Anak ng Bayan

Masining na pagpapahayag ng mga hangarin. // Daet • Lupo • Marjalino • Revale

[aaaapat-blog]

Ako'y Wika ni: Aniceto F. Silvestre

Ako'y sino? Ako'y ano? Ako'y ilaw, diwa't damdam. Ako'y dila, mata't kamay Ng buhay ng santinakpan. Kung sa uri't yamang angkin - Ako'y bulkan, bundok, bukid, Ako'y dagat, bukal, batis. Ako'y guhit - naging ugat, Ako'y tunog - naging bigkas, Pinagyama't pinalago. . . Napabato, daho't tanso, Napapapel, pilak, ginto. Nang gamiti't kailangan: Ako'y sining, dunong, agham, Ako'y awit, batas, dasal. Ang pag-ibig, Ang pangaral ng Bathala't Sampung Utos nang itala'y Sa tunog ko naunawa At sa akin napalagda. Buhat noon, Anh pantas ma't ang mulalay Kumikilala't dumakila, Ang pangarap na paglaya'Sinasagisag, binandila. Ako'y tubig, ako'y lupa, Ako'y lahing dugong saga. . . AKO'Y WIKA.

[aaaapat-blog]

Hindi kikinis ang batong hiyas kung hindi ikikiskis, Hindi bubuti ang tao Kung walang pagsubok at pagtitiis.

Mga salawikain (Book-1) ni: C.S. CANONIGO

[aaaapat-blog]

"Hayan na, hayan na hindi mo nakikita."

Sagot: Hangin

[word-stuck]

[hoydanyel-deactivated20240427]

Wikang Filipino Tungo sa Pagkakaisa at Kalayaan

Kalayaan! Kalayaan! Kalayaan na dati’y hinahanap-hanap, ngayo’y nakamtan na! Ano ang naging instrumento para sa ating kalayaan? Wika! Wika ang naging daan!

Wika, Pilipino at Filipino, maraming mga pinagdaanan para maging isa. Tayong mga Pilipino ay maraming magagandang ugali pero tulad ng iba, marami ding hindi kanais-nais. Kilala tayo sa pagiging bukas loob sa mga bisita at sa ating pagiging malapit sa pamilya. Meron din tayong tinatawag na bayanihan na nagpapakita ng pagmamalasakit sa kapwa at pagtutulungan. Isang bansa, isang wika.

Ano nga ba ang wika? Ang wika ay naglalarawan ng mga komunidad, ng isang bansa.

Ang pambansang wika ng Pilipinas ayon sa Wikipedia ay Filipino. Ginawa ito upang magkaroon ng isang sumasagisag na pambansang wika ang Pilipinas. Si Manuel L. Quezon ang tinaguriang ama ng ating wikang pambansa. Hindi naging biro ang magisip at magpatupad ng isang sistemang wika na hindi pa nakakasanayan ng iba. Marahil may mga sumasalungat ngunit madadama natin ngayon ang tagumpay na natamo ni Ginoong Quezon at mga tao na naging bahagi nito sapagkat bilang isang bansa, tayo’y may isang wika. Salamat Ginoong Quezon.

Maraming sinakripisyo ang mga Pilipino noon upang maging malaya at hindi rin naging madali ang mga ito. Wika marahil ang naging dahilan upang magkaroon ng pagkakaisa. Napakahalaga ng wika, dito nagkakaroon ng pagiintindihan at paguunawaan, kaya masasabi ko, dahil sa wika nagkaisa ang mga Pilipino laban sa mga dayuhang gustong sakupin ang ating bansa. Tagumpay! Tagumpay tayong mga Plipino, dahil sa wika tayo ay nagkaisa, at sa pagkakaisa tayo ay naging isang bansang malaya.

-Daniel Joshua Camarines

[delfindakila]

[aaaapat-blog]

“Sa pamamagitan ng wikang nakasanayan, inaasam na kalayaan ating makakamtan.”

[aaaapat-blog]

Salitang Makata

Isang tao ang nakakuha ng aking atensyon, 

Palangiti at maraming kaibigan ang depinisyon. 

Iyong tinig ang aking nais marinig, 

Na kasing baritono ng iyong tindig. 

Sa isang pagdiriwang ika'y aking nakita, 

Hindi inaasahang pinagtagpo muli ng tadhana. 

Nahihiya man ay nais kang kausapin, 

Walang oras o segundo na sasayangin.  

Papalapit ako sa'yo ngunit ika'y may kausap, 

Hindi sinasadya ng aking tenga na may makalap. 

Wikang banyaga ang iyong ginagamit, 

Kaya napagtanto ko na huwag na lang lumapit. 

 Heto ako nagmamahal, nagsusumamo, 

Kailan kaya madirinig ang mga munting pangako.

Kung ang mga wikang gamit ay di naman pareho, 

At hindi bihasa sa salita ng mga dayo. 

 Ang totoo nito'y umiibig ako sa iyo, 

Ika'y abot kamay pero napakalayo. 

Nang ika'y lubos ko nang nakilala,  

Nalaman ko na nagsasalita ka rin pala.

Wikang Filipino ang pangunahing salita, 

Nasanay ka nga lang sa wikang banyaga. 

Hirap man noong una ay iniintindi kita, 

Ngunit ng kalaunan ay filipino na ang iyong mga salita. 

Ngayon ko lang nalaman ang halaga ng Wikang Filipino, 

Laking pasasalamat ko at marunong tayong pareho. 

—Sariling Gawa—

[aaaapat-blog]

Nasa ating mga kamay ang pagpapasya kung papahalagahan at papaunlarin ang sariling atin.  

[aaaapat-blog]

"Tara na! Kanta na Pilipinas!" 

 Ngayong Agosto, sama sama tayong magdiwang ng buwan ng wika. Ating ipadama ang halaga ng wikang Filipino sa pamamagitan ng awit. Sa maikling kantang ito ni Lea Salongga na pinamagatang KANTA, PILIPINAS! ating alamin ang kahalagahan ng wika bilang awit ng ating buhay at bansa. 

[aaaapat-blog]

"Ang isip ay parang itak, sa hasa tumatalas."

May mga bagay na maaaring maisaayos kung pagtutuunan ng pansin.

[aaaapat-blog]

“Pag makitid ang kumot, magtiis kang mamaluktot.”

Tayo ay dapat mamuhay nang naaayon sa ating sariling kakayahan. Dapat magtipid at mamuhay ng payak kung eto lang ang kaya ng ating kabuhayan. Huwag nating tularan ang pamumuhay ng mga mas nakiririwasa sa atin.

[aaaapat-blog]

Sa nalalapit na ika-7 ng Agosto 2016 ay ika-43 taon na simula nang nilikha ng Pambansang Lupon ng Edukasyon ang resolusyong nagsasaad na gagamiting midyum ng pagtuturo mula sa antas elementarya hanggang tersyarya sa lahat ng paaralang pambayan o pribado at pasisimula sa taong panuruan 1974–75.

[aaaapat-blog]

Ang wika ay susi ng puso at diwa, tuluyan ng tao’t ugnayan ng bansa.

Marisol Mapula

[aaaapat-blog]

Ang nasyonalidad ay habang buhay na magsisilbing kasabihan ng isang pahayag.