سلسلے توڑ گیا وہ سبھی جاتے جاتے
ورنہ اتنے تو مراسم تھے کہ آتے جاتے
silsile toD gaya vo sabhi jaate jaate
varna itne to marasim the keh aate jaate
شکوۂ ظلمت شب سے تو کہیں بہتر تھا
اپنے حصے کی کوئی شمع جلاتے جاتے
shikva-e-zulmat-e-shab se to kahin behtar tha
apne hisse ki koi sham.a jalate jaate
کتنا آساں تھا ترے ہجر میں مرنا جاناں
پھر بھی اک عمر لگی جان سے جاتے جاتے
kitna asan tha tire hijr men marna janan
phir bhi ik umr lagi jaan se jaate jaate
جشن مقتل ہی نہ برپا ہوا ورنہ ہم بھی
پا بجولاں ہی سہی ناچتے گاتے جاتے
jashn-e-maqtal hi na barpa hua varna ham bhi
pa-ba-jaulan hi sahi nachte gaate jaate
اس کی وہ جانے اسے پاس وفا تھا کہ نہ تھا
تم فرازؔ اپنی طرف سے تو نبھاتے جاتے
is ki vo jaane use pas-e-vafa tha ki na tha
tum 'faraz' apni taraf se to nibhate jaate
- احمد فراز
. Ahmad Faraz
