alymango

boiled egg

[alypescuadro]

Pulang Selda

Pinagbabawal na pag pitas

Labag na pag tikim ng katas

Ang amoy ng halimuyak

Sa pirasong bulaklak

Ang tinta ng pagkatao

Pakiramdam na dehado

Kaakibat ng kulog at kidlat

Dama ang bawat paglapat

Ala-ala pagsapit ng ala una

Pugas ng luha ng isang babaeng dalita

[alypescuadro]

Marahil

I. 

'Di na makilala Malayo na ang nabasa mula sa unang pahina  Maaari sana Balikan ang alaala noong nagsisimula Refrain. 'Pagkat tila patapos na ang ating kuwento Kaya ko naman na Pero eto na naman ba?  

Chorus.

Wag naman sana Kasi hindi ko pa kaya Wag naman sana Pwede ba na mamaya na? Wag naman sana Pwede bang bukas na lang? Kapag ako'y handa na 

II. 

Maiiwan nga ba?  Kamay kong hawak mo ay bibitawan na ba? Oh papano nga ba? Kung ikaw ang hanap hanap pag gising sa umaga 

(Refrain)

(Chorus)

Bridge. 

Mahal, pwede ba na ituloy ang kuwento?  Di ko yata kaya Dito ka na lang 

(Chorus) 

[alypescuadro]

Umagang kay ganda

Binubuklat ang mga pahina sa librong binabasa

Nakikinig ng patalastas at drama

Umiinom ng timplang tsaa

Inaayos ang magulong kama

Nag hahanda ng pagkain sa mesa

Nilalapag ang plato't kutsara

Hihintay na matapos sa kusina

Hinahanda ang gamit para sa opisina

Sakay ang kotseng nakaparada

'Wag kalimutan ang halik sa asawa!

[alypescuadro]

Balisa

Nayayamot 

Dahil sa pagkabagot

Natatakot

Na baka muling kainin ng lungkot

Sinanay na ikaw ang lunas at sagot

Ang dating mga kalmot,

Sa daang baluktot

Mapadpad sa ibang direksyon at makalimot

[alypescuadro]

Pangigilo

Malalim na hininga

Panandaliang saya

Hindi pala madali

Pilitin ang mga ngiti

Kailan matatapos 'to

Upang makapagpahinga na ako

[alypescuadro]

Depth of night

Alas onse na ng gabi

Mulat pa ang binibini

Nag iisip at nag mumunimuni

Sa lalim ng gabi

Mga bumbilyang nakasindi

Tahimik na humihkbi

Alaala nang makisig na lalaki

[alypescuadro]

Bukas-makalawa

Hayaan mo akong hawakan ka

Tanggapin kung anong meron ka’t wala

Bigyan mo ako ng pagkakataong makilala pa

At malunod sa lalim ng nasa isip, sinta

Nais kong masaksihan ang dilim at umaga

Dumako't lumakbay kasama ka

Tikman natin ng sabay ang lungkot at saya

Hanggang makita mo ang tunay na hiwaga

Doon, payagan mo akong higit na mahalin ka

[alypescuadro]

Idlip

Ititipa sa hawak na kuwaderno

Sigaw ng nasa puso

Kaharap ang munting bubuyog

Ngayo'y mahimbing ang tulog

Sa ilalim ng matarik na bubong

Guhit at talis ng ilong

Binabaling sa iba ang mga mata

Dahil baka'y magising sa bulong ng mahika

Nasasabik ako ulit

Na mahagkan muli nang mahigpit

Ang hibla ng buhok

Dilag na handang sumubok

[alypescuadro]

Bihag

Ang inakalang dalisay

Sa tulang nagsilbing tugma at tayutay

Matang kay tagal pinikit

Mapagsawalang bahala lang ang galit

Nilunod sa sapa ng kasinungalingan

Habang nakikipagsapalaran

Pinagkaitan ng tunay na saya

Sa hardin ng mga bulaklak, naging dahong laya

Mga salitang lumalabas sa bibig mo

Mabuti pa ang upos na sigarilyo

[alypescuadro]

