushtëzuar fort, gjatë shekullit XX, nga shndërrimi i Tiranës në kryeqytet – meqë është përdorur sistematikisht për mbishkrime dhe graffiti simbolike në indin urban të qytetit; i tillë edhe është trashëguar nga shteti dhe pushteti i tanishëm, i cili nuk po di ç’të bëjë me të, përveçse ta rishtrojë e ta rindërtojë herë pas here, me një këmbëngulje instinktive të ngjashme me atë të dallëndyshes që e mirëmban me zell folenë edhe kur i kanë ngordhur zogjtë.

Ardian Vehbiu, Sheshi abstrakt

[kafsho]

[kafsho]