❤tnkrvhl❤

Live happily ever after in Neverland.❤

[tnkrvhl09]

Hindi ako okay. At hindi ko ma-figure out kung saan at bakit ako hindi maayos. Gusto kong umalis, lumayo ULIT pero wala na kong energy to do that. Nakikipag-socialize ako, pero at the end of the day I feel exhausted. Pagod na pagod na yung utak at puso ko.

Napapagod ako sa mga tao everytime na sasabihin nilang, "ano ka ba nasa isip mo lang yan", "drama na naman", at kung ano ano pa. Kaya ayoko na magsabi kasi alam kong hindi nila ako naiintidihan. Para san ba, di ba?

Ewan ko, basta ayoko na. Nakakasuko.

[tnkrvhl09]

Habang nagtitingin ako sa Messenger ko, bigla nahagip ng mata ko ang pangalan mo. Tiningnan ko ulit ang mga usapan natin, apat na taon ang nakalipas. Napangiti ako at walang naramdamang kahit anong sakit at pagmamahal. At dito ko mas napatunayang okay na pala ako, masaya ako sa kung anong meron tayo noon.

[tnkrvhl09]

Mas mabuti pa lang naghiwalay tayo ng hindi maayos. Yung may away, yung hindi okay. Hindi katulad ng ganito, mapayapa tayong natapos. Mas mahirap dahil hindi ka nawala. Hindi tayo nawala pero alam nating hindi na pwede. Mas masakit dahil nandyan ka at hindi ko pa din mabitawan.

[tnkrvhl09]

Mapapatanong ka na lang talaga minsan kung bakit may pinagtatagpo pero hindi nagkakatuluyan. Masasabi mong hindi pala talaga sapat yung 'mahal' nyo yung isa't isa. Tapos tadhana na mismo ang gagawa ng paraan para hindi maging kayo sa huli.

[tnkrvhl09]

Noong nag desisyon akong tuluyang papasukin ka sa buhay ko, ilang beses akong nagtanong sa sarili ko. Handa na ba talaga ako? Masyadong mabigat ang maaring mangyari sa hinaharap.

Ngunit iisa lang ang naging sagot ng puso ko. Mahal na kita. Ikaw nagpapasaya sa bawat araw ko.

Ikaw ang nagiging dahilan ng bawat ngiti ko. Ikaw ang palaging laman ng isip ko. Hindi ako natatakot na sabihin sa'yong Mahal kita.

[tnkrvhl09]

Alam natin na gusto pa natin ang isa't isa. Ayaw mo na magkaron ako ng iba at ganun din ako sa'yo.

Pero hindi natin magawang piliin ang isa't isa. Kasi hindi pwede. Kasi mali. Kasi komplikado.

Bakit pa tayo pinagtagpo kung ipaparamdam lang pala satin na masakit magmahal?

[tnkrvhl09]

Pasensya ka na kung hindi ko na sa'yo nakukwento ang lahat ng kapaguran ko, dahil nahanap ko na sa iba ang kapahingahan ko.

[tnkrvhl09]

Madalas sinasabi ko na eto yung 'happy place' ko. Na dito ako nakakahanap ng comfort. Pero nalimutan kong hanapin kung saan ba ang 'safe place' ko.

[tnkrvhl09]

Hindi ko na maintindihan ang sarili ko. Walang maisagot sa tanong kung bakit kita iniisip ng paulit ulit. Na kung bakit napapangiti ako sa tuwing may mensahe akong natatanggap mula sayo.

Alam kong tapos na ang istorya natin. May kanya kanya ng bida ang istoryang binubuo natin sa ngaun. Gusto kitang makita. Gusto kong malaman kung anong meron sayo na hindi ko mabitaw-bitawan.

[tnkrvhl09]

Thank you for another wonderful year, Lord. ❤

[tnkrvhl09]

Masaya ka ng nakabuo ng sarili mong pamilya.

At heto naman ako, pinupulot unti unti ang sarili na nagkapira-piraso dahil sa pagdaan mo sa buhay ko.

Labindalawang taon ang aking hinintay. Nagmula sa iyong mga salita na tayo ay magsasama at magiging maligaya.

Ilang tao ang pinalampas sa pag asang baka ikaw ang para sa akin. Na baka magbabago ang takbo ng tadhana at umayon sa ating dalawa.

Ngunit ang Labindawalang taon ay natapos lamang ng isang araw nang sabihin mong ika'y "ikakasal na". Ilang gabing nabasa ng luha ang aking mga unan. Saksi ang apat na sulok ng aking kwarto sa kung paano ako nagtanong sa Diyos kung bakit naging mailap ang tadhana sa atin.

Ngayon, hahakbang na ako palayo ng tuluyan. Muling bubuin ang sarili. Patawarin mo ako sa aking hindi pananatili at patatawarin kita sa hindi mo pagkapit.

#hugot #akingkwento #tagalog #tagalogquotes #bakasakali

[tnkrvhl09]

Dadating din ang araw na habang nakatitig ako sa'yong mga litrato, habang kinakausap ka at habang binabasa ang mga mensahe mo ay wala na akong mararamdamang kahit anong kilig, pananabik at pagmamahal para sa'yo.

Sa pagkakataong ito, doon ko masasabing naipanalo ko na ang laban sa pagitan ng pagkapit at pamamaalam.

[tnkrvhl09]

Self, hindi tayo makakausad kung parehas tayong pasyente.

[tnkrvhl09]

Dear Self,

Mahal kita kahit na ikaw ang laging nagiging sakripisyo para sa kasiyahan ng iba.

Mahal kita kahit na huli ka sa mga bagay na lagi kong isinasalba.

Mahal kita kahit na mas marami yung pagmamahal na naibibigay ko sa iba.

Mahal kita kahit na mas inuuna kong gamutin ang sugat ng iba habang nagdurugo ka pa.

Mahal kita. Pero pasensya na dahil kung minsan pakiramdam mo na wala ka ng halaga. 🖤💔

[tnkrvhl09]

Tahanan ang aking nais, ngunit ginawa mong bahay-panuluyan lamang ang puso kong ikaw lang ang ibig.

[tnkrvhl09]

Nakangiti at kinikilig pa rin ako habang ikinukwento kita sa ibang tao. 🥰

[tnkrvhl09]

Tandaan mo na ikaw ang unang bumitaw dun sa panahong ikaw lang ang aking pinili.