Nakalaya na ako sa kadena ng kahapon, aking bilangguan ay tinalikuran. Nakulong noong kailan, dala-dala ang mga bagahe ng nakaraan. Ngayon ako'y makakalaya nang walang hawak-hawak. Balik sa umpisa ngunit alam ko na kung saan magsisimula, nakaukit sa aking palad ang mga plano't balak.
Saan magsisimula? Hanggang kailan? Hanggang saan? Mga katanungang matagal nang bumabagabag sa aking isipan. Bago pa humantong sa aking sariling bilangguan, kung aking iisipin ay 'yon ba ang aking naging sala? Ang aking krimen at kaso, ako rin ang nagpasimuno.
Sa aking pagkalaya, aalpas at sasabay sa daluyong ng karagatan. Pahimakas sa nagdaan, ako'y magpapatuloy..
Padayon, laban.
