Lubha

Ikaw man ay nais matanaw

Hindi maaari ngayong tag araw

Init mag hapong dinadaing

Isip sa ibang bagay binabaling

Dinig ang huni ng ibon

Katawang sa kama ay nakabaon

Dahil sa mga harang na linya

Tutol sa labing nais madama

Kaarawang sasapit

Ako sana'y makalapit

Nakahilata't nag aabang

Sariling isip nililinlang

[alypescuadro]

Selos

Binting nanginginig sa lamig

Init nang bisig, 'di magpapadaig

Nag dalawang isip

Panibagong kathang isip

Sapagkat tuliro

Laman ng 'yong puso

Sa gabi ng kasarinlan

Labanan sa mga kalawakan

Ibang rosas pala’y abang

Sana umuwi na lang

Mga salitang ibinigkas mula sa bunganga

Hanging sampal sa mukha

Kahit mangmang alam ito,

Una pa lang, lugi na’t talo

Lagok ng alak mula sa inabot na baso

Pag aakalang atin ang gabing ‘to

[alypescuadro]

Kulungan

Nakaukit sa isip

Mga pangyayari sa matamis na panaginip

Kung paano ang mga kamay

Sa mukha, sa leeg, at dibdib nag lakbay

Sa puso'y ikinubli

Sa pagitan ng oo at hindi

Malalagkit na mga yakap

Sa ilalim ng bituin sa alapaap

Ang buwan na nagsilbing ilaw

Sa dalawang taong nakatampisaw

Ang pagod na nadarama

Hininga sa tenga ang naging pahinga

Mga paru-paro sa sikmura

Ito'y masarap na parusa

[alypescuadro]

Sa loob ng rehas

Katawang nakapako sa isa't isa

Ayaw nang kumawala mula sa kama

Nakabukot sa ilalim ng kumot

Mga bumabagabag nais malimot

Hampas ng alon

Amoy ng berdeng dahon

Hindi pagsasawaan

Ang iyong kamay sa likuran

Laman ng isipan

Sigaw ang kanyang pangalan

Hingang naghihikahos

Mga balat na humahaplos

Tunog ng gripong umaagos

Mga dilang nakagapos

Matang nakapikit

Umagang sumapit

"Parang walang nangyari"

Balik ulit sa dati

[alypescuadro]

Kay makisig napaibig

Mapupungay na mga mata

Mukhang ka aya aya

Makalumang kanta

Nakatugtog sa loob ng karenderya

Malalamig na titig

Pati na angiyong tindig

Boses na nais marinig

Sakanya'y napaibig

Butas sa pisngi

Nahulog sa mga ngiti

Dampi sa labi

Sa dilaw na gusali

Bulong sa hangin

Ikaw ang panalangin

Umagang may dala

Awit habang ang mga braso'y naka kadena sa isa’t isa

[alypescuadro]

Lakan ni Paraluman

Mariposa saaking tiyan

Huning kay sarap pakinggan

Mukhang kay gandang pagmasdan

Panahon kayang ilaan

Aalagaan galing inuman

Paglulutuan pa ng hapunan

Kamay nais hawakan

Labing kinasasabikan

Habang naglalakad sa daan

Yakap sa kabilugan ng buwan

Napawi ang kalungkutan

Naging sandalan

Kahapong nagdaan, ayaw nang balikan

'Pagkat kasiyahang hatid, sa ‘yo lang naranasan

Kilig at hiyawan ‘di mapapantayan

Takbo ng oras sana'y bagalan

Tuwing kasama'y ayaw nang lumisan

Ako'y may isisiwalat, ito ba'y hahayaan?

Matagal 'tong pinaghandaan

Sa una'y nangamba't naguluhan

Pagsusumamong nadarama'y masuklian